السلام عليكم ورحماته الله وبركاته
انا مش عارفة ابدأ ازاى انا متزوجة منذ 6 سنوات تزوجت فى مصر وسافرت الى السعودية ومقيمة هناك .
انا الحمد لله سليمة انا و زوجى التحاليل كلها سليمة جالست السنة الاولى لم افكر ان اتابع مع اى دكتور قلت اخليها براحتنا وزى ما تيجى تيجى جئت السنة ال بعدها قلت اتابع اشوف نزلت مصر وكشفت طلع عندى ميلان الرحم الى الخلف دة اولا وللاسف بعد الزواج والجلوس فى البيت سمنت وخصوصا منطقة الكرش وترتب على ذلك وجود تكيس فى المبايض المهم اخذت منشطات لعلاج التكيس فترات طويلة على مدى 6 سنوات و سويت تلقيح مرتين مرة بمصر ومرة بالسعودية وللاسف لم يحصل حمل بس الحمد لله على كل حال.
اخر حاجة فى السنة الخامسة نزلت مصر وتابعت مع دكتور بمصر وكنت نازلة على اساس انى اتفق معه على الانابيب وقد اعطانى بعض الحقن المنشطة مع كلوميد وقالى اذا لم يحدث حمل تنزلى مصر و اعملك انابيب
الهم قررت انى انزل وزنى الى الوزن الطبيعى وفى خلال 3 شهور نزل وزنى وبالأخص الكرش وفى ثالث شهر حصل حمل طبيعى ولم اكن مصدقة تماما وعرفت انى حامل فى 50 يوم بالظبط هتسألو طبعا لية معملتش تحليل اول ما اتأخرت هاقولكم انا عندى اصلا الدورة غير منتظمة فقلت بدل ما اروح المستوصف واروح احلل وارجع بخيبة امل قلت استنى اما اجيب اخرها المهم بعدها عالطول روحت علشان اتابع عند دكتورة وشافت كيس الجنين وقالت لى الحمد لله فى كيس حمل و اعطتنى مثبت و فوليك اسيد و اسبرين اطفال و رحت بعد شهر لها وسمعتلى نبض القلب وقلت الحمد له وقالت لى خليكى على نفس العلاج وتعالى الشهر ال بعده جالست فى السونار مدة طويلة شوية وبعدها قالت لى انها شاكة فى حاجة قلت لها خير قالت انه يوجد كيس مائى داخل بطن الجنين هو صغير جدا وهو عبارة عن تشوه جسيمى وليس خلقى فمن الممكن ان يتعالج بعد ان يولد الطفل فقلت لها فى حاجة اقدر اعملها قالت مفيش غير المتابعة وقالت اوحلها الشهر ال بعده و للاسف كنت دخلت فى الشهر الرابع وبعد كشف بالسونار قالت لى ان الكيس بدأ بالكبر جدا لدرجة طبق على بقية اجهزة الطفل ومع كل ذلك نبضه شغال ورأسة سليم والعمود الفقرى ولكن المياة ال حوله قليلة جدا ولازم ينزل وقالت لى هنا سوف يرفضوا بانزاله لانه فى نبض نزلت مصر و للتأكد نزلت عملت سونار رباعى وللاسف قالو نفس الكلام و كنت فى اخر الشهر الرابع ولكن لم يعرفوا سبب الكيس الذى داخل الجنين
قرروا باعطائى ادية طلق اخذتها لمدة اربعة ايام احسست بطلق الحمل الطبيعى ولم يحدث فتح فى عنق الرحم تماما لان المية ال حوله لم تعد موجودة تماما فقرروا البدء بعملية قيصيرية .
ونزل الجنين وسمينا وغسلنا ودفناه
و بعدها عملت تحليل التكسوبلازما و الروبيلا و طلع عندى الروبيلا اتعديت منها فى اول الحمل ولم اكن اعرف و طلع انها انفجرت مثانته بداخله
انا هنا بقول الحمد لله جدا لانه لو كان كمل كان هيكون عذاب لينا وبقول الحمد لله لانه هيكون عصفور من عصافير الجنة بيدعلنا و بقول الحمد لله انه حصل حمل طبيعى احنا كنا فين وان شاءالله يحصل تانى ويكمل
يارب هب لى من لدنك ذرية طيبة انك سميع الدعاء
يا ودود يا ودود يا ذا العرش المجيد يا فعالا لما تريد يا مبدئ يا معيد اللهم انى اسألك بنور وجهك الذى ملأ اركان عرشك و برحمتك التى وسعت كل شئ و قرتك الى قدرت بها على جميع خلقك ان ترزقنى الذرية الصالحة و ترزق كل محرومة من الذرية الصالحة يارب و لا تحرمنا منها