مكه ومدينة وجده ممكن

وينكم يا بنات ساعدوني
ردوووو

وحيدة في الدنيا;15132440:
بسم الله الرحمن الرحيم

اذا الله اراد ان شاء الله بروح العمرة شهر 7
الى المدينه اولا ثم الى مكه وبزور جده
حبيت استفسر عن جده
1_كم المسافة بين مكه وجدة
2_ وين الاماكن الحلوه للتسوق والترفيه يكون اسعارها حلوه
اول امرة اروح جدة الله يخليكم ساعدوني
بليز

اهلين فيكي ^^ تنوري المملكة وجده كلها

وربي يوصلك بالسلامه ويسهلك عمرتك

المسافه بيننا وبين مكه تقريبا من 80 الي 85 كيلة يعني بالكتير ساعه وانتي في جده
ماتحسي بالطريق اصلا : )

اماكن التسوق في جده ملييييييييييانه بين كل مول ومول في مول خخخخ
مجمع العرب اكبر مول في جده مليان كل الماركات تقريبا بس اسعاره اكتر من المولات الباقيه
علي نهاية طريق المدينه مرة واضح

الاندلس مول علي طريق الملك عبدالله حلو اكتر مول حبيته وعليه زحمه

وقدامه الان فتح مول تاني بس لسه للامانه مارحته فتح قريب مرة

الترفيه عندك
ملاهي الشلال ملاهي هابي لاند كلها عالبحر والكورنيش

عندك شاليهات في ابحر الشماليه

ملاهي في كل مول يمدحو في ملاهي مجمع العرب شفتها حلوة بس مالعبت فيها ماحب ملاهي المولات احب الملاهي المفتوحه الكبيرة


المطاعم مليانه بمختلف انواعها في التحليه + شارع حراء

عندك التحليه مليانه محلات ومولات

ازا تحبي تشوفي البلد والتاريخ حق جده عليكي تزوري البلد وباب مكة

ازا تحبي اسواق عاديه
عندك الكورنيش
المحمل في البلد هادول التنين

البوادي سوق حلو في حي البوادي معروف مرة

سوق الخيمه عند مبنى التلفزيون بس انا اسمعه مارحته

وياااه حاتعب وانا اقلك الاسواق والمولات ^^

مشكورة حبيتي جزاج الله خير

ما قصرت اختي الغاليه

واقامه سعيده