سآعدووني بعد شهر زوآآجي تكفوووون

فرفوحة حبوبة الله يتمم لك ع خير ويوفقك ان شاء الله

اول شيء هدي نفسك و رتبي امورك ..

الخلطات و ما حوله .. لا تحطي كل بالك عليها ..

اهم شيء ريحي بالك ولا تشياي هم عشان بشرتك و شعرك مهما حطيتي خلطات الهم ح يقلل من نضارتهم ..

الحين انا ودي اساعدك .. لكن متى بالضبط تاريخ زواجك ؟؟

وهل دبشتي ؟؟

هلا لا ما دبشت للحين بروح الخميس والجمعه لجده وما اعرف فيها ششي ..
وزوآجي 9/7

طيب يا ستي اول شيء لازم تنظمي وتعملي اللستة اللي ح اقولك هيا .. الجدول والتنظيم اللي عملته مررررة ريحني و وفر علي وقت ومجهود ..
وانتي الحين تحتاجي حاجة مختصرة عشان وقتك قليل جداً
كل اللي عملته جبت ورقة A4 و سطرتهم وعملت جدول من 5 عواميد و صفين .. وجه وقفى
وتفصيله كالآتي :
1- اول عامود .. الاغراض الاساسية المراد شراؤها - العدد- الميزانية
2- ثاني عامود .. الاغراض الثانوية المراد شراؤها -العدد-الميزانية
3- ثالث عامود .. المكياج والعطور والكريمات - العدد - الميزانية
4- رابع عامود .. الاجهزة والادوات - العدد - الميزانية
5- خامس عامود.. اغراض الحمام والمفارش - العدد - الميزانية


ع الوجة الثاني من الورقة كتبت :
1- كل الاغراض اللي احتاجها لتغليف الدبش من صناديق لسلات لقماش تُل ..الخ
2- الاماكن والاسواق والمحلات اللي خاطري ازورها و اخذ منها اغراض مخصصة ..
3- التقسييم الكلي للمهر .. و كم ينصرف منه كل مرة اشتري وكم يبقى ..

وبما انك قريب من جدة فـ الاماكن المقتصرة لك اسواق مكة وجدة .. ( سوق الحجاز - الضيافة - العزيزية )
وجدة كثيير مولات وكمان في سوق المينا و الخاسكية والهنداوية ووسط البلد ..

الرد الجاي بفصلك كل حاجة .. بس كم ميزانيتك للدبش ؟

الحين لازم تبدأي بالاشياء الضرووورية مررة وتخلصيها و تبداي الاقل ضرورة وكذا ..

اول شيء خصصي ميزانية فستان العرس واكسسواراته مع الجزمة ( وانتي بكرامة ) والباقة
والمصورة والكوفيرة والصبغة .. وخلي ميزانيتهم ع جنب ..

جيبي ظروف صغيرة وقسمي المهر لكل عامود حطي ميزانيته ..
و شيلي معاكي دايما في السوق آلة حاسبة صغيرة و الورقة اللي عملتيها و قلم او قلم هايلايت عشان تشطبي ..
ودفتر صغير للحاجة ..

من الظروف خلي ظرف خارجي للطوارئ حطي فيه ع الاقل 2000 ريال

شوفي حبيتي اول ششي انا من الجووف الشمال مو من مكه
والعادات عندنا الرجال هو الي يشتري الذهب وكل ششي يعني على العروس تجهز الملابس والعطورات والكريمات ...الخ

وميزانيتي للملابس والمكياج والعطور والكريمات 10 الاف
اما المفارش من اختي هذيه وبدلتي )فستان زواجي( فصلته من الكويت
وووووووبس هذا حااالتي

وانا بنزل جده وتبووك
بس بعرف ايش المشتريات و كيف ارتب الدبش ابي افكار لاني ما اعرف ششي

ربي يجزاك خير حبيبتي انتظررررك

اوكي مرررة تمام انو خففوا عنك الذهب والفستان والمفارش ..

الحين انا ماعرف اسواق الجوف وتبوك بس اعرف جدة .. فمن دا المنطلق ح اقولك كيف ترتبي نفسك و تنظمي مشترياتك بأقل كلفة ممكنة ..
و 10 آلاف مررة كويس بيكفونك بإذن الله ..

اول شيء اعملي الجدول اللي وصفته لك والحين الاشياء الضرورية كالآتي :

- اول ظرف : تكلفة اكسسوارات فستان الزواج + الباقة + الحذاء + الصبغة + الكوافيرة

تحت أول عامود :
- طقم الصلاة الخاص " شرشف - سجادة - قرآن "
- عبايات :4 ( واحد عادي يومي - واحد للطلعات - واحد للزواجات- واحد للسفر )
- بجايم قطنية منوعة " برمودة - طويل - قصير " - على حسب ماتلبسي انتي .
- جلابيات خروج : عدد 4 او اكثر حسب ما يكفيك ..
- قمصان نوم " حريري - قطني - طويل قصير " عدد 20 + قميص اول يوم سكري وطويل
- بلايز "كم طويل - كم حيران - كم قصير - بدن اكمام" : عدد 20 على حسب
- بناطيل " طويل وبرمودة وقصير - رسمي - جينز " : عدد 10 بس لاتكثري من القصير خليها بينك وبين زوجك ..
- تنانير " طويل - قصير " : عدد 6 .. شكلي بين العادي للشيك ...
- فساتين للعزايم العادية : عدد 4
- فساتين للسهرات : عدد 2 قصير و 2 طويل .. على حسب كثر العزايم عندكم
- بناطيل مشد وشوراتات : عدد 4.. الالوان اللي تلبسيها فقط
- ملابس سبور للمنزل : 3 حسب اذا تلبسينها ولا لا
- أطقم ملابس داخلية " عادي يومي - دانتيل - حريري - ملون " : عدد 20
- حقائب " صغير للعزايم - كبيرة للخروج " : عدد 10 شكلي مابين الشيك والعادي
- احذية : كعب للخروج 2 - للسهرة 2 - فلات 6 - ابوات رياضية 5 - صندل 5 - للبيت 2
- محفظة نسائية : عدد 1 او 2
- طرح ملونة وشالات : عدد 6
- احزمة : عدد 4 .. عادي و شيك

دا اول عامود راجعة لك بالعامود الثاني

انتظررررررررررررك حبيبتي الله يسسسسسسسسسعدك

العامود الثاني :
- نظارة شمسية : عدد 1
- اكسسوارات : للسهرة طقمين 1 ذهبي 1 فضي - للعزايم شكلي مابين القلايد والخواتم والحلقان والساعات العدد على حسب لبسك لهم وملابسك
- اكسسوارات شعر : للسهرة وللعزايم وللمنزل - على حسب استخدامك لهم
- شراريب : شفاف - ابيض - اسود - ملون " طويل - قصير - عادي او مطرز " عدد 10 اقل شيء

العامود الثالث :
- استشوار شعر 1
- جهاز فير للشعر 1
- كباسة تطعيج شعر 1
- جهاز بروان للعروسة لإزالة الشعر 1
- لفافات شعر + مكر " اسفنج - مكر اسود " درزنين ..
- علبة بنسة الاصلي او توكات شعر
- رغوة شعر + مثبت سبراي - جل
- مشط عادي - فرشة عادي - فرشة استشوار
- خمرية شعر : عدد 2
- كريم ترطيب للوجة + كريم ترطيب للجسم
- مناديل جنسون مزيل مكياج - او سائل مزيل مكياج مع قطن خاص
- حلاوة شهرازاد او شرائح الشمع فييت
- معقم يدين + مناديل ديتول معقم
- غسول حميم كير فري + مناديل حميم كير فري
- شامبو + بلسم + زيت حمام شعر
- صابون سائل استحمام + زيت حمام جونسون للجسم
- مزيل عرق
- فوط يومية كير فري + فوط صحية
- مزيل مناكير استون
- فازلين + فكـس
- طقم ليفة الاستحمام من بودي شوب
- فرشة اسنان + معجون اسنان
- غسول فم + خيوط اورال بي
- اعواد اسنان - اعواد قطن للاذن
- معطر جو للحمام + بخاخ
- امواس حلاقة نسائية
- مجموعة العناية بالاظافر " قصاصة - ملقاط - مقص .. الخ
- حقيبة ادوات خياطة


يتبع ..

العامود الرابع :

- مسك العروس الابيض من عبدالصمد القرشي
- عطور فرنسية مختلفة : عدد 5
- عطور مركزة ك عدد 2 من زهور الريف
- عودة للجسم : عدد 2
- بودرة اساس مضغوط افتح بدرجة من الكريم
- كريم اساس سائل " فاونديشن "
- خافي عيوب " كونسيلر " اصباع او سائل او مضغوط
- بودرة اساس للجسم + ملمع او اضاءة
- مسكارا " اسود + نيلي " انصحك احسن ماركة ماكس فاكتور
- ريميل " آي لاينر " اسود : افضل شيء من بودي شوب ابو فرشة صلبة
- علبة بلاشر ملون " وردي - خوخي - برونزي " اما منفصلة واما علبه كاملة
- آي شدو كذا نوع خذي لك علبه تضم المطفي و المخملي مرة وحدة وخذي علب صغيرة الالوان اللي تستخدميها وبس
- اضاءة للعين " لؤلؤي - ذهبي "
- طقم فرش للمكياج + مراية صغيرة + براية
- روج اصباع عدد 5 " لحمي - احمر - فوشي - خوخي - بنفسجي " او الالوان اللي تحبيها
- قلوس متماشية مع الالوان المختارة
- اقلام تحديد للعين " اسود- بني - ابيض - فيروزي اخضر - بحري .."
- افلام تحديد شفايف" الوان متماشية مع الارواج " + قلم مثبت شفايف
- مكواة عاكفة للرموش

العامود الخامس :
- مجموعة استحمام : عدد 4 " بودي شوب + نكتار + زهور الريف "
- صابون استحمام الغار + صابون مغربي
- طقم روب للحمام : عدد 2
- مناشف كبيرة 4
- مناشف صغيرة 6
- علبة first aid
- فواحات معطرة للجو مع عطورها : عدد 3
- مبخرة صغيرة + بخور دهن المسك

العامود الاخيير :
- علاقات ملابس مختلفة " قطنية - خشبية " عدد 3 درزن
- صندوق خاص للسجادة الخاصة
- صندوق لسجاجيد الصلاة تبع الضيوف
- صندوق اكسسوارات
- صندوق مكياج
- حقيبة مكياج يدوية صغيرة
- طقم حقائب سفر 4
- سبتات و سلات لاغراض الحمام عدد 3
- صناديق للحقائب و الاحذية عدد 3
- اكياس اورجنزا للقمصان والملابس الداخلية ومختلفة الاحجام
- اكياس فواحات للملابس من نكتار عدد 6
- ورود للتزيين + لفة شيفون تُل ..

يتبع ..

حبوبة طبعاً انا حاولت اجمع لك كل الاشياء الضرورية واحذف لك اللي ممكن تشتريها بعدين وما تحتاجينها الحين ..
اما اسواق جدة عندك في كل مول تلاقي المحلات التالية :

- مكياجي
- بودي شوب
- نكتار
- زهور الريف

ومحلات كثير للملابس و فساتين السهرة ..
لكن في اسواق مثل الخاسكية و الهنداوية تلاقي الاغراض بأسعار معقوولة .. خصوصاً اغراض التغليف ..

ان شاء الله بكرة لما ادخل اشرح لك طريقة التغليف ..
اهم شيء الحين نظمي وقتك و شطبي كل ما تشتري عشان لا تكرري .. و لو لقيتي شيء عجبك لا تترددي خذيه ع طوول

وموفقة حبوبة .. ان شاء الله تخلصي بالوقت و ترتاحي
اي مساعدة لا تستحي ..

اختك : سوس

ماقصرت سوس

واان عم انتظر الباقي وانا كمان استفدت كتير الله يجزيكي الخير

يعطيك العافية سوسو
وجزاك الله خيرا

ساعدتى البنات

شكرا لك

هند حلوة الحلوات;15076512:
ماقصرت سوس

واان عم انتظر الباقي وانا كمان استفدت كتير الله يجزيكي الخير

ماسويت شيء اقل حاجة ممكن اعملها عشان نفيد بعض .. آمين وياكم يارب
الله يوفقنا جميعاً ويتمم لنا على خير ..

فرفووحه;15078741:

السلام عليكم

أختي سووسF: ..
وربي مدري كيف اشكرركـ من اعمآأإقي:o ..
ورربي ريحتيني يالغلآآأإ
ووفرتي علي الوقت والجهد:clock:
ربي لآ يحرمني منك:adore:

ربي يسسسسسسسعدك

وعليكم السلام والرحمه والبركه ..
حبوبة ما ابغى منك الا دعوة حلوة ان ربي يتمم لي ع خير ويرزقني الذرية الصالحة
الله يسعدك انتي بعد ويسهل عليك ويويع لك ويبارك لك في وقتك ..
واي سؤال اقدر اجاوبه انا حاضرة

سيدة الاحساس;15078797:
يعطيك العافية سوسو
وجزاك الله خيرا

ساعدتى البنات

شكرا لك

الله يعافيكِ حبوبة ويجزي الجميع كل الخير ..
اقل شيء اسويه ..
دعواتك يالغلا ..

والله انا عبالي خلصت كل شي بس سوس فتحتي عيني وذكرتيني باشياء ناسيتها
ربي يتمم لج عالخير ويرزقج الذرية الصالحه

توريان;15079569:
والله انا عبالي خلصت كل شي بس سوس فتحتي عيني وذكرتيني باشياء ناسيتها
ربي يتمم لج عالخير ويرزقج الذرية الصالحه

ههههه زكرتيني ببنت عمي الله يزكرك بالشهادة
انا وهي بنتزوج فرق اسبوعين بيننا و قعدنا ندبش بنفس الوقت
هي خلتها كذا بدون تنظيم وانا نظمت ..
صارت كل مرة تكلمني تقول نسيت دا وراح عن بالي دا
فجد مرررة الجدول يريح و يخليكي ماتنسي شيء
آمييين يارب وياكِ وتسلمي ع الدعوة الحلوة يالغلا ..

وينك سسوس وين الباقي

ربي يوفقك اختي سوس
ويجزاك خير ..