شراء ام بناء ؟!!

افففا

ليش ما تفاعل ! :(

انا من رايي انه تبنون وتاسسون كل شي على ذوقكم افضل

مشكورين بنات على ابداء آرائكم ..


وين البقية !

اذا لقيت شيء جاهز ودخل مزاجي وديكوراته حلوة بشتريه امما لو مالقيت شيء راح ابني واسوي اللي ابيه

من رايي تاخذون قطعة ارض وتبنونها على التصميم الي في بالكم
حتى لو الميزانية ما كانت تغطي مساحة الارض
تبنون طابق وااحد والطابق الثاني في المستقبل تبنونه

قطعة الارض اولردي موجودة
وبمساحة زينة
بس محتارين بين البناء او بيع الارض واضافة مبلغ عليها وشراء بيت جاهز ( وغالبا بيكون البيت اصغر من لو بنينا الارض الموجودة ) بس راح بيكون أريح من هم البنيان والضغوطات المادية ..


بانتظار المزيد من الاراء
وشكرا

ماما حسون مشكلتج مثل مشكلتي انه كنت ابي تبيع الارض ونشتري بيت جاهز اريح واحسن لنا من البنيان والسنداره بس ريلي مارضى وهذا احنا ندوووووووووووور ندور مقاول عنده ذمة وزين انا اقترح عليج تبيعونها

om meme;15281551:
ماما حسون مشكلتج مثل مشكلتي انه كنت ابي تبيع الارض ونشتري بيت جاهز اريح واحسن لنا من البنيان والسنداره بس ريلي مارضى وهذا احنا ندوووووووووووور ندور مقاول عنده ذمة وزين انا اقترح عليج تبيعونها

تسلمين اختي ع الرد
ايي والله البنيان عوااار راسي

للحين الموضوع ما انحسم بشكل نهائي .. الله يكتب اللي فيه الخير للجميع

بالعكس عندي الارض افضل اني ابنيها

صح عوار راس وروحه وجيه بس على الاقل ضامنه انه كل شيء حسب راي وتفصيلي وطلبي

وفي نفس الوقت بكون اشرفت على الجودة وم ن هالامور


ما عليه البنيان سنة او سنتين بالكثير بالكثير

بس تتمين مرتاحه طول العمر :)


والله يهنيييكم يا رب

تسلمين اختي اجاثا كريستي على رايج
وجهة نظر سليمة :thumbs_up:

يفضل تبنون احسن عشان يكون كل شي على ذوقج حتى لو بتمهلون تحملي شوي بعدين بتستانسين

الغالية ربي يسهل عليكم ويرزقكم ببيت العمر يارب ويكون بيت الهنا والسعادة ويعطيكم خيره يارب

شوفي الغالية وجهة نظري لو كانت عندكم ميزانية فالاحسن تبنون بيتكم حسب تصميمكم وعلى ذوقج خاصة وان الارض موجودة وكبيرة مثل ما قلتي لكن لو شريتي جاهز فالجاهز غالبا يكون فيه عيوب ما ترحظيها الا بعد مرور الزمن لانج مو انتي الي بنيتيه ولا انتي الي اشرفتي عليه بمداخله ومخارجه الجاهز ممكن تلاقي الحوش صغير والارض ممكن بعد البنيان يطلع لج حوش كبير ومع مرور الزمن والعيال تكبر بتحتاجي لحوش كبير يمكن تسويه ملحق ممكن للسيارات يعني فكري فيها بالمدى البعيد انتي لو بنيتي بيت بتحطي مثلا غرف في اماكن حسب ما تحبي يعني هنا غرفة البنات جنب غرفتي هنا للاولاد بعيد شوي مثل الجناح لهم كمستقبل البيت الجاهز يمكن الديكور ما يعجبج وتعالي وغيري في الاصباغ والديكور وخسري خسارة زيادة وانتي اصلا شاريتنه بمبلغ مو رخيص على اساس انه جاهز من كل الجهات فليش هالخسارة اكثر عن مرة يعني شغلات كثيرة بتدخلي فيها بالنسبة للجاهز
فنصيحة اخوية ابني واذا عندكم ميزانية البيت بيخلص خلال سنة وتقدري تستحملي هالسنة لو المكان حاليا ضايج عليكم والله يبارك لكم في البيت سواء جاهز او بنيتي ربي يسعدكم فيه يارب

مشكوريييييين بنات على ارائكم

ان شاء الله ع الاغلب راح نبني والله ييسر الامور ..