ضروري اقدر اسافر وانا حامل؟

s

sweet_86

عروس جديدة

23-05-2011 | 02:20 AM

مرحبا بنات

بغيت اسألكم انا في الشهر الثاني من الحمل والحمدالله ماعندي اي مشاكل صحية

يصير اسافر 4 ايام دبي ؟ ع اساس انه السفرة خفيفة وماراح اتنقل وايد لانه ناويين نسكن في منتجع للاستجمام

ادري بتقولون لي اسالي دكتورتج بس دكتورتي يوم سألتها ماعطتني حق من باطل حتى زوجي قال نفس الكلام هو كان معاي وانا اصلا مو ناوية اكمل معاها مو عاجبتني

مو عارفة الحين ابي تجاربكم وخبراتكم هل راح تصيدني مشاكل بالطيارة

ث

ثلوج الحب

عروس نشيطة

23-05-2011 | 02:26 AM

انا ماعندي خبرة بس انتي جوفي هل تقدرين تسافرين او لا

انا عن نفسي ضد السفر وانا حامل لان جربت سافرت وماكنت ادري اني حامل وطاح البيبي

وبنت خالتي راحت لزوجها وهي حامل رجعت وراح البيبي

بس بننت حميي تسافر وهي حامل والله يحفظها

فكل انسان طبيعه جسمه غير فحاولي تسالين دكتورة ثانية احسن

s

sweet_86

عروس جديدة

23-05-2011 | 02:29 AM

مشكورة حبيبتي

بصراحة خفت شكلي بكنسل السالفة

مابي افقد البيبي بعيد الشر

تسلمين يالغالية

&

หδ ώaў !

عروس مبدعة

23-05-2011 | 02:38 AM

سبحان الله كيف الاختلافات..اعرف بنات كثير والحمدلله يسافرون ويروحون ويجون طياره ولاصار فيهم شي
كله قسمه ونصيب من الله

ث

ثلوج الحب

عروس نشيطة

23-05-2011 | 02:42 AM

صح قسمة ونصيب بس هي ماتدري هي من اي نوع من الناس فاي افضل تخاطر بعمرها او تقعد وهي والبيبي بخير

ولن يصيبنا الا ما كتبه الله

&

หδ ώaў !

عروس مبدعة

23-05-2011 | 02:46 AM

ياقلبي لاتاخذين الموضوع من مبدأ ثاني
والحمدلله اللي يكون وضعها طبيعي ومو معرضه للأجهاض
ان شاءالله مابتواجه مشاكل
واذا ربي كاتب بينزل البيبي سواء سافرت ولا ماسافرت
الافضل تستشيري دكتورتك وكل واحد غير عن الثاني
وربي يكتبلك اللي فيه الخير

ث

ثلوج الحب

عروس نشيطة

23-05-2011 | 02:53 AM

بقولج شيء اقراي كلامي عدل لان نفس الي انتي قلتيه بس بطريقه ثانية

وانا قلت لها تجربتين انا شخصيا اجهظت وبنت حميي الله حفظها اكثر من مرة تسافر وفي باص وهي حامل

ومافي اي شخص يصيده شيء الابكتبة ربه والله ان شاء الله بيحفظها ان كانت في البحرين او برى البحرين

&

หδ ώaў !

عروس مبدعة

23-05-2011 | 03:07 AM

:confused:No comment

a

angelamanda

عروس متألقة

23-05-2011 | 07:55 AM

انا سافرت البحرين يوم كنت حامل

بشهرين و سفرتي كانت بطياره وما صار شيء الحمدلله

رحت عند الدكتوره قبل لا اسافر بأسبوع

و عطتني ورقة بأنه لا مانع من السفر

و قالت لي السفر ما يضر لو ساعه او اقل عن الساعتين

بس فالرحلات الطويله اللي 6 و 7 ساعات ممكن يأثر

سافرت و رجعت و الحمدلله ما صار شي

بس كله مكتوب عند رب العالمين

s

sweet_86

عروس جديدة

23-05-2011 | 01:19 PM

عدل كلامكم خواتي اللي الله كاتبه يصير

بس بعد ابي آخذ احتياطي خصوصا انه اول حمل لي وماعرف شلون وضعي

راح استشير دكتورة ثانية واجوف شتقولي

مشكورين كلكم

s

sweet_86

عروس جديدة

23-05-2011 | 01:20 PM

عدل كلامكم خواتي اللي الله كاتبه يصير

بس بعد ابي آخذ احتياطي خصوصا انه اول حمل لي وماعرف شلون وضعي

راح استشير دكتورة ثانية واجوف شتقولي

مشكورين كلكم

N

Noura_89

عروس متألقة

23-05-2011 | 01:31 PM

وكلي امرج لربج ..
استشيري دكتوره في هالموضوع
بس اعتقد انه مايضر يعني ساعتين في الطياااره ان شاااء الله مايضرووون ..
الله يوفقج ويثبت حملج

*

*نبعة الريحان*

عروس مشرقة

24-05-2011 | 11:08 AM

هلا وغلا اختي...
بالنسبه لموضوعج انا سافرت الكويت لمدة اسبوع وكنت بالشهر ال3 سألت دكتورتي هل اجدر اسافر او لا
فقالت دام م تعاني م اي مشاكل صحيه سافري بس تجنبي المشي الكثير...
وفي الطايره بعد سالوني هل إذا اعاني م مشاكل صحيه لانهم ما يتحملو اي شي لو صار فيج...
والحمدالله سافرت ورجعت بالسلامه .

ق

قمر فاضل

عروس متألقة

25-05-2011 | 01:33 AM

مرحبا اختي اني سافرت تايلند واني في الشهر الخامس ورجعت بداية السادس وطبعا الرحلة الى تايلند تاخذ سبع ساعات واكثر شوي والحمدلله رحت ورجعت بالسلامة وبعد جم اسبوع بولد
دعوااااتكم

ا

الأم الحنون العطوف

عروس مشرقة

25-05-2011 | 01:09 PM

انصحج بعدم السفر لاحقه ان شاء الله بعد الولادة روحي واذا كلش بالشهر السادس او السابع يكون الحمل ثبت بس بالنسبة لي سلامة الجنين وثباته اهم من السفر

فكري زين

ا

ام سلمان 2010

عروس مبدعة

25-05-2011 | 02:44 PM

sweet_86;15136164:
عدل كلامكم خواتي اللي الله كاتبه يصير

بس بعد ابي آخذ احتياطي خصوصا انه اول حمل لي وماعرف شلون وضعي

راح استشير دكتورة ثانية واجوف شتقولي

مشكورين كلكم

الله يحفظج ان شاء الله ويثبت حملج .. الافضل تستشيريين دكتورة ثانيه علشان تشوف وضع المشيمه نازل او مرتفع لانه مع ضغط الطياره لا سمح الله ممكن تنزل اكثر وتسوي اجهاض، مع انه من رايي الشخصي وانتي طبعا براحتج انه تنطرين بعد شوي يعني لا تجازفين صح كلام رب العالمين (قل لن يصيبنا الا ما كتب الله لنا) بس بعد قال (ولا تلقوا بأنفكسم الى التهلكه) فيفضل انج على الاقل تعدين المرحله هاذي الي اهي ال 3 شهور وبعدين تسافرين .. انا سافرت لمن دخلت نص الشهر الرابع ورحت بعد دبي بس ما حبيت اجازف قبلها .. والله يحرسج ان شاء الله