ساعدووووووووني

السلام عليكم ورحمة الله وبركاته...........


مبروووك

اهم شي يا اخت قلوووب بشرة الوجة و الجسم
بما انع عملك في الشمس لازم تاخذين معاك من الآن و صاعد كريم للوقاية من اشعة الشمس و تحطينة كل ساعة او اذا كان قوي تحطينه في منتصف الدوام

و بالنسبة للتجهيزات انت فعلا لازم تجهزين من الحينة
لانه بس اختيار الملابس و المكياج و الحجوزات تاخذ وقت

و سلامتك
و بنات المنتدى ما يقصرون
بيساعدونك


وعليكم السلام ورحمة الله وبركاته

تشكري الغالية على النصيحة وانا فعلا حجزت الصالة وان شاء الله الاسبوع القادم بحجز الصالون


لكن ابي الي يساعدني في كيفية الاهتمام بالشرة والشعر وبشكل يكون سهل لاني من ارجع من الشغل والله ما يكون عندي وقت كبير اشوف عمري بدات بس استخدم زين النارجيل بالليل لاني قرأت في المنتدى انه زين للشعر هذا الشي الوحيد الي سويته لاني فعلا مشغولة

واتمنى اجد عندكم الجواب وانا متاكدة باذن الله بتساعدوني
وياليت بعد تخبروني وين احسن صالون احجز عنده للعرس يعني يكون يا في دبي او الشارجة

هلا بك أختي قلوب 00 مبرووووووك الف الف مبروك

انا أصحك تبدي تجهزي لزواجك من الحين لانه 4 شهور مده غير

كافيه للتجهيز 00 واذا كنتي بتفصلين ثوب خصوصا لازم تشتري

من الحين وتشوفي لك خياطه تخلصه لك بدري 00 عدا عن كذا

ملابسك ومكياجك وعطوراتك كل تحسي انك محتاجه له

اذا راح تجهزي بعد العيد راح يكون كل شي بسرعه بسرعه

وماراح تاخذي راحتك 00اما بخصوص شعرك وبشرتك اتمنى

من الاخوات يساعدوكي بخصوص هالموضوع 00ولو تتصفحي

ركن الشعر والبشره راح تلقي أشياء كثيره تسرك ان شاء الله

اتمنى لكِ حياه سعيده وبالتوفيق ولااتنسي تعزميني :D

تحياتي لكِ 00 شوق العيوووون

عزيزتي الله يتمم لج على خير انشاءالله

ومثل ما قالوا الخوات حاولي تبدين تتجهزين من الحين وانتي تعرفين انه التجهيز مب لبس وعطور وذهب وبس...انتي لازم تراجعين نفسج وانتي يالسة مرة ومرتاحة...تفكرين في الطريقة اللي تبين تظهرين فيها ليلة العرس وهل انتي مقتنعة بشكل معين تريدين تكونين عليه يومها...وتحاولين تشوفين الطريقة اللي تحققلج هالشي..بمعنى لو كنتي شايفة موديل وعجبج قبل تشوفين هل يناسبج او لا؟! وطريقة مكياج وتسريحة عجبتج وتبين تسوينها وتحاولين تسألين اذا كانت على الموضة بعدها او خلاص تغيرت..واهم شي مظهرج انتي هل انتي راضية عن وزنج او تنسيق جسمج..وهذا الشي ما يتغير بين يوم وليلة ولازم اذا كنتي بحاجة لانزال كم كيلو من الحين تبدين بحمية عشان ما تتعبين نفسج قبل العرس..وبشرتج حاولي من الحين تسوين لها تنظيف بشرة حتى لو مرتين في الشهر او مرة على الاقل...وانتي نفسج في البيت حاولي تستخدمين اشياء تنظفها في اوقات راحتج العادية مثل الروب تحطينه لمدة ربع ساعة وتمسحينه وانتي تشوفين التلفزيون..او العسل ..وكمادات الشاي وانتي نايمة عشان تريح عيونج....والوصفات الخفيفة وايده في ركن الهناية بالبشرة اكيد..

اما الجزء الثاني وهو الملابس المخيطة حاولي تبدين من الحين تحطينهم عند الخياييط بس مش كل القطع اللي عندج...حطي كل شهر كمية منها عشان تكونين نوعتي في الموديلات..وكل ما تحصلين لج وقت وانتي مارة السوق ادخلي المحلات واشتري اللي تحلينه يناسبلج من ملابس داخلية واحذية وشنط وحتى التنانير والقمصان لانه في اشياء ما تتغير موضتها وحسب ما تناسبج انتي وذوقج...المكياج ممكن تتركينه لاخر شهر لانه ما يحتاي وقت..والعطور بعد مثل الدخون والعود والعطر العربي ..لانها بتنشف وانتي بتستعملينها لفترة طويلة بعد العرس...

واهم شي عندج حاولي كل ما تكونين فاضية تمرين على الصالونات وتحجزين عند اللي يعجبج قبل العرس بشهرين لانه فعلا الحجز يتطلب وقت وعشان يكون عندج وقت اذا حبيتي تغيرين..والفستان بعد خذيلج لفة واختاري الديزاين اللي تبينه من الحين قبل زحمة العيد ...

بس اهم شي انج ترتبين ميزانيتج وتحطين لكل شي سعره المحدد عشان ما تتلعوزين بعدين

وتحياتي لج
ام سعيد

السلام عليكم ورحمة الله وبركاته.........


ادخلي منتدى العناية بالبشرة والجسم

بيفيدونج

وااايد

وعليكم السلام ورحمة الله وبركاته

السلام عليكم


اختي اول شي الف الف الف مبروك مقدمــــــــــا..
ومنه المال ومنك العيـــــــــــــال ان شاء الله وبالرفاء والبنين..

اول شي الغاليه..

البشره:

اذا تحسين بشرتك تعبانه وايد.. روحي عند دكتورة او اخصائية تجميل.. تكون موثوق منها.. واطلبي منها كريمات العناية بالبشرة الخاصة بنوعية وجهج.. واهم شي خبريها انج تشتغلين في مكان مشمس.. عشان تعطيج شي ضد الشمس..
اهم شي .. دايما اغسلي وجهج من المكياج عدل.. وحاولي كل ما قرّب العرس ما تحطين مكياج ابد ابد ابد.. :) عشان بعد العرس بالفعل الناس يحسون يالفرق..
كثري من الماي.. عشان نضارة البشره..

الجسم:

بعد كل حمام دافي.. حطي زيت بيبي جونسن للاطفال.. (قبل ما تنشفي جسمك) وبعدين تنشفي.. وحطي كريم جونسون اللي فيه لوز.. مع زيت اللوز... وادهني كل جسمج.. (لا تتكيسلين عن هالشي. ترى الكريم يطري ويرطب الجسم واااااااااااااااااااااااااايد)..
حاولي بين فترة وفترة تسوين حمام مغربي.. مع حمامات طين..
وفي الاسبوع سوي سراب مره وحده او مرتين للجسم.. (يشيل الخلايا الميته)

الجهـــــــاز:

نصيحه اخويه.. ابدي من الحين.. عشان قريب العرس تكونين خلصتي ومرتاحه ..
انا عرسي بعد 3 اسابيع وخلصت جهازي ومع ذلد احس بربكه واني مو مخلصه شي.. عشان جيه خلصي من الحين لين قريب العرس عندج.. عشان تفضين بالج من هالاشياء.. :)

شوفي حبيبتي.. انا اول ما بديت اجهز شو سويت..
حطيت جدول..

قمصان نوم
جلاليب: مخاوير - مغربيات - جلاليب رسميه
ملابس خروج
شنط واحذيه
اكسسوارات
ملابس داخليه
بجامات
شيل وعبايات
عطورات وكريماتهم
مكياج

والخ.. اذا في شي اضافي حطيه..
وبعدين ابدي من الحين مثلا اذا عيبج شي خذيه.. وخليه في شنطه في البيت.. لين عقب شهر بتشوفين انج يمعتي شي.. :)
بس اهم شي ترتبين حالج عسب ما تصرفين اكثر من اللي عندج..

اهم شي:

فستـــــــان العرس
حجوزات الصالون والمكياج

فستان العرس لازم تخططين من الحين له.. اذا بتفصلين لازم من الحين تسيرين لانه لا تنسين بييج رمضان والعيد يعني ما بيكون شغل قوي في هالفترة..

فسيري من الحين المصصممين.. عندج اروشي ولا سكاليني ولا وليد عطا الله... وايدين ماشاء الله.. :)
وقوليلهم عرسي في هالشهر.. ونصيحه لا تحددين خليه يقولج متى تبينه يخلص.. (قوليله على الاقل تاريخ يكون قبل العرس باسبوع او اسبوع ونص) عسب تكون ماخذه راحتج انهم ما يأخرون عليج.. :)

حجوزات المكياج.. من الحين سوي تلفوناتج.. وشوفي الاسعار واللي يناسبج.. بس البروفه سويها قريب العرس يعني شهر ونص او شهر بالكثير.. (عسب يكون على الموضه)

مممممممممممممممم شو بعد.. وايد كتبت..

اذا نسيت شي واذكرته بخبرج.. اتمنى اني قدرت افيدج حبوبه..

ومبروك مره ثانيه

تشكروا اخواتي على النصايح والله افدتوني وان شاء الله بتكونوا اول المعزومات على العرس

ملاك الامارات برافو:clap: قلووووووب مبروك

السلام عليكم ورحمة الله وبركاته

ان شاء الله هالرابطتين بيفيدونج وايد.. وهم عن تجهيزات العروس وشو تشتري؟! وشو تسوي؟!

احتياجات العروس من الزهبه "خاص لبنات الامارات"

للمقبلات على الزواج ويريدون يعرفون كل شي بالتفصيل لتجهيزات العرس "بنات الامارات فقط"



واهتمي بالاكل وايد.. يعني اكثري من الخضراوات والفواكه ونوعي.. وشربي ماي وايد يعني على الاقل 8 كاسات في اليوم.. ولا تنسين الرياضه عشان يبين عليج نشيطه ومب خموله..

الللللللللللللللللللله الردود كانت كتير حلوه اكيد بتكوني استفدتي كتير .وانا بصراحه مافي فيدك بشي عشان..............................انا ما عملت عرس متلكم وا وا واااااااااااااااااااا.الله يباركلك ويوفقك يارب