زوجي ارسل مسج لاختي

اختي يمكن مايقصد شئ
مستحيل انه يكون عيونه علي اختك

لاتفتحين عيووووووووووونه حتي لو مش فباله بكلامك ومواجهتك بتخليه يلاحظ ويفكر

والله يفرج همك اختي
موووووفقه

والله قهر ليه انتي مو ماليه عينه سلامات قوليله وانتي خلك باجمل منظر قدامه عشان مايشوف غيرك واصبري ياقلبي واله يصد عينه عن جميع النساء وادعي
بصلاتك دايما وحولي تسعديه وتملي عيوونه الرجل اذا شاف عند زوجته كل شي يبيه مايطالع برا بس الرجال خونه مايملي عينم الا التراب

عادي ياقلبي لاتوجعين راسك لان ايمكن يبغاهم يشوفون غلاتك عنده بس ونصيحه مني لاتفكرين في الموضوع ولاتفتحينها

هلا اختي انا راي انسي الموضوع وافتحي له موضوع الدلع يعني قولي له يوم رسلت المسج لاختي وحطيت فطووووم شكثر فرحني ومدحيه شوي ,,و ياريت دايما تدلعني ولو بتعاتبي شخص امدحيه اول ثم عاتبيه باسلوب لبق لان المعاتبه واللوم عمرها ماكانت حل للمشاكل فكري بعقلك قبل لاتفكري بقلبك وبلعكس كونه يدلعك معناته انه يعرف انه المراه تحب الدلع عززي فيه ها الشي مو تحطمينه ان شاء الله اكون افدتك وتقلبي مروري ......

والله.أن دمكم خفيف يا السعوديين . أهو يمكن ماسوه شيء كبير بس شنقولين الرجال مجبول على حب النساء . حاولي اتكسبينه و اتساعدينه على غض البصر

اختي مهما يصير خلي زوجك بعيد عن اهلك الحريم
انتي الغلطانة تطلبي منه يرسل لاختك ويمكن تفتحي له الباب عشان يراسلها بعدين
هدي المرة طنشي ولا تكلميه في هدا الموضوع لانه ربما ما يكون يقصد وانتي اللي تجيبي لنفسك الهم
الله يصلحكم لبعض

اختي عادي مدامه في رساله بس لاتفتحين عيونه على شي مايستاهل و توجعين راسك والله صدقيني ما يقصد الي في بالك
بس انت مكبره السالفه
وانت خليها عاده زوجك يناديك بالدلع

خلاص حبيبتي اذا كان زوجك ارسل لأختك مسج اول شيء امسحي رقمها من جوال زوجك..

ولا عاد تطلبين منه انه يرسل مره ثانية وحتى لو كنتي مضطره..

واذا مره مره ضروري انتي ارسلي لها وامسحي المسج على طوووووووول..

وانتبهي تعيدينها ترى الشيطان حي ما مات والحمو الموت يا قلبي..

موفقه حبيبتي..

حنين..

يصراحه وما تزعلين مني الموضوع عااااادي جدااااااااا وربي ما اشوف شي في
والاخت اللي قالت يقهر وش اللي يقهر فيه
يعني حتى لو بنفهمه غلط يدلع اسم اختك مو اسمك
زوجك يمكن طبعه من الثقيل ويكابر
اما رسالته لاختك والله لو فيها شي قلنا لك
اللي قاهرني مو شااايفه شي من انه يدلعك قدام اختك وحتى لو نظرته لها مو عاديه ما يبن حبه لك وما يدلعك قدامها
لا تظلمينه وتخربين بيتك

خلاص لا تزعلي نفسك بس هذا درس ليكي علشان ما عاد تقولي له ارسل
الصراحه انتي اللي فتحتي مجال والرجال ما يحتاج ما يصدقوا تجيهم فرصه
ما حصل شي كبير حاولي توصلي له مسج من غير مشاكل

بقلك شي حكاية ان عيونه طويله ترا كل الرجال عيونهم طويله والله مافي رجال في الدنيا هذي عيونه موب طويله الا من رحم الله وفي وقتنا هذا اعنقد انهم معدومين وانتي تقولي انك كلمتيه على الموضوع وعصب خطوه حلوه منك انك كلمتيه بيني له انك مفتحه

المشكله الثانيه انه ارسل لاختك اتصلي على فطومه ماني شايفه مشكله بس انتي تبغي تزعلي :)

تقدري باسلوب دلع تقولين له دلعني لما تبغى مني شي ولا ماحرد عليك بدلع مو تتضاربين معاه وهواش وصراخ اعرفي كيف تكسبي زوجك

اتمنى لك التوفيق ان شاء الله

عادي ياقلبي انا اختي لما ما يكون عندها رصيد وتبغاني اكلمها زوجها يرسلي دلعها ويقولي كلميها تبغاكي ضروري مافيها شيء

حبيبتي الله يصلحك لا تعملين لنفسك مشكله
لاتطلبين من زوجك شغالات مثل هاذي
نصيحه مين 00
تبغى زوجك يمشي ورك زي الطفل الصغير --لاتتفقدين اشيائها لاتكوني ملتصقه فيه زي الغراء لاتتفتشين في اغراضه
حطي في نفسك انت موكل شيء يحياتي --اشغلي نفسك في الاستغفار وشغل البيت مثل
عن تجربها00

الله يعينك اختي ،،


أنا مو متزوجة ,, بس اظن ان المفروض ما يرسل مسج لأختج و لا حتى لأي وحدة حتى لو من الاهل ،، الريايل مالهم أمان و بعدين خلي حدود واااضحة بينه و بين البنات



ربي يصلحكم و يعينج

غيرتج في محلها , لكن تصرفاتج لا , في تناقض بين تصرفاتج وغيرتج , انتي تغيرين على زوجج

وايد , شلون توصلين حريم , وهالحريم مين هم ؟ يعني من محارمج ولا غرب , يعني مثلا

خاله عمه , عمرج لا تدخلين بنات غرب على سيارتكم , الشيطان موجود , يعني مثال كنتي

قاعده في مكان , في بنت تمت بروحها انتي مالج شغل فيها , لاتقولين ويه مسكينه السيارة

الي جابتها ترجعها البيت , إنتي مب مسؤوله عن حد , جوفيني أنا مثلا ممكن اوصل جدتي

امي وبس الباقي ممنوع الا اذا في ظرف , اضطريت مره أني اركب مع اختي وزوجها يسوق كنت

مضطره , هذي في حالات ضروره قسوى , وهذي اختي , هذي نقطه اتمنى تفهمين المغزى

أن سيارتج عباره عن غرفتج الخاصه , حتى الخادمه اقعدها ورى السيت الي أنا قاعده عليه

النقطه الثانية بالنسبة للتضارب الي قلت لج عنه , مب انتي الي قلتي حق زوجج ارسل لها

مسج , تعرفين عاد اكبر خطأ خطيتيه في حياتج , نصيحه لا تعيدينها , انتي حتى ما تقدرين

تفتحين معاه الموضوع , لأنج بتفتحين على نفسج مشكله , زوجج لما يروح يزور هلج

يقعد في مجلس خاص بالرجال , مب عدم ثقه , لا اقتداء بوصايا الرسول , وقت الغدا او العشا

الرجاجيل بروحهم والحريم بروحهم , اذا قال ليه هالتغيير , قولي وصية الرسول , الحركه هذي

بتحمي حياتج واجد , بالنسبة لموضوعج لا تفاتحين زوجج فيه انسيه واعتبريه درس ,

اما بالنسبة لشعورج , مب بس انتي محرومه وايد ناس محرومين , بس لا تركزين على

هذي النقاط , ركزي على حياتج مع زوجج , اذا هو ما يدلعج انتي دلعيه , يعني اسمه محمد

قولي حمودي .