احد عنده فكرة عن دكتور احمد بركات

هلا اختي
انا رحت الى دكتوره صباح
وما ارتحت لها وما عجبني علاجها كلش وحسيتها وايد ماديه
وهذا رايي الشخصي فيها
ورحت الى احمد بركات واهو دكتور شاااااااااااااطررر ومحترم
وماتهمه الافلوس وانا من رايي تابعي مع دكتور احمد بركات
انا حاليا اتابع معاه واهو راح يسافر على شهر 7 اتكلي على
الله وروحي له خلال هالفتره والله يكتب لج الي فيه الخير

هلا اختي
عياده احمد بركات ففي العدليه ورى التحقيقات الجنائيه
قريب من نادي الخريجين
واي راح يسافر بشهر 7 على كلامه لي
وبنسبه الى دكتوره صباح طبعا الي استفاد بيمدح فيها
والي ما استفاد بذم فيها شي طبيعي يا اختي
ارانا تختلف وبالنهايه كل هذي ارزاق من رب العالمين
متى ما الله كاتب بصير
وانا عن نفسي فعلا ما ارتحت مع صباح برغم اني رحت لها موعدين
بس ما حبيت معاملتها لي وخوفتني وايد وكلام على الفاضي
والي تسال عن سعر العمليه اهي حوالي من 1200 الى 1500 دينار
بس اهو عنده عروض احيانا يساعد المرضه ويخفظ لهم السعر

يااااااااااااااااااااااااااااااااااارب يارب يارب يارب يرزقني ويرزق صاحبه الموضوع وكل وحده تتمنى بطفل بدون اي عمليه يرزقنا هديه من عنده وتكون هالهديه غاليه وثمينه تسى عيونا ونرعاها ونربيها وتفرح قلوبنا ياااااااارب العالمين

قولوا امين

:thumbs_down: عيل انا شقوووووووووووول
اقولج اول زياره دخلوني على ريلها وعلى الفاضي
وكلام ماله فايده ههههههه واخذو عليي افلوس :mad:
وكان المفروض ما اعطيهم ولا فلس لانه انا قلت ابي ادخل عليها
مب على ريلها وثاني موعد دخلت عليها وياريت ما دخلت هههه
اول شي قالت لي يبي لج عمليتين ؟؟؟:| انا صرت جذي
قلت لها شنهو ؟ قالت لي اول عمليه منظار اشيل التكيس :woo:
وثاني عملية اطفال انابيب 8o| شدخل هههه طبعا اذا بتسوي لي
انابيب ما يحتاج تسوي منظار حق التكيس وعلى طول طلعت وانا :'(
وحتى ما عرفت امشي السياره ولا عرفت وين اروح واتصلت في ريلي
قالي انتي مب كل الكلام الي يقولونه لج تصدقينهم وتصحين خلج ذكيه
ذوله يبون افلوس ومن جذي يزيدون في الحجي وخلاص من لحظتها
شطبتها من مخي <<< كاني قلت قصه حياتي :o

بنات ترى صدقوني السالفه مش سالفه الدكتور شاطر او لا ترى على حاله المريضه نفسها يعني الدكتور مش ملاك اكيد بيغلط واكيد بتجيه حالات ماراح يقدر يعالجها لان هاذي ارادت رب العالمين فوق كل شي..

انا سويت عمليه انابيب عند احمد بركات ولاحملت وهاذي ثاني مره اسوي عنده وشكلي بعد مش حامل لان الدوره بدت تنزل قبل التحليل يعني ناس وايد حملو على ايده بعد الله بس يمكن هل حالات غير عن حالتي

انا فالمرتين رجعلي 5 اجنه ممتازين لكن سبحان الله مافي حمل فشكيت انه انا فيني شي يعني من الاساس كان ممكن اسوي فحوصات اكثر على بطانت الرحم لان مايصير التصاق للاجنه .. :( نفسيتي زفت لكن الحمدالله على كل حال

تخيلو انه اول مره تعالجت عند دكتور فتره طويله واخذت ابر وتعبت ولا كان يصير حمل اخر شي وبعد التعب قال لازم اتسوين اشعه للانابيب سويت طلع انبوب في تلصقات قلت له هاذي الاتصاقات اتسوي مشكله للحمل قال لا ماعتقد رحت عند دكتور غيره قالي اكييييد مايصير حمل من انابيب فالوب اذا واحد خربان اكيد الثاني بعد فيه شي على طول قالي سوي انابيب وعلى طول سالت عن اشطر واحد يسوي انابيب قالولي احمد بركات رحت له وهاذي حالتي ثاني عمليه عنده ولانجحت الحمدالله لك يارب على كل حال..

القصد من هاذا كله قبل لاتعالجون وتراكضون فحصو نفسكم من كل شي لان كل الدكاتره مابيدهم شي وكل شي بيد رب العالمين