بنات أدخلوا وشوفوالي حل

انا اعلمك شتسوين لأني مثل حالتك قبل كم سنه عموما لما تخلصين من الشاور تجففين شعرك بالمنشفه بدون ماتدعكينه بالقوه خليك ناعمه عليه هههه وبعدين عطيه فتره 10 دقايق مفتوح ويتهوى ولما تحسين انه بدء يجف قليل اخذي المشط وساويه بهدوء وبعدها اذا اتحبين للمناسبات انه يطول مسشور خلي فيه رغوة في الاطراف يعني الى نص الشعر وخلليه بالاصابع وانتي تحطين الرغوه او بدون رغوة اذا كان استشوار يومي حتى مايخرب الشعر وبعدها قسمي الشعر بالمشط الى كميات صغيره يعني بالأول فرقيه من النص وبعدين كل نص خليه 3 او اربع اقسام صغيره وكا قسم سويه حلزون باليد ووديه الى فوق وخلي فيه شباصه صغيره زي حقت البنات الصغار الحجم الصغير وبعد ماتخلصين شعرك كله ابتدي فتحي قسم من الاقسام ويفضل تبتدين من اقصى الخلف وانتي رايحه الى فوق ثم الامام ولما تفتحين القسم الواحد سشوري شعرك من الجذور الى تحت وكرري على هالقسم 3 او 4 مرات الى ان تشوفينه صار ستريت يعني ناعم بدون كسرات وبعدها فتحي القسم او الخصلة الثانيه وهكذا وبعد ما تنتهين من الشعر كامل خلي شعرك كله الى الامام يعني ودي راسك وانحني الى الامام وخلي شعرك طايح وسشوريه كامل من كل جهه وانتي على هذي الوضعيه ومن ثم رجعيه الى الوراء وسوي لمساتك النهائية ..

ملاحظه مهمة : استخدمي السشوار اللي قوته من 1800 واط واكثر الانواع اللي اقل من هالرقم خليها للتجفيف فقط وماتنفع للسشوار ..

في حال استخدامك للرغوة لا تكثرين الرغوة حتى مايتلزق شعرك ببعض ويدهن بسرعه ..

لا تقربين السشوار من شعرك كثير يعني خلي مسافة 4 سانتي او اكثر لأن اذا قربتي السشوار من الشعر راح تحترق الشعره وبعد السشوار لما تبرد راح تكش ووتتكسر وتتقصف ..

لا تسشورين شعرك وهو رطب كثير لازم يجف في الهواء شوي وتكون الرطوبه فيه قليله يعني نص رطب ..

استخدمي البروش الدائري الكبير الحجم وكل ماكان نوعيه جيده من الشعر الطبيعي راح يساعدك في الشوار ..

ان شاء الله اكون افدتك ..

رفع حبيبتي

نفس معاناتج

بس افكر استعمله كيراتين يمكن يهدا شوي :(