يا بنات مين فيكم جربت اثر الاستغفار او الصدقة في ابعاد مشاكل اهل الزوج او الاهل او الصاحبات او اي احد من البشر ...
انا مشاكلي اغلبها مع الناس يعني اهل الزوج مشكلتي ام زوجي طيبة بس بناتها الله يتولاهم ويكفيني شر لسانهم ومكايدهم
يعني لو تنفع الصدقة والله اتصدق بس الله يبعدهم عني وعن زوجي وحياتي كلها كنت مفكره اذا تزوجو برتاح بس والله ما ارتحت
انا الي مستغربة اني انا مااعامل زوجات اخواني الا بكل طيب ولا اتدخل في احد
ولا ني من النوع الي يرمي كلام ولا انكد على احد
لاني سمعت الشيخ عمر عبد الكافي يقول انه في وادي في جهنم اسم هب هب لمن يدخل الغم او النكد على الناس
فو الله اني من قبل ماسمع هالكلام ماكنت اسوي هالشي وحتى بعد ماسمعته والله اني احاول مااتكلم في موضوع يمكن انكد فيه على احد وافكر الف مرة قبل ما اتكلم
ووالله اني يجيني الهم من تصرفات خواته وكلامهم
وما اقول دايما الا حسبي الله ونعم الوكيل ولا حول ولا قوة الا بالله
يمكن اناطبعي الاستعجال وابغى الله ياخذ حقي بسرعه لانه اصعب شي في الدنيا ان الواحد يتحمل الناس ....
والله الفقر مايتعب والمرض مايتعب لاننا عارفين ان الله كاتب هاشي والي من الله يامحلاه
بس ان الناس يتقصدونك وهم مايملكون لنا من الامر من شي ومثلهم مثلنا
طيب فين حديث عامل الناس كما تحب ان يعاملوك .. ؟ طيب انا اعاملهم بطريقة اني ما احب اتدخل في احد واذا شفت وحدة غلطت او تكلمت بكلام ما احب اني اتدخل ولا علي من احد اهم شي خالتي وبس
طيب ليش مايعاملوني بالمثل
ويتركوني في حالي ولا يتدخلون
والله قرفوني من اروح لخالتي وهم متجمعين عندها ادخل مبسوطه وابتسامتي تشق الوجه واطالع الا والوحدة مبوزة يعني فيه مثل يقول لاقيني ولا تغديني ... يعني استقبلني ببشاشة احسن عندي من وليمة تقدمها لي ونت متعكر ومكشر
تعبت مع هالناس
والله لو فيه طريقة سريعه اخلص منهم والله اني ادعي ان الله يكيفني شرهم ولسانهم ونكدهم
وزوجي مااحب ادخله في مشاكلنا لانه مابيده شي اش يسوي مابيحط نفسه وسط مشاكل نساوين وخصوصا انه مو شاهد على شي
وكم مرة اشتكيت له ماسوا شي وخلاص ماعاد اقول له شي
والله اني اخاف ادعي عليهم ترجع الدعوة علي او على شخص احبه
والله مو مدح في نفسي اني اعتبرت نفسي اختهم وهم مايشوفوني الا زوجة اخ
وان ايدي بايدهم في شغل البيت
وادافع عنهم عند اخوهم وامهم اذا كانت زعلانه منهم بس هم عيونهم ماتشوف الا التقصير
ياناس هل انا تربيتي غلط ...؟ يعني ياليت امي ربتني على الرد على الناس وعودتني اخذ حقي بيدي ياليت كنت مشكلجيه وماعلي من احد
ادعولي بظهر الغيب ان الله يبعدهم ويسعدهم ويشغلهم في انفسهم
ويريح الناس منهم لانهم ياليت معي بس
حتى مع الي حوالينا من الاهل والجماعه
يفسرون كل شي غلط وعندهم سوء ظن في الناس
ويحقدون حقد مو طبيعي اذا
وحدة من الي مايحبونها صارت لها مصيبة والله انواع الشماته اسمع منهم
مايدرون انهم تحت رحمة الله متى مانزع رحمته انهم بيتمصخرون قدام الخلايق عشان قرشين الله منعم عليهم فيها رافعين خشومهم
وعلى انا بنت فلان واهلي من قبيله علان
وعلى هذا الاساس ماشين في الدنيا
ااااااااااااه ياقلبي مادرو ان الله ماينظر الى هذا
ان الله ينظر الى قلوبهم