ما اعرف شون ابدى مشروعي بلييييز ساعدوني ولو بنصيحه

السلام عليكم
بنات انا طالبه اخر سنه وعندي مشروع تصميم نفانيف اعراس ومناسبات
انا عمتي مصممه بس انا ادري لو اسالها عن النسبه اللي اخذها والنسبه اللي اعطيها الخياط ماراح تقولي الصحيح
انا عرسي ان شاء الله 7-3-2012
وحاليا قاعده اجمع عشان التجهيز
انا ابي اكتب الاساله واي وحده منكم يا خواتي عندها خبره او معلومه ان شاء الله ما تحرمني منها:
متى ابدى المشروع قبل الزواج ولا بعده؟
واذا بعد الزواج يعني بعده بكم؟
شلون اجيب الخياط او الخياطه الماهره؟
الخياطه اطلبها طلبيه ولا اشوف لي اي خياط بالديره؟
كم السعر اللي ابدى فيه مشروعي؟
(وللعلم ان نفانيفي حييييل فخمه يعني حق مناسبااات فخمه يعني تقريبا نفايف عروس واخت عروس )
وين احط معرضي اول شي بالبيت ولا ارض المعارض؟
انا عمتي اول شي حطته ببيتها
اعرض الملاس على بنات عماتي يعني يجون ويلبسونهم بايام العرض ولا احط الاجسام والاشكال التمثاليه والبسهم؟
للعلم عمتي خلتنا نعرض ملابسها يعني جمعتنا ولبستنا وخلتنا نعرض واهي حطت بعد التماثيل بس حرام ما بينت البدله يعني ضلمت بدلاتها يوم لبستهم التمثال
كم النسبه اللي اعطيها الخياط وكم النسبه اللي انا اخذها وكم النسبه اللي اخليها للمعرض؟
كم نفنون افصل اول شي؟
للعلم انا عندي البومين حق النفانيف
ابدا اول شي بالعبي ولا الدراريع ولا النفانيف الخفيفه ولا النفانيف الفخمه؟
شلون احط دعايه؟
للعلم انا عمتي سوت اوراق ووزعتهم على جيرانها ورفايجها و بنات عماتي وبنات عماتي وزعوهم على الكليات اللي يدرسون فيهم وغيره
كم يوم احط المعرض؟
متى اسوي المعرض مره ثانيه؟
احط تنزيلات متى ؟
احط سايق حق التوصيل ولا مو لازم ؟
للعلم احنا ما عندنا سايق وبصراحه ماودنا نجيب سايق
وين القا الكياس اللي احط اسمي عليهم؟
اخلي احد يتكلم مع الزبائن ولا انا اتفاهم معاهم؟
للعلم انا عمري 18 يعني اخاف ما يامنون على نفايفهم او مايثقون



واتمنى انكم تفيدوني بصراحه هذي الفكره فكرتي وابوي يقدر يمولي وماعنده مانع