طفلي 10 شهور و بسافر فتره طويله ساعدوني

لبسيه زين لطياره عشان انا اشوف انه برد في الطياره وخوذ احتياطاتك من ادول خافض حراره خوذي اثنين وخوذي الاكل المعلب الخظار والفواكه الجاهزه

وقبل السفر لاتنومينه خليه يشتاق للنوم انا هاذي طريقتي طلعيه وسعي صدره عشان ينسر النوم بس خليه بدايه اليوم يشبع نوم يعني

قبل الرحله بخمس ساعات لاينام ابد حتى قيلوله ونشالله ينام في الطياره والله يعينك 14 ساعه مب سهله ومن ناحيه الغربه عادي ولدك ومعك

بس تاصلين تتسهل عليك كل شي انشالله اكيد طبعن فيه احد ينتظرك هناك يستقبلك ويسنعك

والملابس اعتقد ان هناك يبيعون اشيا ثقيله مره خاصه لجوهم لان انا يوم رحت كوريا لبست الي باشنطه كلها

وزياده شريت بلايز صوف ثنتين الصوف العريض مع بالطو زبناطيل داخليه والجنز

ومع ذالك برد اما الكواريه ماشالله يمشون عادي ولا كنه برد ويتساقط عليهم الثلج

لا ويلعبون فيه بعد


انتي لاتخافين مره وسالي فاقسام المغتربات عن وش تحتاجين

وموفقه ورحله سعيده وستانسي قد ماتقدرين

ايه نسيت لاتنسين القبوع الصوف اختاري قبوع صوف عريض الي يربط من عند الحلق عشان يغطي الاذن والراس كله


محشيه قطن صراحه

الله يوفقك

ماقصروا أخواتي
اهم شي تنتبهين لنقطه ان الماي اللي تاخذينه يكون مسموح بالطياره لان بعض الشركات ممنوع لحد معين..
الشنطه تكون مكونه من/ادوية الحرارة/شراب/تحاميل/ميزان حرارة/قطرة للأنف/بابمبرز عدد كافي/مناديل التغيير/عدد غيارات كافيه للاحتياط لان مدتها طويله/منشفة صغيرة/الغذا المعلب اسرعلك/خذيله سناك واشياء يستسلى فيها/العابه اهم شي /بطانية/حليب/واكيد بالطياره بيعطونك اكل للبيبهات بس انتي لازم تكوني مجهزة من اول وحاولي اول ماتقلع الطياره انك تخلينه يرضع عشان ضغط الاذن/وفي مثل الصمغ ينباع بالصيدليات تقدري تسكري فيها اذانه وقت الاقلاع والهبوط..
ومثل ماقالولك الاخوات اهم شي لاتخلينه ينام قبل صحيه بدري ولاتخليه ياخذ قيلولة علاقل نص الرحلة يكون نايم..
وبالنسبه للملابس في البلد انصحك تجيبين له ملابس داخليه قطن وكثري منها لانك رح تلبسيه بالهبل..وان شاءالله تروحين وترجعين بالسلامة وترى جو اوروبا بالصيف حلو مو مره برد بس لان البحرين مره حر عشان كذا يمكن تحسين بالاختلاف..

مرحبا , الحمدلله أن 10 شهور مب اكثر , اولا خذي لعبته المفضله , اذا جات وقت الرضاعه

رضعيه واذا جيه وقت الأكل اكليه , خذي معاك سيريلاك , وسوي له سيرلاك في الطياره ,

خلينا نتكلم عن الشنطه اليدوية , لازم تكون فيها على الأقل 10 حفاظات , فوطه , معطر

للأطفال , بيجامتين , ملحف صغير وخفيف , عشان ما يمرض لأنه برد عليه في الطياره ,

حليب الأطفال , ليكون تنسينه , عربة طفل سهل الفتح والإغلاق جدا ضرورية , حتى لو ما

دخلوا الطيارة اهم شئ تستخدمينه حق النزله من الطيارة , وانتي في المطار , وايد تعب ,

اذا بتعتمدين على نفسج , انتي تقولين بتميين 3 شهور يعني صيف والصيف في الولايات

حر , اما اذا بتروحين استراليا , يمكن تكون بارده في الصيف , خذي قبعه تغطين فيه راسه

اندر وير قطني كامل الي يغطي جسم الطفل كامل , ملابس شتوية دلاغ , حذاء .

مشكورين حبايبي كل الي ردوا
والله ما تدرون شكثر أحاتي سفرتي معاه
احس بيطلع روحي بهالسفره و بيفلت اعصابي
لانه حركي مررررررره و حتى اذا اطلع معاه مكان
أتفشل منه حركي و عصبي و عنيييييييييد
وارجع البيت ما اكمل طلعتي بسبب الفوضى و
الحركات الي يعملها

و المشكله انه ما يشرب صناعي و لا يمص لهايه
وبنفس الوقت يادوب يأكل بالغصب و المراكض وراه
و يضل باليومين او ثلاثه ما يأكل شئ وعقب ياكل بالغصب


والالعاب يلعب فيها شوي و يقطها وكلش ما يحب الحكره
وتخيلوا بالطائره بضطر احكره ياربي بيذبحني ما بيرضى ابد

انا سافرة فيه من قبل وكان عمره 3 شهور و جنني من البكى
طول ما احنا بالطائره يبكي هذا وهو ما يتحرك و للحين ما فهم
عيل الحين شنو بيسوي فيني يارب سترك

مو مهم عندي الاكل و الشراب كثر الهدوء و السكينه
يالله حبيباتي أتمنى تتفاعلوا مع موضوعي و تفيدوني ياقلبي

قلنالك ياقلبي اهم شي تصحينه قبل الرحله بوقت عشان ينام عليك بالطياره
ودام انك ترضعينه طبيعي تلاقين بسنتر بوينت حقت الرضاعه وعادي رضعيه
احنا قلنالك الاكل عشان يتسلى فيه بس والله يعينك عالسفره اقري عليه دائما وحصنيه
وان شاءالله ربي يهديه

الله يوفقك يارب

اشتري كم لعبة جديدة مليانة ألوان
وحاولي إنها تصدر اصوات خفيفة بس غريبة
وأعتقد سنتر بوينت قسم ألعاب البيبي راح تحصلي هالسوالف
وبكذا تقدري تشتتي انتباه طفلك وتشغليه لما يبدأ يتضايق
وراح ينجذب للعبة وينشغل فيها
وطبعا اللعبة تكون جديدة
يعني أول مرة يشوفها بالطائرة


وإذا تحاتي الي جنبك بالطائرة
عادي الناس تتفهم وضع الأم لما تكون بروحها
والطفل من الطبيعي يبكي
فحاولي تسألي المضيفات بالطائرة عن الأشياء الي ممكن يقدموها للبيبي
وإذا كان عندهم وقت أكيد راح يساعدوك
وإذا عرفتي إن في كراسي فاضية بالطائرة
وكان الكرسي الي جنبك مشغول
فانتقلي للمساحة الفاضية حتى تاخذي راحتك في التعامل مع ولدك .. لو سمحوا لك بالانتقال

شنطته مثل ما قالوا البنات
حفاظات عدد كافي .. مناديل رطبة .. رضاعات معقمة
ماء مغلي لو مسموح وإذا ما مسموح اطلبيه في الطائرة
خذي علبة عصير صغير يمكن يشربها بالطائرة
أكله .. خافض حرارة .. غطاء لأن يمكن الجو يصير بارد
لبسيه ملابس مريحة ولا تلبسيه حاجة ضيقة أو ثقيلة أو خفيفة اختاري حاجة مناسبة
ولا تنسي ملابس احتياط في الشنطة وملابس لك بعد

لو عندك mp3 أو آيبود حطي فيه الأناشيد والصوتيات الي يحبها
يعني في أطفال يشغلها هالشيء


وحاولي تعطيه جرعات ماء أثناء صعود وهبوط الطائرة
لأنها تخفف ألم الأذن
خاصة وإن الطفل ما يفهم لما نقول له " ابلع "

حاولي تمشيه في الطائرة
يعني امشي وأنتي حاملته وغني له

وقبل كل هالأشياء لازم تعرفي الجو بالبلد الي رايحة له
حتى تحددي نوع الملابس الي تاخذيها



والله ييسر سفرتك
وولدك ما يتعبك فيها

أم علااااااوي;15102020:
مشكورين حبايبي كل الي ردوا
والله ما تدرون شكثر أحاتي سفرتي معاه
احس بيطلع روحي بهالسفره و بيفلت اعصابي
لانه حركي مررررررره و حتى اذا اطلع معاه مكان
أتفشل منه حركي و عصبي و عنيييييييييد
وارجع البيت ما اكمل طلعتي بسبب الفوضى و
الحركات الي يعملها

و المشكله انه ما يشرب صناعي و لا يمص لهايه
وبنفس الوقت يادوب يأكل بالغصب و المراكض وراه
و يضل باليومين او ثلاثه ما يأكل شئ وعقب ياكل بالغصب


والالعاب يلعب فيها شوي و يقطها وكلش ما يحب الحكره
وتخيلوا بالطائره بضطر احكره ياربي بيذبحني ما بيرضى ابد

انا سافرة فيه من قبل وكان عمره 3 شهور و جنني من البكى
طول ما احنا بالطائره يبكي هذا وهو ما يتحرك و للحين ما فهم
عيل الحين شنو بيسوي فيني يارب سترك

مو مهم عندي الاكل و الشراب كثر الهدوء و السكينه
يالله حبيباتي أتمنى تتفاعلوا مع موضوعي و تفيدوني ياقلبي

يووووووووووه كنك تتكلمين عن ولدي الله يهديه اخيرا
لقيت شبيهه ههههه بس انه ياخذ لهايه ويرضع
وصراااااااااحه اللهايه هي افضل شيئ سويتيه في حياتي
اني عودته عليها ..
الله يعينك من جد اذا كان بهالطريقه من الحركه والعناد مثل اللي عندي
ولا يحب الحكره اببببببببببد وشلون في الطياره ؟؟؟!!!!
اول شيئ واهم شيئ ما ينام قبل الرحله ولاااااااااااااااااااازم تعطينه (دواء منوم )
واستشيري الصيدلي ياللي يناسبه ترا ما يضره هي مره وحده
واشتري له من الالعاب اللي مو مألوفه عنده وخصوصا اللي فيها ازرار وتضغيط
واصوات تلقينها في سنتر بوينت بس لاتورينيه قبل
الا في الطياره ..
بس زي ما قلتلك اهم شيئ المنوم ..
طيب حاولي تاجلين السفر الين يكبر شوي ولا خلي زوجك يسافر معك
ولو كان هو هناك يجي ياخذك ...
الله ييسر لك امورك

الاورجوان;15103018:
يووووووووووه كنك تتكلمين عن ولدي الله يهديه اخيرا
لقيت شبيهه ههههه بس انه ياخذ لهايه ويرضع
وصراااااااااحه اللهايه هي افضل شيئ سويتيه في حياتي
اني عودته عليها ..
الله يعينك من جد اذا كان بهالطريقه من الحركه والعناد مثل اللي عندي
ولا يحب الحكره اببببببببببد وشلون في الطياره ؟؟؟!!!!
اول شيئ واهم شيئ ما ينام قبل الرحله ولاااااااااااااااااااازم تعطينه (دواء منوم )
واستشيري الصيدلي ياللي يناسبه ترا ما يضره هي مره وحده
واشتري له من الالعاب اللي مو مألوفه عنده وخصوصا اللي فيها ازرار وتضغيط
واصوات تلقينها في سنتر بوينت بس لاتورينيه قبل
الا في الطياره ..
بس زي ما قلتلك اهم شيئ المنوم ..
طيب حاولي تاجلين السفر الين يكبر شوي ولا خلي زوجك يسافر معك
ولو كان هو هناك يجي ياخذك ...
الله ييسر لك امورك

ياقلبي الله يعينك بجد اذا الي عندك زي حلاتي
زوجي راح ينتظرنا بالمطار بيستقبلنا وما اقدر ااجل اكثر من جدي
من وضعت سافر و الحين اجازتي و لازم اروح والله المعين

اكبر غلط سويته ما عودته على لهايه لان اشوف الاطفال يهدأون و يسكتون فيها
والرضاعه الطبيعيه بالسفر تعيق و تفشل بعد جدام الناس و خصوصا الي عندي ابد
ما يحب يرضع و هو محكور يبي يتفرفر و يناقز و يسوي حركات
واذا ما خليته ينام يعني بالمطار بيعفسني لان اذا فيه النوم يسوي لي زلزال و اعصابه تفلت و يصير نكدي بس بحاول اني نا انيمه والله يعينا
فكرة المنوم حلوه لازم اشوف لي حل الها من دكتور او صيدلاني لان ما اظن في شئ بيأثر عليه كثرها

ارجو التفاعل مع موضوعي
واشكركم حبايبي

انا سافرت ببنتى رحلة كانت حوالى 12 ساعة بس كانت 5 شهور انتى اهم حاجة فى وقت الاقلاع و الهبوط يرضع او تديله اللهاية عشان ودانه متتاثرش بضغط الطيارة و خدى معاكى بامبرز و مناديل مبللة و بطانية ليه و لبس برده عشان الظروف و سيريلااك ططبعا و الاكل المعلب و ممكن موزة و زبادى بس خللى بالك الادوية ممكن ميطلعوهاش الطيارة و خدى معاكى ساتر الرضاعة لو بيرضع طبيعىى و لعب و مناديل عادية ومشمع الغيار و لو افتكرت حاجة تانية هقولك

اااه خدى معاكى لبس ليه اما تخرجو من المطار تقييييل جوانتى صوف و بلوفر و جاكيت مبطن صوف و طاقيه للراس

حبيتي عن تجربة مع 3عيال اسمعي مني وخوديها نصيحة مني رضعيه زين...واول ماتطلعي للطيارة عطيه دوا منوم هذا هو الحل الوحيد العيال ماشاء الله عليهم كلهم حركيين مايتحملون القعدة في الطيارة وفي ناس في الطيارة ماتتحمل العيال تظل تتافف منهم ...المهم قعديه قبل ماتسافري بمدة ولاتخليه ينام قبل لايطلع الطيارة وروحي للصيدلاني ولا للدكتور في المركز وشرحي ليه طبيعة سفرك وخليه يكتب ليك دوا للنوم..وكده بترتاحين شوية...انا دايما احجز بالليل احسن واريح والله يعينك