ابي اعرف كيف اقسم المــهر صح..

مرحبا , شوفي تقسيمك على حسب وضعك ولا تسوين مثلي وتخلصين مهرك قبل زواجك

انا خلص مهري الحين وباخذ عليه زياده من اهلي بس افضل شي تجيبين معك ظروف صغيره وقلم

وتقسمينه صح وكل ظرف داخله ورقه مكتوب فيها وش بتشترين فيه

مثلا 15 الف تحطنها بظرف وتكتبين عليه للذهب وتجيبين ورقه تكتبين وش بتشترين مثلا خاتمين وحلقين وساعه زي كذا بترتاحين مره

انتي الحين خلصي اول شي فستان الزواج واغراضه وارتاحي منه لانه اكبر هم بعدها الفساتين الثانيه وعلى حسب عزايمكم وكذا ولا تكثرين وتتوهقين فيه

لم تخلصين من الفساتين ابدي بالملابس الفخمه ومثل ماقلت لا تكثرين لانك ماتضمنين نفسك بعد الزواج

راح يتغير جسمك ويمكن تحملين يعني لا تكثرين بعدها ابدي في ملابس البيت والطلعات العاديه هذي مره سهله وبتنبسطين فيها

بعدها ابدي بقمصان النوم وبعدها الشنط والجزم وبعدها العطور والمكياج والذهب خليه بالنهايه لانك يمكن تجيك هدايا ولا تشترين شي فخم لانك مراح تستفيدي منه

والله يوفقك ويوفقنا جميع

هلا حبوبة ان شاء الله بحاول اساعدك مع اني معرف كم تكلف الاغراض بالامارات لكن بحاول .. ممم 100 الف درهم
اوك .. جيبي 5 ظروف صغيرة + آلة حاسبة + ورقة A4
الحين قسمي المهر كالآتي :
1- ظرف 50 ألف في ظرف خليه خاص لك يعني حطيه في حسابك للظروف ..
2- ظرف 20 ألف للذهب بس الحين الذهب غاالي فـ خليه آخر شيء ولا تشترين كثير
3- ظرف 10 ألاف لنفنوف الزواج + التسريحة و المكياج + اكسسورات الزواج + الصبغة + الحذاء + المصورة
4- ظرف 10 آلاف للملابس والاحذية والشنط والاكسسوارات
5- ظرف 10 آلاف للمكياج والكريمات والعطور والاجهزة ..

واذا حابة افصلك كل شيء انا بالخدمة .. موفقة يالغلا

حتى انا في حيرة من هالموضوع وان شالله راح اعمل جدول نفس ما قلتو ,,,, ربنا يتمم عالخير ان شالله

تسلمـــوون على مساعدتكم بس ما في وحده من الامارات وتعرف كيف تقسم..وتعرف اسعاار الذهب..

اول شي لازم تشترينه الذهب مو شرط تشترين ع الاقل روحي سوق الذهب وشوفي كيف الاسعار وشوفي الاطقم علشان تخلين مبلغ معين في بالك وتشيلينه على جنب للذهب ..

بعدين روحي للفستاين لازم تمرين ع المحلات وتشوفين انتي بتأجرين او بتفصيلين
لازم تروحين تشوفين علشان لو ما حصلتي شي عجبك للاجار تعرفين كم اسعار التفصيل وتشيلين المبلغ ..

وهذا اهم شيء

بعدها نجي لباقي الاغراض
طبعاً للأهل الاحسن تسألين اهليج كم اعطيكم لانه اهم اكيد يعرفون كم بيحتاجون فانتي لازم تسالينهم وتعرفين منهم احسن

وباقي المبلغ قسمية على
ملابس لج للبيت وللطلعه وجلابيات استقبال حق بداية الايام لما يجون لكم ضيووف

المكياج العطور صنادل شنط عبايات اذا كنتي تلبسين عباية
اكسسوارات يعني ساعات خواتم وهالشغلات ..

صدقيني لما تخلصين من سالفة الذهب والفستان راح تعرفين تتصرفين بباقي المبلغ لانه ذلين اهم شي

ولا تنسين تشيلين مبلغ للصالون مكياج وشعر وحلاوة وهالشغلات ...

والله يوفقج يااااااارب

تسلمــين الغااليه بعد استفدت من اقترااحتج حلوه واايـد..
يعطيــج الف عاافيـــه..