كيف تستعيدين جمالك ورشاقتك بعد الولاده

طبعا أنا الحين بالشهر التاسع من الحمل وأنتظر بفارغ الصبر إني أولد وأشوف ضناي بحضني عسى الله يبلغني هاي اللحظه
وطبعا كل وحده من تحمل تفكر^o) هل أقدر أرجع جسمي مثل ما كان قبل الولادة وأرجع عروسه حلوه بعيون زوجي وعيون الكل
أنا من حملت بديت أفرفر فهالمنتديات وأدور معلومات من كذا موقع عن الأعشاب وفوايدها وطبعا ولله الحمد كان عندي خلفية بسيطه عن هالأعشاب لان وايد أحب الطب البديل
عشان كذا حطيتلي جدول وبرنامج بمشي عليه بإذن الله وإن شاء الله أحصل الفايده وأقدر أرجع مثل ما كنت وأحسن بعد وعلى فكرة عيد زواجي بيصادف فتره الأربعين وقررنا أنا وزوجي إن نحتفل فية بعد الأربعين:p وهالشي زود رغبتي وحمسني إني أشد حيلي وأكون أحلى عروس فهاليوم عشان لا يلاحظ زوجي إن شي تغير فيني :o
المهم الحين نجي للبرنامج إلي بستخدمهم فترة النفاس ( أنا جهزتهم من الحين أفضل )

تجهزين لنفسك (فنجان فلفل أسود، فنجان فلفل أبيض، وفنجان زنجبيل تخلكينهم مع بعض وتحطيهم ببرطمان عندج )
وإذا جيتي تفطرين تاخذين ملعقه من الخلطه وتضيفينها على كوب حليب دافي وشربيها بالعافيه .

الحلبة ضرورية جدا فترة النفاس
طبعا أنا الوالدة وأم زوجي ربي يحفضهم بيسونها لي وللأسف ما أعرف الطريقه عشان أكتبها بس ممكن تاخذينها سفوف وممكن مطبوخه أنا بستخدم الطريقتين لمده عشرين يوم بس وبوقف
فوايدها:
در الحليب
تنظف الرحم
تبيض البشره

طبعا هذه تعتبر شي أساسي عندنا بالنفاس ومن موروث جداتنا
طريقتها
عسل الدبس
بيض دار يعني طازج مية بالمية
ينخلطون مع بعض ع النار وينحطون ببرطمان زجاجي
طبعا إحنا ناكلها مع الخبز وتكون ع الفطور أو العشا
فوايدها:
تقوي الرحم
تشبعك وما تحسين بالجوع

وبعد الفطور بخلي الشغاله تجهزلي دله شاي الأعشاب مكون من (4 مغلفات من كل من اليانسون والزعتر ) هذه أخذتها ع نصيحه الأخت شانيل معانا بالمنتدى فديتها والله.

وبخلط مع التمر رشاد والحبة السوده وهذه ممكت تاكليها وقت العصر مع القهوه أومع الغد ا
فوايده:
طبعا كانا عارفين فوايد التمر أنه يمد الجسم بالحديد والطاقه يقوي الجسم بشكل عام
الرشاد يدر الحليب وينظف الرحم

خلصنا من الأكل والشرب نجي للعناية الشخصية وبشرتنا
أولا إشترينت خيمه السونا وأغراض الحمام المغربي (صابون بلدي، حنا، ليفة، الطين، صابونه الطاووس) وناويه أعمل حمام مغربي فالإسبوع مره وحده
فوايد الحمام المغربي:
غني عن التعريف طبعا
1. ينضف ويشيل الخلايا الميته إلي تراكمت طوال الحمل
2. يفتح البشره مع الإستمرار
3. ينعم البشره لان بتكون كل الخلايا الميته طلعت من الجسم
ثانيا:
إشتريت مجموعة زيوت ( زيت زيتون ، زيت سمسم، زيت لوز، زيت جنين القمح ) بخلطهم بكميات متساوية وأدهن جسمي فيهم قبل النوم وإذا حبيتي وقت الإستخدام ضيفي ليمون للزيوت يكون أفضل
فوايدها:
1. تنعم بشكل مو طبيعي
2. تبيض وتوحد اللون
3. تشيل الخطوط إلي نرسمت فأجسامنا من الحمل
المقشر
إشتريت كريم كاب
وبسوي مقشر بروح عباره عن( فنجان قهوه تركية، فنجان سدر، فنجان نشا، فنجان سكر) أخلطهم مع بعض وأحطهم بعلبة ووقت الإستخدام بخلطهم بزيت زيتون وماي الورد وأستخدمه عادي مثل أي مقشر

فوايده:
1. تنعيم
2. تبيض
3. يخفف السلولايت


ناويه أستخدم مكعبات النشأ وماي الورد
بس لان الحمد لله ما عندي حبوب ولا أستوالي كلف فالحمل بس يحتاجلي أعيد الحيويه والنظاره إله لانه صار باهت ومبين علي التعب من الحمل وطبعا ما أنسى الترطيب راح أرطبه بالليل بزين جنين القمح وزيت اللوز


وطبعا بأول أيام النفاس بستخدم منقوع الملح إلين يطيح الخيط وبعدين بستخدم المره للشد المنطقه

هاي كل إلي عندي الحين وإذا تذكرت شي بحطه لكم وعاد ما أبي منكم غير الدعوه الحلوه إن الله يرزقني جنين بالخلقه الكاملة والصجه والعافيه ويألف بيني وبين زوجي .:L: