ابي اسمي بأبوي

والله مشكلة هذه الأسامي

شوفي حبيبتي أهم حاجة يكون الأسم حلوه أسم أمة أو أختة حتى لو عمته هذه أهم حاجه

شوفي أنتي لا تقارني روحش بباقي زوجات أخوانة هم ما سموا و أنا ليش أسمي لان يمكن يركب راسه ويعند ولو قلتي إلى أبوه و زوجك عند وسمه بأسم أمه أو أبوه ما راح تستفيدين شيء بالعكس راح تخسرين لان أمة راح تدري أن هذه الشيء مو برضاج و من بدل ما تتغير ماعملتها معاش للأحسن يمكن تكون أسوى لانج حتى أسمها ما تريدينه

وعندج من الحين إلى موعد الولاده إذا كلش ما أقتنع قوليله طيب لا أسم أهلي ولا أهلك ناخذه أسم وسط وجدي لا أنتي أنكسرتي ولا هو

ومثل ما قالت فول اوبشن كل ياهل يجي أسمه معاه

وربي اتضايق لما احد يسمي المولود او المولوده غير
الام
مدري احس انها هي اولا من الكل بتسميته
تعبت بحمله وبوضعها وفي الأخير يتسمى مولودها بأسم هي ماهي مقتنعه بيه
والله احس حرام
بس لاتعانديه واذا رزقك الله بمولوده اختاري
لها اسم حلوا وحاولي تقنعينه به
واذا عند خلاص ربي كاتبلها هالأسم

خلاص لقدام مو الحين خبريه انك حلمتى بمولود ولد اسمه (على اسم ابوك) وانا بعرف ان الاسم اللي يطلع بالمنام بيتسمه عليه الطفل يعني مايقدر يجادلك
والله يتمملك على خير وييسر عليك الولاده

حرام يأختي ان يكذب الأنسان بحلم لم يحلمه
لأن الكذب في المنام كذب على الله أنه أراهُ ما لم يَرَهْ، والكذب على الله أشدّ من الكذب على المخلوقين
لقوله تعالى: { وَمَنْ أَظْلَمُ مِمَّنِ افْتَرَى عَلَى اللّهِ كَذِباً أُوْلَـئِكَ يُعْرَضُونَ عَلَى رَبِّهِمْ وَيَقُولُ الأَشْهَادُ هَـؤُلاء الَّذِينَ كَذَبُواْ عَلَى رَبِّهِمْ أَلاَ لَعْنَةُ اللّهِ عَلَى الظَّالِمِينَ} [ هود: 18 ]
وإنما كان الكذب في المنام كذباً على الله لحديث: (( الرؤيا جزء من النبوة))،
وما كان من أجزاء النبوة فهو من قِبل الله،

نصيحتي لك بلا اسم امووة ولا اسم ابوووك وريحي رآاسك .. آهم شي صلآح الولـــد

نفس المشكله الي عندي هو يبي يسمي ع اسم اخوه وانا ابي اسمي على اسم ابوي
والمشكله ان اخو مسمي على اسمه يعني لازم هو يسمي على اسم اخوه ...والله حاله



انتي الله يعينك وخليك متفاهمه وحاولي فيه
والحين باقيلك لاتشيلين هم
الله يحققلك امنيتك وتسمين على اسم بوك وانا اسمي على اسم ابوي اللهم امين

يمكن انافهمت غلط بس انتي قلتي اخوان زوجج كلهم سمو اسم ابوه يعني مثلاً كلهم ابو عبدالله..!!
تصدقين يوم جبت ولدي سميناه محمد
وحماي يوم جاب ولد سماه محمد <<على اسم عمي
النتيجه..اذا نادوا بو محمد اثنينهم يقومون..
و مواقف لااتعد ماادري اناالمقصوده ولازوجة حماي..لازم اسأل ام فلان تقصدون فلانه ولافلانه..ههههه والله مشكله
حلو اول اسم يكون مميز..>>من يقولون ام فلان تعرفين نفسج
واذا على اسم الام لو اظطريتي تسمين اسم امه غيري فيه اشوي
يعني على دلع..
مثلاً اسم ام زوجك بدريه>>سمي البيبي بدور
اسمها نوره>>سميهانور..انوار
اسمهامريم<<سميها مرام.. ريم
اسمهاامينه>> سميهاايمان..امنيه
والله يسهل امورج..