الى اغلى بنات فى الدنيا بنات عروس
انا عملت حملة لا مشاكل للشعر بعد اليوم
وجيبالكم وصفة ولسيون لحل جميع مشاكل
وكلى ايمان وثقة بالله
وطول ما فى حياة لا تقطعى الامل
ياريت كل بنت تدخل تضع وصفة او منتج او ماسك او لسيون
وتقول ايه فايدته وطريقة استعماله ومدة استعماله وهل هى مجرباه او لا
او حتى بمعلومة
ولو فى سؤال مفيش مانع
كلنا ايد × ايد
يلا كلنا نقول توكلنا على الله
واليكم وصفتى
المكونات
راس ثوم كاملة
خل تفاح ممتاز
مايونيز
زيت جرجير خام"من العطارين"
زيت لوزحلو
زيت خروع وزيت ريحان
الطريقة:
ضعى راس الثوم مع كوب خل تفاح
فى الكبة وافرمى كويس الى ان يصير عصير
ودى صورة عصير الثوم بخل التفاح
يكون عندى اى برطمان وضعى الخليط السابق فيه.
ثم احضرى طبق صغير وملعقة صغيرة وخدى ملعقة صغيرة مايونيز"او حسب طول شعرك"
وملعقين اكل من عصير خل التفاح والثوم
ودى صورته شايفين شكله عصير ازاى علشان تقدرى تستفيدى من عصارة الثوم
وبعدين اخلطى ملعقة صغيرة من كل زجاجة زيت"السابق زكرها"
واخلطى كويس جدا وضعيه على شعرك واهتمى بالجذور ودلكى برفق الى ان يتشربه شعرك ثم غطى شعرك بالبونيه لمده ثلاث ساعات على الأقل.
أقسم بالله الوصفة دى هتقورى الشعر وهتنبته فى زمن قياسى جدا.
استعملى الوصفة دى كل أسبوع مرة
استعملها لعلاج الفراغات وتساقط الشعر وعلاج الثعلبة.
والله والله والله هتلاقى فرق رهيب
بس اول ما تستعملى الوصفة لاول مرة هتحسى بشوية حرقان بسيط لا تقلقى لا الثوم فى مادة بتهاجم الميكروب المسبب لتساقط وقشرة الشعر خلال اول دقائق من وضعه
وهتلاقى فى الاول تساقط للشعر الضعيف وهتلاقى شعر صغير ابتدى ينبت والله يابنات انا بكتبلكم بكل صدق.
أما اللسيون المفاجاة
لسيون يومى دلكى شعرك قبل وضعه
وبعد وضعه لتنشيط الدورة الدموية
وهو عبارة عن:
خل تفاح "صورته موضحه فى اول الموضوع"
عشبة السنامكى"اوصى بها الرسول عليه الصلاة والسلام"
قال السنا والسنوت شفاء من كل داء الا السام اى الموت
والسنا هو السنامكى
وهذه صورته
وعلى فكره هو ليه أشكال كتير نظرا لاختلاف البيئة المزروع فيها
وثانى حاجة هو الزعتر او الصعتر
ودى صورته
واما ثالث عشب هو الروز مارى أو المسمى باكليل الجبل
الطريقة:
أحضرى كوبيبن من خل التفاح
واضيفى ملعقتين من كل عشب"السابق ذكرهم"
وضعيهم على النار
ويوضع الخليط على نار هادية جدا الى ان يغلى ونسيبه يغلى شوية
وبعديه نصفيه كويس ونضعه فى زجاجة ونضعه فى الثلاجة
ونستعمله كل يوم
وأخيرا احب اكون طرحت موضوع يفيدنا كلنا
واحب اكون قدمت وصفة تفيدنا كلنا
والله يابنات الوصفة دى كويسة جدا واللوسيون دا مفيد جدا
وانا منتظرة ردودكم واقتراحتكم
وانتظروا منى المزيد فى هذا الموضوع المتجدد دائما برأيكم وبوصفاتكم الجميلة
مستنية ردودكم وتقييمكم اذا عجبكم الموضوع
ومع السلامة
F:F:F::L:F:F:F:
http://forums.3roos.com/showthread.php?t=617105
يسعدنى ان تمروا على هذا الموضوع للاستفادة.
