حيرانة وخايفة لاسيب خطيبى

محرجة علشان اول موصوع ليا يكون مشكلتى اللى ملهاش حل :o
انا اتخطبت من سنة وبحب خطيبى اوى وفاضل شهرين على جوازنا بس ياخسارة اهلى عاملين مشاكل على حاجات تافهة ومن اول الخطوبة وانا فى مشاكل :'( حتى ان بابا كان هيفشكلها من شهر بس ربنا سترها :'(
ياريت حد من اهلى يفهم ان انا بحبه ومقدرش استغنى عنه:'(وعلى فكرة هو ابن عمى يعنى مش غريب بس المشكلة ان هو عايش فى المدينة وانا فى الريف وطبعا التقاليد والعادات مختلفة
بابا فاهم ان خطيبى مش شارينى ومهما حاولت مش قادرة اوصله ان خطيبى طيب جدا مبقولش كده علشان هو خطيبى لا اناعرفته كويس جدا :(
"خطيبى معتمد على نفسه فى كل حاجة وضد انه ياخد من باباه اى فلوس علشان الجهاز وهناك ف مدينتهم العروسة بيبقى عليها حاجات اكتر من العريس عكس عندنا وهنا بقى المشكلة وبابا فى الاتفاق قبل الخطوبة قلهم هنمشى زى عندكم وهو ميعرفش ايه بيحصل عندهم وفاكر زى عندنا والشهر الماضى حصلت مشاكل بسبب حاجة فى الجهاز وبابا قلهم ان احنا هنسيب بعض طبعا من غير ماعرف وخطيبى قاله انه هيجيبها بس ميسبنيش وعدت على خير":badly:الحمدلله
"دلوقتى بابا مش عايز يجبلى هدوم الخروج علشان عندنا بتبقى على العريس وعند خطيبى على العروسة وانا عارفة ظروف خطيبى وعامل حسابه على ان الهدوم على العروسة والفلوس اللى باقية معاه للفرح وشهر العسل":'(
مش عارفة اعمل ايه بابا هيكلمه قريب وشكلها المرة دى هنسيب بعض وخطيبى حاسس ان بابا بيطفشه من كتر المشاكل دى
على فكرة من وجهة نظر بابا ان كده بيعززنى ومن وجهة نظرى ان كده بيرخصنى :'(
انا معتش بكلم خطيبى زى الاول علشان متعلقش به اكتر من كده وانا هسيبه:'(
شوفولى حل بسرعة :'(:'(:'(:'(:'(:'(:'(:'(:'(