وربــــــي قهــــــــــــــــــر

ف

فوشياآ~

عروس رائعة

23-05-2011 | 02:46 AM

بسم الله الرحمن الرحيم

السلام عليكم حبوبات ,,,,,

ماراح الف و ادور و راح ادخل ع الموضوع بسررررررررررعه

انا بنت الحمد لله متملكه ,,, كنت دايم ادعي لبنات عمي ينخطبون و يملكون قبل ما اتزوج
عشان نتجهز مع بعض ... لاننا داااااااااايم بكل مكان مع بعض ,,,
ان شالله لو بيروحون بر ياخذوني معهم و السبب بسيط ..
ابوي ما يحب يمشينا مو لانه ما يحبنا بس لانه تقريبا تعقد من الحادث اللي صار له قبل 3 سنين
و بصراحه اللي ياخذني للسوق اكثر شي اخوي الله يرضى عليه
مريح ابوي و مو مقصر معانا ... و في كل طلعه لازم اخذ بنات عمي
لانهم دايم ياخذوني معهم اي مكان ,,, والله اني كل ما اشوف شي اقول ان شالله بعرسكم
و ان شالله راح اجهز معكم .. وهم كانوا يقولون يارب قبل ما تتزوجين
او بعد ما تتزوجين عشان تساعدينا في الجهاز

انا كنت فرحاااانه منهم ... و الحمد لله انخطبوا الثنتين و قبل شهر ملكتهم
و ماشاء الله تبارك الله تحدد يوم زواجهم في شوال
بعكسي انا انخطبت من زمااااان و ملكت من زماااااان وللحين ما تحدد يوم زواجي
قلت معليش مو مشكله الله يهنيهم ..
و قلت لهم اذا بتروحون السوق ياليت تقولون لي لان ماحد بياخذني
و انا ابي معكم ,,, قالوا اووووك

وصاروا يطلعون من دون ما يتكلمون ... انا قلت معليش يابنت يمكن ما يبونك تشوفين كل شي
و رحت قبل كم يوم للمول ابي اشتري قمصان نوم و بجايم
قلت امر عليهم و نتقضى ,,,, والله انهم يستحون ياخذون القمصان قالوا انتي جمعي لنا كم قميص
واللي عجبني خذيت لهم مثله ... و البجايم خذيت لهم نفس بجايمي و قلت بنات عمي
يستحون و من هالكلام ,,,
اليوم اتفاجأ من صديقتي قالت لي ,,, بنت عمك تقول شرايك نمر عليكم
وناخذكم معنا المول عشان نتقضى سوا ...؟؟؟
صديقتي كمان ربي يسعدها تملكت قبل اسبوع و ما عندهم اللي يوصلهم

تخيلوا ,,, قالت لصديقتي اللي ما تمون ابدا عليهم شرايك نتقضى سوا ؟؟
طيب ... مو انا اولى تقولون لي؟؟؟
ولا لان صديقتي مرررررررره كشخه تاخذينها و انا لاء؟؟
ما راح اكذب عليكم احنا ع قد حالنا و انا ما احب اثقل ع اهلي
اللي يعطوني احمد ربي و اشكره ...
بس صديقتي و بنات عمي ما شاءالله ربي يزيدهم مقتدرين و حالهم افضل من حالي
ابوي دايم يقولي ... يابنتي لو عندي ملايين الدنيا ما تغلا عليك
لانه داري ان بنات عمي و صديقاتي كذا ... وربي قعدت ابكي و الحين اكتب لكم و انا ابكي

فضلت صديقتي علي لانها نفس ستايلها و تقدر تشتري من المولات الفخمه
ما اكذب عليكم اشتري انا بعد من مول بس مو دايم ...
ومو من فلوس ابوي اذا جا زوجي و عطاني فلوس رحت شريت من مول

وربي انقهرت لما قالت لي كذا ,,, مدري ايش اسوي و الي يزيدني قهر
دايم بنت عمي تتصل بعد ما ترجع و تقولي شرينا و شرينا و طلع كل مشترياتنا بـ (( مبالغ كبيره بالنسبه لي انا ))
و كمان انقهر .... تتصل تسأل ايش اخر موديل شفتيه حلو او ايش اخر اقمشه طالعين عليها
و انا اقولها و اتفاجأ انها عازمه صديقتي بكره تروح معها

انا ما ادري ابين لها اني زعلت من تصرفها ؟؟؟ اختي الكبيره قالت لي لا تزعلين حالك
و افرحي لهم و خلي عنك الوسوسه ...

انا احب بنات عمي و مهمن غلطوا علي راح اسكت ,,, لانهم غلطوا ع اهل زوجي يوم تأخروا بالزواج
و يمكن زواجي في عيد فطر قبلهم ,,, لمن قلت لهم قالوا انتي من وين طلع لنا زواجك
مع اني والله مخطوبه قبلهم من سنين و مملكه قبلهم بسبعه شهور

يعني مو المفروض بعد هذا كله ازعل منهم و ما اسكت عن اللي يسوونه فيني؟؟
هل تعتبرون زعلي وسوسه ...؟؟؟ و اني ظلمتهم و يمكن مو في بالهم من اللي في بالي؟؟
افيدوني يا بنات الله يرضى عليكم

ميته من القهر

(

((حلاوتي بشقاوتي))

عروس ماسية

23-05-2011 | 02:59 AM

حياتي من حقك تزعلي بس ماعليك لاتضايقي حاااااااااااالك طنشي بعض الناس كذا اذا كان عندهم زواجات وربي ماكانهم يعرفونه حشا والله بناكلهم والا ايش - بس اهم شي انتي لاتكدري حالك ترى الدنيا ماتسوى وعيشي حياتك وانشاء زواج بالعيد وتفرحي ياااااااااااااااااارب الله يوفقك ويحفظك من كل شر

ف

فوشياآ~

عروس رائعة

23-05-2011 | 03:05 AM

((حلاوتي بشقاوتي));15134758:
حياتي من حقك تزعلي بس ماعليك لاتضايقي حاااااااااااالك طنشي بعض الناس كذا اذا كان عندهم زواجات وربي ماكانهم يعرفونه حشا والله بناكلهم والا ايش - بس اهم شي انتي لاتكدري حالك ترى الدنيا ماتسوى وعيشي حياتك وانشاء زواج بالعيد وتفرحي ياااااااااااااااااارب الله يوفقك ويحفظك من كل شر

تسلمي لي حبيبتي ...
اصلا انا مطنشه بس قهرتني لما راحت و اتصلت ع صديقتي

والله ثم والله صديقتي ما تعرفهم زين بس من قريب
و لان صديقتي طلعت ايفون اعتقد لهالسبب صاروا يحتكون فيها
هي و هم معهم ايفون .. طيب انتو ادرى بظروفي

انا لما كنت اجهز لنفسي احاول اني ما احسسهم بشي
و اني طبيعيه مثل اول ,,,,
لان وحده منهم اكبر مني و الثانيه بنفس عمري

(

((حلاوتي بشقاوتي))

عروس ماسية

23-05-2011 | 03:16 AM

فديت محبوبي;15134771:
تسلمي لي حبيبتي ...

اصلا انا مطنشه بس قهرتني لما راحت و اتصلت ع صديقتي

والله ثم والله صديقتي ما تعرفهم زين بس من قريب
و لان صديقتي طلعت ايفون اعتقد لهالسبب صاروا يحتكون فيها
هي و هم معهم ايفون .. طيب انتو ادرى بظروفي

انا لما كنت اجهز لنفسي احاول اني ما احسسهم بشي
و اني طبيعيه مثل اول ,,,,

لان وحده منهم اكبر مني و الثانيه بنفس عمري

خير ان شاء الله ايفون وقسم موصاحيات اهم شي الاخلاق موالكشخه جوال والله يما ناس اعرفهم كشخه حيل ومتواضعين - وابقولك عمر الصداقه ماتدوم الا اذا كانت حب في الله وصدق ولا خرابيط ماراح تدوم ياروحي الله يسر امرك ونفرح بيك قريب يااااااااااااعروستنا

ب

بن الدلع والدلال ت

عروس مشرقة

23-05-2011 | 03:29 AM

لاياروحي مووسوسهـ
ولشي بالعكس
بقولك حآآجآآ
اسمحيــلي
ترابناات عمك فنظري مريضيـــن وفقلبهم حسد وغيرة منك
مدري عااد إش اللي قاهرهم منك
بس انامن وجهة نظري غن اللي تقول كذا وتتفشخر وربي مريضهـ نفس بنت عمي بالضبط الوقت كلؤ اشتريت كيذا وبابتي اشترالي كذا هاذ كلؤ ترا نقص والله
أكيد فيهم نقص وعدم ثقة والاماكانو أخذو صديقتي عشان استايلها
وقسمن ترا
لاتزعلي ترا فيكي شي احسن منهم والكل منبط تسبذو يمكن أجمل منهم والغيرة ذابحتهم
مااختلفنا يحببوكي بس كل وااحد وطبعو يغلب علييه
ومهماحاولو يخبو طبعهم الوحش بيطلع مع الأيام إنتي لاتااخذي فخااطرك وخليكي فحااالك مااعليكي فييهم أبد
لوتبي شي خذي رااي زووجك وع قددك يكون نعوم وعسول ومولازم مولات
في حاجات كتييير حلوه موبس فالمولااات
يابنت كل واحد وع حسب حالو وبعدين إنتي زوجك ماحيشوف اللبس تبعكي ماركه والالأ
أهم شي لبس حللللو ويهببل ويطلعكي كيووووووووت ويبرز جسمك ياامكتراللبسات الحلوه
وقسمن المولات فيهاحاجات هبلة وغاليه ع الفاضي
إنتي لاتحطي فبالك وربنابيعطيكي ع قد نيتك
وطنششششششششي

موفقه ياروحي وعقبال مااتفرحي وتسيري احلى عروووووووسه
وحرآآآآآآآآآآ
ع الغيران ههههههه

مبروووووووووك عيووني

ع

عيون وليد

عروس ماسية

23-05-2011 | 03:31 AM

يووووه ترا من يوم ما تتزوجون وربي ييسر لكم راح تشوفين كيف بيتغيرون اكثر من كذا

ترا انا صار معاي موقف قريب من موقفك وانقهرت مره بس طنشت

اختي لا تقولين بنات عمي ولا بنات خالي اخواتك بس شقيقات وغيرهم لا بعدين تتذكرين كلامي :)

طنشيهم وترا مو شرط ان الغالي حلو ربي يبارك في القليل واهم شي التوفيق

الله يسهل امورك يارب

ف

فوشياآ~

عروس رائعة

23-05-2011 | 03:34 AM

والله انا ما احب اثقل ع اهلي
و بصراحه مثل ما قلتي المولات باااايخه و غاليه ...

وامي دايم تقولي .. تراهم يشوفون اللي عندك و مايشوفون اللي عندهم
مدري ع ايش حاسديني؟؟

و اي صح دايم وحده منهم تقول زوجك المفروض يكون لي و زوجي لك ؟؟
سألتها ليش؟؟؟
قالت انتي مالك في الكشخه و المظاهر مثل زوجي
بعكسي احب الكشخات و المظاهر مثل زوجك ...

احسها مدحتني و غلطت ع نفسها ,,, لاني عرفت انها غيرانه لان زوجي مو نفس زوجها
عايش ع الروتين ... بس ما بينت لهم

(

((حلاوتي بشقاوتي))

عروس ماسية

23-05-2011 | 03:40 AM

فديت محبوبي;15134849:
والله انا ما احب اثقل ع اهلي

و بصراحه مثل ما قلتي المولات باااايخه و غاليه ...

وامي دايم تقولي .. تراهم يشوفون اللي عندك و مايشوفون اللي عندهم
مدري ع ايش حاسديني؟؟

و اي صح دايم وحده منهم تقول زوجك المفروض يكون لي و زوجي لك ؟؟
سألتها ليش؟؟؟
قالت انتي مالك في الكشخه و المظاهر مثل زوجي
بعكسي احب الكشخات و المظاهر مثل زوجك ...

احسها مدحتني و غلطت ع نفسها ,,, لاني عرفت انها غيرانه لان زوجي مو نفس زوجها

عايش ع الروتين ... بس ما بينت لهم

شفتي وربي غيرررررررررررانين منك طنشي ترى الواحد مبعيش الا اذا طنش خصوصا اذا عنده ناس كذا

ف

فوشياآ~

عروس رائعة

23-05-2011 | 03:40 AM

عيون وليد;15134840:
يووووه ترا من يوم ما تتزوجون وربي ييسر لكم راح تشوفين كيف بيتغيرون اكثر من كذا

ترا انا صار معاي موقف قريب من موقفك وانقهرت مره بس طنشت

اختي لا تقولين بنات عمي ولا بنات خالي اخواتك بس شقيقات وغيرهم لا بعدين تتذكرين كلامي :)

طنشيهم وترا مو شرط ان الغالي حلو ربي يبارك في القليل واهم شي التوفيق

الله يسهل امورك يارب

والله الحمد لله عايشه ع البساطه و ما احب اسوي مثلهم
اللي من ربي خير و بركه
انا بنت ع قد حالي و ما احب احسد لاحد بالعكس ادعي لهم عسى ربي يزيدهم

انا خلاص صرت اطنش هالسوالف بس ما ابيهم بنفس الوقت يبعدون عني
وربي احبهم اكثر من خواتي ... لانهم بنفس عمري تقريبا
اخواتي اللي اكبر مني بكثير و اللي اصغر مني بكثييير

يسلمووو حبيباتي

حلاوتي بشقاوتي ... انا بعد صديقتي هذي متواضعه حيل مع ان حالها افضل من حالي
بس اهم شي ان نفسها زينه و طيوووبه
و بنات عمي من اول اعرفهم بس انصدمت باللي اشوفه منهم الحين
احسني كنت مغشوووووشه:D

(

((حلاوتي بشقاوتي))

عروس ماسية

23-05-2011 | 03:44 AM

خلاص اهم شي صديقتك -طيوبه - وسبحان الله فيه بعض ناس يكونو معك ع طول بس اوقات تجي مواقف تعرفيهم ع حقيقتهم - مثل بنات عمك= حبيبتي احمدي ربك انك عرفتيهم الحين عشان بعد زواجك ماتتبهدلي معهم - خلاص خلي علاقتك بهم سطحيه فقط لاغير -

ف

فوشياآ~

عروس رائعة

23-05-2011 | 03:45 AM

شفتي وربي غيرررررررررررانين منك طنشي ترى الواحد مبعيش الا اذا طنش خصوصا اذا
عنده ناس كذا

لا خلاص انا راح اطنش ما كني اعرف بسوالفهم من وراي
و راح احط فيهم حسن النيه ...
يعني اللي يسونه الله يبارك لهم فيه ... و ما بظلمهم ولا اظلم نفسي

ف

فوشياآ~

عروس رائعة

23-05-2011 | 03:46 AM

((حلاوتي بشقاوتي));15134881:
خلاص اهم شي صديقتك -طيوبه - وسبحان الله فيه بعض ناس يكونو معك ع طول بس اوقات تجي مواقف تعرفيهم ع حقيقتهم - مثل بنات عمك= حبيبتي احمدي ربك انك عرفتيهم الحين عشان بعد زواجك ماتتبهدلي معهم - خلاص خلي علاقتك بهم سطحيه فقط لاغير -

مثل ما يقولون ... صلة الرحم
و احمد ربي انه بعدهم بكثيــــــــــــــــــر عني ,,,

انا بالرياض بس هم بيروحون للاحساء
يعني ماراح تكون زياراتهم دااااايم مثل اول

(

((حلاوتي بشقاوتي))

عروس ماسية

23-05-2011 | 03:59 AM

فديت محبوبي;15134890:
مثل ما يقولون ... صلة الرحم

و احمد ربي انه بعدهم بكثيــــــــــــــــــر عني ,,,

انا بالرياض بس هم بيروحون للاحساء

يعني ماراح تكون زياراتهم دااااايم مثل اول

خلاص الحمدلله ارتاحي ماعليك منهم وربي ماتسوى تقهرين نفسك لا اشخاص مايستاهلو ربي يوفقك ويحفظك من كل شر

ف

فوشياآ~

عروس رائعة

23-05-2011 | 04:01 AM

تسلمي لي حلاوتي بشقاوتي و ربي تشفين ضيقة الصدر بكلامك العسل

الله يوفقك و يسعدك بحياتك و نشوفك عروس تهبليييييين

ش

شفايف سكر11

عروس مبدعة

23-05-2011 | 05:20 AM

كلام البنات + افصلي نفسك عنهم ودبرري مشاوريك بنفسك وخليهم بحالهم ومجرد سلام اذا شفتيهم وبس لاتحتكين واااجد لان بتزييد المشاكل وبتصير مواقف

مالها دااعي

ق

قهوه ساده

عروس رائعة

23-05-2011 | 08:16 AM

والله ماعندي غير اقولك لاتعورين قلبك على شي مايسوى وانبسطي واستانسي ولاتخلين احد يعكر مزاجك
ترا ولااحد بيتضايق غيرك صيري احسن منهم ولاتهتمين وخلي اعصابك مسترخيه ومشي حياتك لاتوقفينها وتتضايقي من كذا اشيا لان دنيا فيها اشيا اكثر من كذااااا
واذا كان ع مولات عادي الي عنده يروح ويشتري والي ماعنده لايشتري حمدالله اهم شي ان مستوره انا اروح بس مويعني اشتري كل مره بس عشان اوري ذي ولا ذي اصلا جد هذا مرض نفس ماقالو وحتى لواشتريت شي غالي خير ياطير يعني

ق

قطريهـ ماتهابـ

عروس مبدعة

23-05-2011 | 08:58 AM

والله يااختي التجهيز احلا اياام البنت فيه متعه ووناسه

فحرام تضعين هالايام منج وانتي مقهورة

انتي عليج من نفسج

ترا مو شرط كل غالي حلو

يمكن ربي يرزقج بحياة زوجيه سعيده واهم لا

السعاده مب في الفلوس اهم شي التوفيق

انتي طنشي ولاتكبرين الموضووع وخلي علاقتج معاهم مثل مااهي لان لو لاحضوا اي تغير ممكن يقلون انج انتي الي غيرانه منهم

f

fhosani

عروس مشرقة

23-05-2011 | 09:33 AM

يا حياتي والله :)
ليش هذا الزعل كله والله لا تزعلين و عيشي حياتج و تمتعي و لا تفكرين في بنات عمج و لا غيرهم و نحن عندنا مثل في الإمارات يقول( إلي ما يباك لا تصيح تباه) و طنش تعش تنتعش

ليش بس حاصره عمرج بيهم إذا هم يطلعون أنت بعد تطلعين و إذا هم يشترون غنتي بعد تشترين و الذوق لا يرتبط في الفلوس و لا الماركات و لا المولات..ياما بنات تشتري بالهبل و غالي و الذوق والله ما يتشاهد و غيرهم بنات يشترون الرخيص بس يجنن و يخبل

و بعدين خليج متميزه و لا تلبسين نفسهم يعني دام هم بدوا بهذا الأسلوب خلاص أنتي لا تفرظين حالج و خلهم هم يدورون عليج و تميزي بلبسج و شياكتج و أخلاقج و تصرفاتج و خليج الرزينه العاقل و دوريلهم على الأعذار و ترا ساعات الواحد لما يكون ثجيل و غامض الناس تجن و تحاول أدور عن أخباره و تتبع تصرفاته .. و الحمد لله أن عندج صديقه تروحين معاها فالدنيا بخير

و طنش تعش تنتعش

&

❥ بَـحّـة قَصْيٍـِد ❥

عروس ماسية

23-05-2011 | 09:52 AM

الله ييسر زواجك ع خير ان شاء الله مو الاهم انتي قبلهم او بعدهم الاهم السعاده وعسى ربي يسعدك مع زوجك قولي آآآمييييين بلتوفيق عيوني....
وبالنسبه لحركاتهم واضح انه حسد عطيهم اشكل ولايهمونك..:)

ذ

ذابحهم غرووري

عروس ماسية

23-05-2011 | 02:51 PM

البنات ماقصروا
طنشيييييهم
والله يتمم لج على خير الغلا