السلام عليكم خواتي العزيزات منتدس عروس
شحالكم ان شاء الله بخير
اليوم موضع عن طريقة تعديل الروج المكسور
طبعا هاي طريقه مهمه اذا كان عندج روح من فتره ومن كثر الحر ورطوبه يوم تستخدمينه يتكسر فجأه اذا استخدمتيه وهاي الحركه صارت لي وقلت لالالالالالالالالا مستحيل لا ها الروج ليش الحين ليش ها الوقت اففففففف :'(:(:mad:
بس فكرت بعد فتره طويله ولقيت لكم حل ولي ايضا :)
شوفو كيف روج ماك كيف زاب بسرعه ها شريته تقريبا من 4 شهور يوم انكسر ما سويت فيه شي الا الحين
المكونات
للي عليج انتي يكون عندج ولاعه او كبريت
شمع
قفاز
ثلاجه
الطريقة
البسي القفاز
بعدين شيلي راس الروج المكسور
وقربيه من الشمعه بس تحملي لا تحرقين ايدج
وعلى السريع ركبيه في علبة الراس
شوفي كيف الروج زايب
اذا حسيتي انه ايديج بتحترق من النار في طريقة 2 يوم تشيلين راس الروج استخدمي علبه الروج ( وقربيه من النار ) هذي اسهل وجربت على الروج الثاني اللي عندي وصاربيرفيكت
بعدين لما تركبينه حطي في الثلاجه وخليه على كيفج نص ساعه ,ساعه, يوم كامل وبتشوفون بعدها متماسك وما بيطيح ابد معاج
شوفوا كيف صار الروج
قبل وبعد
والله فرحت واايد واستخدمة اليوم وجربته وقلت لازم افيد منتدى الغالي على قلبي عشان يجربونه
:L:
يا الله شيدوا حيلكم ويجمعوا الروجات الكسوره وعدلوها
وبالتوفيق حبوباب واي استفسار انا في الخدمة
فمان الكريم
