موظف الجوازات غلط وتحملنا نتيجة خطئه

السلام عليكم . .
أخباركم يافراشات
بدخل في موضوعي على طول ،عندنا شغاله اندونيسيه من خمس سنوات عندنا صارت كنها اخت بالنسبه لنا طيبه حيل وحنونه وهاديه وبعد خمس سنوات طلبت منا اجازه لمدة 3شهور وبعدها بترجع وافقت امي لها وسافرت.
انا وامي انذبحنا بشغل البيت ومافي احد غيرنا خواتي متزوجات والباقي صغار،والمصيبه ان دوامي مسائي وكل يوم اشوف امي وأتحسر عليها البيت كبير وكل شي على قلبها ،تدهورت صحتها وصارت عصبيه بسبب الضغط الي فوق راسها.
وكنت اقول بتمر الشهور بسرعه وترجع شغالتنا وفعلا مرت واتصلت علينا وقالت انها بتجي خلال اسبوع وماتتخيلون فرحتنا.
وفي نفس اليوم المحدد اتصلت علينا وقالت ان المكتب يبينا نكلمهم لانهم رفضوا يجيبونها.اتصلنا عليهم وانصدمنا ان موظف الجوازات بدل مايحط لها خروج وعوده غلط وكتب خروج نهائي.
اقسم بالله كنها مصيبه نزلت علينا وحاولنا فيهم يصححون الخطأ رفضوا.
رحنا لمكتب الاستقدام عشان يساعدنا وقال انا مستعد أجيبها لكم بس تدفعون لي 14 الف ريال.
وانصدمنا اكثر لان هالمبلغ مانقدر عليه :'(
قالت وحده الله يجزاها خير ان الحل الوحيد ان احنا نشتري الفيزا ونرسلها لها عن طريق الدي اتش ال ونرسل لها مبلغ وتقدر تتعامل مع مكاتبهم وتجي عندنا وفرحتنا ماكملت سمعنا البارح ان المكاتب الي عندهم سكروها ومافي شغالات اندونيسات الحين
اختي على وشك ولاده وبعدها رمضان جاي مدري شنسوي بدون شغاله والله افكر اقدم استقالتي.
فراشات في لنا امل في رجوعها او لا.
خففوا علي همي الله يفرج عنكم.
:'(