باموت خلاص مكتومه ماتاكل ولاتشرب ولا طلعت لا اسنان ولا خرابيط

السلام عليكم أختي
أكيد الحلوة بالها في طبخة وإنتي ما سويتيها :079:
حبيبتي رفض الأكل عند الاطفال من اكثر الاشياء الطبيعية في هالسن وحتى بعد
وأكبر نصيحة من كل اطباء الأطفال هي لا تأكلي طفلك غصبا عنه
الأسنان عندها دور كبير في فقدان الطفل شاهيته وهذا يمكن يكون أحد الأسباب لبنوتك
ثاني شيء خليها تشارككم وقت الأكل وخصوصا بوجود العائلة كلها ولا تحاولي تركزي عليها يعني حضريلها صحن وخليها بروحها بس تكون وياكم
ونوعي الاكل من ناحية الشكل والطعم يعني إذا بتعطيها فواكه حضري صحن منوع وملون وبقطع صغيرة وممكن تسوي كمبوت التفاح الأطفال يحبونه
إذا بتحضري خضر نفس الشيء خلي الكمية صغيرة ومنوعة
يعني اشتغلي على حاسة النظر
و نصيحة ثانية من تجاربي لا تعصبي عليها وإنت تأكلينها يعني لا تشيلي الطبق أو تحطينه بقوة
أو تخلي بصوتك نبرة العصبية والتهديد الاطفال بيحسون وبيتأثرون
وشيء مهم كيف ترفضين تسوين تحاليل هذا شيء جدا مهم
مثلا نقص الحديد عند الأطفال بيخلي لونهم في اصفرار، أنا طلبت من طبيب يوسف إنه يسويله تحاليل لأني مريت بتجربة قلة الاكل معاه وطلع عنده نقص في الحديد والحين مع الدواء ما شاء الله والحمد لله
الله يخليلك الحلوة يارب
وسامحيني على الإطالة بس من واجبنا نتشارك مع بعض لمعرفة ما يفيد لصالح أبنائنا
وطمنينا عليها

يا اختى لازم تروحى بيها للدكتور ممكن يكون فى شىء فى المعدة خاصه انها بنت و معرضه اكتر للالتهابات بسبب البول
لان كده غلط عليها و ممكن الدكتور يديها فاتح للشهيه او شىء اخر
بس مش لازم تسكتى

الله يكون في عونك أختي جورجي والله كأنك تعيدين ذكرياتي مع بنتي الكبيرة الآن صار عمرها 8 سنوات ونص ووالله بقيت سنواتها الثلاث الأولى رافضه الأكل تماما جربت معاها كل شي حتى الحليب كل الأنواع جربناها معاها وبرضه مش عاجبها وكانت تشرب مثل بنتك سم واحد أو بالكثير إثنين سم غلبنا معاها كثير حتى عيلتنا كلها كانوا يحاولون معاها وبرضه ماشي فايدة والمشكلة إنها كانت تبكي إذا حاولنا نأكلها أحيانا والكل يستغرب حتى الحلاوة اللي كل الأطفال يحبوها هي ترفضها وأوقات كانت تبقى 12 ساعة ولا حتى رشفة حليب تشربها وبعدها توصلنا لحليب رضيت تشربه بس كنت أضع لها شوية سريلاك بالقمح مقدار ملعة فحبت مذاقه مع الحليب وبعدها بدأت صحتها تتحسن والان الحمد لله تحسنت في أكلها لكن برضه بكميات قليلة وهي نحيفة جدا

الله يفتح شهية آطفالكم يارب ..

ويحفظهم ويخليهم لكم

ما عليها شرر القمرر

اصعب فترة اهي هالفترة لما يرفضون الأكل

حاولي وقت الاكل تلهينها يعني وانتو قاعدين ع الوجبة قعديها معاكم وشغلي لها التلفزيون الحين الاطفال من صغرهم يحبون كراميش وطيور الجنه
آنه اشغلهم لبنتي وقت الأكل تقعد تندمج معاهم وآنه أعطيها الاكل وتاكل قبل ما كانت ترضى تقعد
وتحب تاكل بروحها صح تلعوز الدنيا بس اخليها بروحها فرشي طربال طويل وقعديها فوقة وخليها تاكل بروحها صح بتلعوز ونص الاكل تحت بس بتحب تاكل ..

واذا طلع لها اسنان سوي لها فواكة او خضار وقطعيهم قطع صغيرة واعطيها شوكة تبع الاطفال بلاستك حطي لها فيها قطعه وخليها تاكل بروحها ..
واذا ما لها اسنان فوحي الخضار وقطعيها قطع صغيرة وخليها تاكل
في اطفال يحبون ياكلون بروحهم ..

والله يشفيها لج ياااااااااارب
ويهديها