قصة ولادتي بعمري (( يوسف ))

إنا ترقدن قبل في مستشفى لمحرق تاريخ 5/5 لان كان عندي الم قوي في الظهر وحطو علي تخطيط وقالو الطلق منتظم وبولد خلال 24 ساعة بس من حزارة المكان وانا لاعت جبدي منة وقمت أصيح ما أبي اقعد فيه دقيقة وحدة مو يوم بعد بس الكل سكتني حتى النرسات كانوا حلوين معاي بس المكان حزر حدة حتى انهم يولدون وحدة يمج عادي على نفس السرير مو في مكان بروحة وهذا إلي خرعني من الولادة وجفتهم انهم يشيلون مقاصة وواغراض غريبة وخفت حدي واضاهر من الخوووف شرد الطلق وعندهم دكتورة حد أمها دفشة سوت لي فحص وصادني نزف عدل وزين وقف والمهم يوم شرد الطلق قالت لي السستر احتمال عقب يومين ثلاثة أتولدين وانا استانست شلت قشي وشردت وحلفت ما أطب هالمستشفى خير شر .............

وبعد اسبوووووووع تاريخ 10/11 من الالم الاولي كنت أحس بألم خفيف كلش يعني كلش مو ولادة حتى كنت داخلة منتدى عروس اكتب من الشاطرة الي أتقولي شنو أحط أغراض لشنطة المستشفى تذكرووووووووون يعني ماكنت مهتمة لسالفة الالم ولحد الساعة 11 فليل وانا كل شوي اكوي لي جلابية بالبخار لين وصلت الساعة 12 ونص حسيت الالم زاد ولا اهتميت بعد قلت مو ولادة ........... وكان ينزل علي ماي ولا كنت مفتكرة قبل ب3 أيام لأني قلت ما أطب المستشفى اله لين حسيت روووحي بموت بروح ههههههههه لأني تعقدت من سالفة الفحص كلش مؤلم إذا ياتج وحدة دفشة جنها تغسل دله مو تسوي فحص هههههه المهم حاولت ارقد وشفت إن الالم قاعد يزيد وكل 10 دقيق يزيد أكثر أهني إنا خفت واتصلت لزوجي الساعة وحدة ونص تقريبا قلت له أحس بألم وخل التلفون يمك عشان إذا زايد اتصل وصكيتة ورديت رقدت وكل 10 دقايق أو 5 دقايق اقعد من الالم كنت حاطه التلفون يمي وأشوف الفرق وصلت الساعة ثلاث الفجر لاااااااااااااااا أهني خلاص انفجرت مو قادرة حتى اقعد مكاااااااااني من الالم على طول اتصلت لزوجي ونزلت تحت وكانت أمي توها طالحة من الحمام تتجهز للصلاة وجافتني نازلة وقالت اشفيج قلت لها الام قاااااااعد يزيد وأبوي كان قاعد راحت قالت له عشان انرح المستشفى بس انا قلت لها اتصلت لزوجي وأبوي قالي ليش متصلة اكو انا بوديج أسرع وانا ذيج الحزة لاقادرة اقعد ولا اوقف من الالم ..... ووصل زوجي ودخل البيت أبسرعة ومسكني من أيدي عشان ايوديني السيارة وانا حتى العباية مو قادرة البسها من الالم وصلت السيارة وزوجي يسأل أي مستشف اوديج الحين قلت له أي مكان فكني لأني ادري إذا قلت له مكان وقال لا بتهاوش وياه حتى لو بموت عشان جذي سكت وقلت أي مكان وطبعا هو استانس لأني استسلمت هههههه بس انا ما استسلمت ومخليتها له لوكت الحاجة ........ ووداني السلمانية وأمي طبعا معااااااااي ....

الطلق وما أدراك ما الطلق ........ الولادة وما إدراك ما الولادة ......... الخياااط وما أدراك ما الخياط

الرضااااااااااااعة وما أدراك ما الرضااااااااااعة

طول الطريق وانا ازن ومتسحملة وما أصوت بس أقول أي اآآآآآآآآخ لما وصلنا المستشفى طبعا كل مترين وين رابحين وزوجي كأن ببغاء مرتي بتولد نقاط التفتيش كلهم دروووو أن زوجته بتولد المهم وصلنا الطوارئ الولادة ودخلت وسيدة فحصوووني وقالو خمسة سانتي انا أهني صفعت على راسي بس خمسة وكل هالالم وكنت انا دي أمي والسسترات مو راضين أيقولون خلاص مافي ماما جيف رايحة جهنم وأمي اتقولهم إذا بتودونها فوق قوقولنا وودوني فوق وفحصتني الدكتورة وقالت 8 سااانتي اشوي جاني امل اني بولد بسرعة هههههه ودخلت أمي علي اشوي في غرفة الولادة وطبعا كان المكان هادئ جدا جدا يعني أهون لأني ما أحب الصريخ والإزعاج يزيد توتري ويق الاهتمام انا كانوا مهتمين فيني عدل ولا خلوني بروحي ثانية وحدة وقالت أمي حق السستر وحدة كانت معاي وين الي بولدون أنتي بتولدينها وطبعا كانت بحرينية وأخلاق عدل عدل استانست منها معن مامان لي حال استانس وقالو لامي خلاص اطلعي وانا أهني زايد الألم علي ومت عطش قلت لهم عطشانة ويابو لي ماااي وبعدين يابت لي السستر مال الأكسجين وقالت إذا حسيتي بألم تنفسي علمتني الطريقة وبيخف وفعلا سويت وكان اوكي خفف علي بنسبة 10 % ههههههه وكل شوي كنت أقول للستر البحرينية أبي أروح الحمام وقالت ما يصير خلاص واتيب لي القيصرية .........

ومن الالم أقول لهم خلاص ما أبي أولد وأنا اصرخ وسولي عملية وهم أيقولون بسم الله علي من العملية وكل شوي ابر وانا اخاااااااااف من الإبر بس الم الطلق خفف الم الإبر قمت ما أحس فيهم وبعدين فحصتني اا اتقول 10 سانتي ما بقى شي وانا الاآآآ لام تزيد ما اقدر أقاوم صريخ وبس وبعدين اضاهر تبدل الشفت وراحت البحرينية وجات بدلها هندية والمساعدة بعد هندية وهم كانوا اوكي بس أنا خفت منهم ههههههه وكل ساعة يقولون عصري عصري سوي بوش ساعات صح أسوي وساعات غلط وشوي وجسمي كله قام يرجف مو قادرة أتحرك أقولهم خلاص مافيني طاقة سو أي شي وريولي طبعا مرفوعة أقولهم ما أبي أبي انزلها ما قادرة من الالم أبي انزلها والسستر مو راضية وشوي وجوف إبرة هذة الوحيدة الإبرة إلي خفت منها ويات سستر بحرينية وقالت هذةة بنج عشان يشقونج خفت شوي بس ما حسيت اله بنغزات خفيفة وردت قالت عصري وعصرت أكثر ما بقوي وخلاص انبطحت نفس لمخدرة وشوي وأحس شي تحت اريولي وحطت وخف الالم وحطت السستر على بطني خلف وحطو ألبيبي عاد مجابليني بضهر اشلون اجوفة وخذوه وطلعو المشيمة بس اضاهر ماكانت كاملة وكل شوي أتدخل أيدها وطلع أتدخل واطلع ذبحتني بس ماكان يعور وتهوس على بطني وبس وبعدها بدت بالخياط ما ألمني بس آخر شي حسيت بألم ....... وقلت لهم يبو ولدي أبي اشوفة عدل

وأمي وزوجي ينظرون برع ماقالولهم مباشرة أني ولدت وهم برع يحاتون خايفين ما أولد ويسوون لي عملية وبعد اشوي وبشرهم تقريبا سبع وثلث وأمي طبعا قامت أتصيح وزوجي مخترع ولدت ههههه و طلعوني ودوني غرفة الانتظار وخلوهم يشوفون يوسف أول عشان يفحصة الدكتور وبعدين خلوهم يدخلون علي ههههههههه واول ماشفت زوجي يه باسني وسيدة قلت له يلا روح احجز غرفة خاصة ههههههه ما أعطل وطبعا ماكان فيه بل هذة محد يروح مافي ووودوني الجناح وقالو العصر بيصير فيه غرفة وأمي وزوجي وياي لين ماودوني الجناح وفج طبعا بنج الخياط ومت من الالم ولحد الحين ذابحني معن الخياط عدل يعني مافيه خلل جيكوني جم مرة بس ما اقدر أقوم واقعد وامشي عدل لحد الحين المهم والي يمي في الغرفة مخلية الايسي حدة أقول للسسترات مو قادرة ميتة برد أيقولون أنتي بردانة والي يمج حرانة شنسوي يعني وانا لايعة جبدي معن يوسف كان ينتفض من البرد المهم ونادولي أخصائية الرضاعة عشان أتعلمني الرضاعة العدلة بس ولدي نحوس ( ما ترضى أمي أقوله نحوس تهاوشني ههه) مايرضى يرضع عدل لحد الحين ذبحني صاير واحد لين واحد يابس واشوي أخذت شفاطة نفعتني في هالضروف المهم الأخصائية رأفت بحالي وخففت على الايسي شوي ما بندتة وهذي الي يمي الي ما تستحي عقب ما اطلعت الأخصائية قامت وطولت علية حدة ضج ناس ما تستحي على ويها كان خاطري أقوم أبط راسها .<<<<<<< هههههه بس لخياط مو مساعدني واتصلت لزوجي أي بسرعة يتصرف يايشوف لي حجرة خاصة يا اطلع من المستشفى واشوه حصل هههه طبعا انهالت الاتصالات علية وانا أرد على مكالمة و10 مارد عليهم هههههههه وطلعوني ودوني في حجرتي وفتكيت من دراكولا الي يمي ههههههههه وركبوا هلي مضاد لان كن ينزل علي ماي من قبل ولا رحت المستشفى ..

وتوتة توتة ................... خلصت الحتوتة
أم يوووووووووسف