اكتشف خيانة زوجي ولا اعلم ماذا افعل

السلام عليكم ورحمة الله
ما ادري من وين ابدأ، ولتعذروني اخواتي على عدم ترتيب الافكار .
في البداية كنت شاكة ان زوجي يعرف وحدة ثانية، استمرت الشكوك يمكن 9 شهور، في هالفترة انا كنت حامل فقلت يمكن من الوحم والتعب. بس لما استرديت صحتي يعني بعد 3 شهور الاولى من الحمل شفت الفرق ، وزاد الشك عندي انه يعرف وحدة ثانية. سكت ما قدرت اصارحه بس بين فترة والثانية ألمح له انه متغير. كان يبرر لي انه تعبان من الشغل والالتزامات المالية اللي عليه. سكت قلت يمكن انا عاطية الموضوع اكثر من حجمه، وساعات اقول يمكن من الحمل وتغير الهرمونات. الله سهل علي والحمد لله عدت شهور الحمل وولدت ، الشى الطبيعي انه بعد الشهرين يكون الزوج مشتاق لزوجته ، انا شفت العكس ابد ما حاول يقرب لي ولا حتى لمح لشى ، طاف الشهر الثالث كل ما احاول اقرب منه هو بالعكس يبتعد عني ، وفي الاخير علشان يجنب ان يشوفني قام يشتغل 12 ساعة او اكثر. الحين صار لي 6 شهور من ولدت واكتشفت اوراق في سيارته انه على علاقة مع وحدة ثانية ، ما ادري شنو نوعية العلاقة أو لأي مرحلة وصلت ، بس انا متأكدة من انه يعرف وحدة. حالياً ما اقدر أصارحه بالموضوع لأنه بالسجن لظروف ما. مو عارفة شسوي ، هل افاتحه في الموضوع وهو في هالفترة ، أو انتظر ليما الله يفرجها وبعدين أفاتحه .
محتارة وصعبانة علي نفسي.