مشكلتي اختي

السلام عليكم ورحمة الله وبركاته
راح ادخل بالموضع بسرعة اني عندي اخت عمرها 19 سنة مخطوبة للمرة الثانية هي تاعبة اهلي بشكل مو طبيعي كثيرة المشاكل قليلة التفكير ترسب بدراستها كل شوية مغيرة رايها
تقدم شاب جيرانة كنا نشوفة خلوق وطيب وابن حلال وعندة كلمة وصاحب صنعة كَلنة هذا اللي راح يسعدها ويسيطر عليها يعني مو هايت وفاهي
بس المشكلة انة بس انطيناه الموافقة وبدينة نحضر للعقد هو طلعلة وجه ثاني وكنة انخدعنة بي طلع يدور قالات ومشاكل نسوان وينقل كلام ويحجي عالكل احنة غلطنة استعجلنة بس نكللها اتركيي متقبل لا وكلما تصير خلافات بينها وبين الوالدة علمودة تروح تحجيلة عن اللي صار وتكلة امي متقبل اطلع وياك امي متعقدة ماعاشت فترة خطوبة ومتحب اي مخطوبين واذا امي عصبت ومدت ايدها عليها تروح تتصل بي وتكلة تجي الان والا اطلع واترك البيت وتكلة اهلي يضربوني وخلت الولد يكره امي وصار يتجاوز بالكلام هذا اللي جان يتمنى بس نطيه موافقتنة
اني بس اريد الحل اريد اعرف شنسوي وصارو اهلة همات يتدخلون ويتجاوزون وكلة بسببها هي لان اطتهم مجال واني وامي نحس انو هذا مو كفؤ يطوه مراة ولا اهلة ناس يتعتبون شلون بينة احد يطينة الحل نتركها شلون متكون حياتها لو نمنعها لو شنسوي وياها ارجوكم ساعدوني اني جدا خايفة على والدتي يصير بيها شي من وراها
وشكرا الكم مقدما
ماادري اذا الموضوع مفهوم لاني كلش متاذية واني اكتب وراسي مصدع من ورة هالموضوع وكلت اكيد الاخوات يفيدوني هنا بلكت احنة متزمتين براينة وماجاي ننطيها حقها بلكت احد ينضر للموضوع من زاوية ثانية وينطينة رايه وشكرا جزيلا