ابوي ضد سعآدتي

السلام عليكم

ببتدي الموضوع بدوم مقدمات ..

في يوم .. رن تلفون الوالدة .. وكآنت وحده متصلة تخطبني لولدها .. كان الشي بالنسبة لي عادي و متعودة عليه .. انه يتصلون في امي يتقدمون لي و أمي تأجل الموضوع لبعد الدراسة ..
بس هالمرة كان الشي غريب .. الولد كان على طول يتصل في أمي .. و يسأل عني و عن اخباري .. و يترجى امي انها تساعده عشان ياخذني .. وكآن يقول لها ما ابي وحده غيرها ..
سألته امي انت وين شفتها ؟ قال كان يشوفني بالصدفة ردتي من المدرسة داخلة بيتنا ..
وكل يوم كان يجوفني .. و ابوه زميل ابوي في الدوام ..
جـآني فضول اعرف من هالشاب .. و بعد ما شغلت فضولي .. عرفت انه ولد اخت صديقتي ..
كلمته جم مرة .. و حسيته من قلبه يحبني ..
كلمت خالي في الموضوع كونه قريب مني .. و سأل عن الشاب .. و قال ماعليه كلام و انسان محترم و خلوق ..
وحسيت بعد من خلال كلامي وياه شكثر يحبني .. و يحترمني ..

عقب ما كملت الدراسة .. و اشرفت على التخرج ..
اتصلت امه مرة ثانية في امي .. عشان يحددون يوم و يجون بيتنا و تصير كل الاشياء الرسمية
لما كلمت امي الوالد في الموضوع .. استغربت من رده
كآن رافض و بشده .. بس سببه ماكان مقنع ابدا .. يقول لي الولد اسمر و ما يصلح لج .. بس انا كلش ما اهتم لهلأشياء .. ما يهمني الشكل كثر ما تهمني الاخلاق
هاذا كان السبب الأول ..
السبب الثاني يقول عنده خال اخلاقه مو زينه ..
السبب الثالث يقول شغلته مو زينه .. مع انه يشتغل مع ابوي في نفس الشركه .. و معاشه زين .. و شغلته بتتغير لانه للحين يدرس في الجامعه
و لما قلت للوالد الاسباب مو مقنعه .. ظل يقول لالالا ما يصلح لج ..


مواصفاته كانت مواصفات الشاب الي احلم فيه طول عمري ..
انسان محترم و خلوق وفي حاله .. و بشهادة امي لانه كان دائما يتصل فيها ..
و فوق كل هاذا كان يحبني ..وما جا كلمني بالطريقة الغلط .. او استعمل سوالف الشباب الطايشين ..
بالعكس .. عجبتني طريقته و شلون عبر عن حبه لي قدام امي .. و وما منعه شي وكان واثق من كلامه ..

ما ابي اخسر الانسان الي يحبني ..!!


و للعلم .. كل ما احد يتقدم لي ابوي يطلع فيه مئه عيب .. قبل هاذا اتقدم لي واحد و قال ابوي فقير .. مع انه مهندس !!!!! و رفضه
انا متواضعه و ما ابي اصير مثل ابوي .. من صغيري و انا ابوي ماتعجبني تصرفاته و معاملته مع الناس .. يجوف كل الناس اصغر منه و كل الناس اقل منه
احب اعيش في تواضع .. احترم الكل و احب الكل ..
الحين ابوي يبي يحرمني من سعآدتي ..! عشان سبب بالنسبة لي تافه !
وامي ماتقدر تتكلم و تقول شي .. مع انها مرتاحة للشاب واجد .. و تتمناه لي


اعطوني حل .. والله ضايقة فيني الدنيا .. يعني كل ما بيتقدم لي واحد زين و ارتاح له ابوي بخرب علي ؟
بيوقف طول عمره حاجز على سعادتي