يلا كل طفل لزم يلعب بمزاج ( لعب اطفال مصر )

ممكن اعرف ايه الالعاب اللى مناسبة لسن سنة لو سمحتم وربنا يسعدكم جميعا؟

sally2007;15415045:
ممكن اعرف ايه الالعاب اللى مناسبة لسن سنة لو سمحتم وربنا يسعدكم جميعا؟

تقريبا يا سالي نفس الرد بتاعي اللي فات

انا عن تجربه يعني معاذ ابني مابأدش يهتم باللعب ويفهمها غير بعد سنة ونص كده
قبل كده بقى كان كل اهتمامه اي حاجه في ايدي زي ادوات المطبخ اي حاجه انا بستخدمها هو يحب يلعب بيها

وركزي اوي ع المكعبات

دودو هانم;15412164:
مساء الخير على كل الماميهات انا كنت عايزه اعرف ايه الالعاب المناسبه ل 8 شهور

sally2007;15415045:
ممكن اعرف ايه الالعاب اللى مناسبة لسن سنة لو سمحتم وربنا يسعدكم جميعا؟

تقريبا الاتنين نفس الالعاب زى الالعاب اللى بتطلع اصوات زى البيانو و الاكسليفون
برضه الالعاب اللى بتتجر و بتمشى
و طبعا المكعبات زى ما ايمى قالت ركبيها و خليه يفكها
الكور برضه بيحبوها اوى
التليفون العادى و الموبايل

ربنا يسعدكم على ردكم يارب انا فعلا جبت ليه مكعبات بس هو لما بنزلهم من العلبه بيحب يفركشهم ويرميهم بعيد عنى وعنه المهم متكنش قدامنا ههههههههههه وربنا يكرمك على ردكم يارب

فكرة حلوة يا قمر هبقى اصور اللعب بتاعت موري وانزلها ان شاء الله

✫ ✫ ✫.
`⋎´✫¸.•°*”˜˜”*°•✫
..✫¸.•°*”˜˜”*°•.✫
☻/ღ˚ •。* ♥♥ ˚ ˚✰˚ ˛★* 。 ღ˛° 。* °♥ ˚ • ★ *˚ .ღ 。
/▌*˛˚ ░ٌٌٌر░مـ░ضـ░ا░ن░ كـ░ر░يـ░م░ ˚ ✰* ★
/ \ ˚. ★ *˛ ˚♥♥* ✰。˚ ˚ღ。* ˛˚ ♥♥ 。✰˚* ˚ ★ღ ˚ 。✰ •* ˚ ♥♥" ✰
رمضان كريم وكل سنة و كلنا طيبين

ازيكم يا بنات عاملين ايه
كل سنه وانتو طيبين
بنتي عندها 5،7 شهور ونص يا تري فيه لعب مناسبه ليها
ولا انا كدا مستعجله عليها ؟

pحلوة اوى المرجيحة دى ممكن تقوليلى انتى جايباها منين وبكام علشان عاوزة اشترى واحدة لاسر

صوت العيون ʚϊɞ ṨỠЙḍỠṧ ʚϊɞ;15124664:
الاب توب فعلا ما شاء الله مفيد جدا
وشفت منه اسعار بتبدأ من 25 لحد 100 تقريبا

هو فين الاب تويز دة الاقية فين بلييييييييييييز

LaMar's MuM;15133128:
الموضوع حلو اووووووووووووووي يا انوسة
دايما متألقة بمواضيعك

انا هصور كل لعب لومي وهنزلهم

وهقول خبرتي بردو ممكن تفيدكم
العربية زي اللي الصورة اللي حطيتيها يا انوسة حلوة فعلا بس لسن سنة وكام شهر يعني نقدر نقول سنة ونص بتلهيهم شوية جبتها من التوحيد والنور ب 65
وكمان المكعبات كويسة
واللعبة الحلقات اللي ماشيمارو حطت صورتها دي مفيدة اوي كنت جيباها من التوحيد والنور ب7
اما الاكسيلفون مزعج والعصيان بتاعته لومي هانم كسرت واحد وضيعت التاني
والحلو بردو البيانو لما يضغطوا ع الزراير تعمل ميوزك بيفرحوا بيهم
والكور الصغيرة البلاستيك كويسة اننا نعلمهم انهم يشوطوا الكورة ونصقفلهم
وجبت البازل الخشب قريب هو حلو بس هي طبعا لسه مش فاهماه بس عجبها الاشكال بتاعته
وجبتلها البولينج البلاستيك ده بردو حلو
انا هصورهم كلهم وهنزلهم لاني مش فاكرة ايه تاني
اه وفعلا يا اانوسة اللعبة اللي بنشد الحبل وتجري ع الارض حلوة اوي لومي بتحبها بس كسرتها هبأه اجبلها واحدة تانيه
حاليا كنت بفكر اجبلها بيت الكور
بس اكتشفت اني هجيبه ع الفاضي لان لومي بتزهق بسرعة
ممكن اجيبولها لما تكبر شوية

هو اناهلاقى الحاجات دى فى اى فرع للتوحيد والنور ولا فى فروع متميزة عن الباقيين؟؟؟؟

katkooota_7aboooba ام حــور;15138105:
ام لمار الصور مش ظاهرة



انا جبت لحور اللعربيه من مدينه الاحلام
بصراحه عندهم حاجات خرافه وقيمة اوى يعنى تستاهل السعر بجد

مش هعرف اصور العربيه عشان الكاميرا بتاعتى وحشه وبتكسف منها:o:o

فين مدينة الاحلام دة ؟؟؟؟؟؟؟؟ وكانت بكام؟؟؟

LaMar's MuM;15142144:
ودي اللعب كنت منزلاهم قبل كده

دي العربية التقليدية بس حلوة بجد لومي مبسوطة بيها اووي ب 57 تقريبا من التوحيد والنور



ودي مكعبات






ودي مكعبات بازل وكبيرة ب 25 من التوحيد



ودي عروسة ب 40

ماشاء الله ربنا يبارك بس ممكن اعرف من اى فرع للتوحيد والنور ولا كلهم زى بعض؟؟؟؟؟

وممكن اعرف اللحاف اللى انتى مصورة علية اخر عروسة منين؟؟؟؟؟؟؟؟؟

*Om Mo3az & Eyad*;15407474:
تسلمي يا حبيبتي
الميكانو كان عندي وانا صغيره برضو وكان كبير جدا
انا دورت عليه ع الفيس بس حاساه غريب شوية ولسه مش استقريت على نوع معين فيهم

واللاب توب جوزي جابه انهرده هبقى اصوره وانزله لكو وجاب له كام لعبه كده
هنزلهم بكرة ان شاء الله عشان صعب اصور دلوقتي من الولاد


اه وانا من المنصورة ع فكره
لو حد من المنصورة بيدخل هنا ممكن اقول على المحلات اللي بجيب منها دايما

ماشاء الله ربنا يبارك فية ممكن تقوليلى انتى بتجيبى منين انا من المنصورة ومش عارفة اماكن المحلات دى؟؟؟؟

*Om Mo3az & Eyad*;15414898:
بصي يا قمر
ممكن العربيات اللي بيمشيها بايده دي او اللي ليها حبل يشده وهي تمشي هو طبعا ف الاول مش هيعرف انتي تعمليها انتي الاول وهو هيتعلم منك
والحاجات اللي بحبل دي كتيره في منها بطه او عربيه او اي شكل
ونوعي بقى هاتي له عربيه او موتوسيكل يمشيهم بايده كده ع الارض واعملي له كوبري بالسجاده هههههههههههههههههه
معاذ ابني إدمان الحركه دي لحد الان
ارفع السجاده حته كده عشان العربيه هو يمشي العربيه من فوقها كده زي الكوبري بالظبط

وممكن مكعبات بس هاتي حجمها كبير اوي وبرضو انتي اللي هتركبيهاله ف الاول لحد ما يتعلمها هو ممكن يفكها بس وانتي اللي تركبيها له

ممممممممم ايه تاني
نسيت بصراحه السن ده
بس كلها حاجات ع خفيف كده

منين الحاجات اللى بحبل دى يا قمر؟؟

هو مفيش حد بيرد عليا ليه ارجوكوا ساعدوني يا ماميهات

رورو انا مش من المنصوره يارب حد يفيدك

roro9425;15519193:
ماشاء الله ربنا يبارك بس ممكن اعرف من اى فرع للتوحيد والنور ولا كلهم زى بعض؟؟؟؟؟

وممكن اعرف اللحاف اللى انتى مصورة علية اخر عروسة منين؟؟؟؟؟؟؟؟؟

فرع التوحيد والنور الحي التامن مدينة نصر احسن فرع

وبالنسبة للحاف :) من la nuit في سيتي سنتر اليكس بس ده من زمان من اربع سنين

السلام عليييييييييييكم

انا بقى كنت صورت شوية لعب لميزو اول ما جات اللاب توب والبازل والحاجات اللي قلت لكو عليها والكاميرا اتفرمتت :( عاااااااااااا وكل الصور راحت
واللعب اصلا باظت واتكسرت هههههههههههههههههههههه

بس هحاول الحق اصور لكو الكام لعبه بتوع العيد مع ان فيه حاجات اتكسرت برضو
بس هي العاب عاديه مش ذكاء يعني

roro9425;15519246:
ماشاء الله ربنا يبارك فية ممكن تقوليلى انتى بتجيبى منين انا من المنصورة ومش عارفة اماكن المحلات دى؟؟؟؟

roro9425;15519256:
منين الحاجات اللى بحبل دى يا قمر؟؟

roro9425;15524209:
هو مفيش حد بيرد عليا ليه ارجوكوا ساعدوني يا ماميهات

رورو يا قمر معلش العيد بقى وكده وانا كنت مسافره مش بدخل


بصي العاب الذكاء دي عندك محل تطوير تون في ش جيهان قدام باب دار الضيافه اللي في الجامعه
وفيه كمان محل معروف اوي بس ناسيه اسمه خااااااااااااااالص هو ليه فروع ف القاهره بس مش قادره افتكر اسمه
المهم يعني هو في ساميه الجمل في اوله كده من احمد ماهر
محلات الالعاب العاديه بقى كتير في عندك مكتبه القدس اللي في السكه الجديده ومكتبات كتيره مش متذكراهم كلهم دلوقتي :)