السلام عليكم ورحمه الله وبركاته
مُذهِلَه;15079305:
الله يتمم على الجميع بخير ياارب
انا زواجي ب 2|10 ثاني يوم العيد بس بصراحه ماجهزت له ولا شي مدري من وين ابدا وكيف لانه ماقد سبق تزوج احد بعيلتنا انا اول وحده من البنات ومحتاره مدري وش اسوي !!
ممكن تعلموني او تعطوني فكره عن التجهيز ومن وين ابدا وكيف الله لايحرمكم الاجر :)
آمين يارب وياكِ حبوبة ..
هلا كيفك مذهلة .. اولاً مبرووك عليكِ وربي يتمم لك ع خير يارب
ثانياً : ولا يهمك نحن خواتك وان شاء الله بنساعدك ونفيدك
الحين انتي عندك ..
الوقت : 4 شهور وهي مدة كافية جداً .. بس الله يعينك ع الاسعار اللي بتطلع على شعبان ورمضان فـ ابدأي من الحين حبوبة ..
هنا بنسخ لك ردودي من موضوع ثاني مع بعض التعديلات حفاظاً للوقت ..
والتقسيم عملته مع الميزانية لوحدة من العضوات .. يمكن يفيدك انتي بعد .. و الى الرد :
~~~
يا ستي اول شيء لازم تنظمي وتعملي اللستة اللي ح اقولك هيا ..
الجدول والتنظيم اللي عملته مررررة ريحني و وفر علي وقت ومجهود ..
وانتي الحين تحتاجي حاجة مختصرة عشان تستفيدي من الوقت ..
كل اللي عملته جبت ورقة A4 و سطرتهم وعملت جدول من 5 عواميد و صفين .. وجه وقفى
وتفصيله كالآتي :
1- اول عامود .. الاغراض الاساسية المراد شراؤها - العدد- الميزانية
2- ثاني عامود .. الاغراض الثانوية المراد شراؤها -العدد-الميزانية
3- ثالث عامود .. المكياج والعطور والكريمات - العدد - الميزانية
4- رابع عامود .. الاجهزة والادوات - العدد - الميزانية
5- خامس عامود.. المناشف و المفارش - العدد - الميزانية
ع الوجة الثاني من الورقة كتبت :
1- كل الاغراض اللي احتاجها لتغليف الدبش من صناديق لسلات لقماش تُل ..الخ
2- الاماكن والاسواق والمحلات اللي خاطري ازورها و اخذ منها اغراض مخصصة ..
3- التقسييم الكلي للمهر .. و كم ينصرف منه كل مرة اشتري وكم يبقى ..
الحين لازم تبدأي بالاشياء الضرووورية مررة وتخلصيها و تكملي مع الاقل ضرورة وكذا ..
اول شيء خصصي ميزانية فستان العرس واكسسواراته مع الجزمة ( وانتي بكرامة )
والباقة والمصورة والكوفيرة والصبغة .. وخلي ميزانيتهم ع جنب ..
جيبي ظروف صغيرة وقسمي المهر لكل عامود حطي ميزانيته ..
و شيلي معاكي دايما في السوق آلة حاسبة صغيرة و الورقة اللي عملتيها و قلم
او قلم هايلايت فلومستر عشان تشطبي اللي اشتريتيه .. ودفتر صغير اذا حبيتي تدوني شيء ..
اول شيء اعملي الجدول اللي وصفته لك والحين الاشياء الضرورية كالآتي :
- اول ظرف : تكلفة الفستان + اكسسوارات الفستان + الباقة + الحذاء + الصبغة + الكوافيرة + المصورة ..
طبعاً التكلفة على حسب اختيارك للاشياء ممكن تكلفك من
5 آلاف لـ فوق
واذا مرة اقلها
3 آلف ونص بس كدا الفستان والباقة بيكونوا ايجار والكوفيرة مو برنامج عروس ..
وياليت ذا كله يكون هدية من اهلك او عريسك عشان يخففوا عنك ويفروا لك الميزانية ..
المهم نكمل ..
تحت أول عامود :
الاغراض الاساسية المراد شراؤها - العدد- الميزانية
- طقم الصلاة الخاص " شرشف - سجادة - قرآن " عدد1 ..
ت: 100 ريال
- عبايات :2 او4 ( عادي يومي - للطلعات - للزواجات- للسفر )
ت: 350 ريال
- بجايم قطنية منوعة " برمودة - طويل - قصير " - على حسب ماتلبسي انتي . ت:
700 ريال
- جلابيات خروج : عدد 4 او اكثر حسب ما يكفيك ..
1000 ريال
- قمصان نوم " حريري - قطني - طويل قصير " عدد 20 اقل شيء + قميص اول يوم سكري وطويل
3000 ريال
- بلايز "كم طويل - كم حيران - كم قصير - بدن اكمام" : عدد 20 على حسب
1000
- بناطيل " طويل وبرمودة وقصير - رسمي - جينز " : عدد 10 بس لاتكثري من القصير خليها بينك وبين زوجك ..
800 ريال
- تنانير " طويل - قصير " : عدد 6 .. شكلي بين العادي للشيك ...
500 ريال
- فساتين للعزايم العادية : عدد 4
300 ريال
- فساتين للسهرات : عدد 2 قصير و 2 طويل .. على حسب كثر العزايم عندكم
2000 ريال
- بناطيل مشد وشوراتات : عدد 4.. الالوان اللي تلبسيها فقط
50 ريال
- ملابس سبور للمنزل : 3 حسب اذا تلبسينها ولا لا
100 ريال
- أطقم ملابس داخلية " عادي يومي - دانتيل - حريري - ملون " : عدد 20 اقل شيء
1500 ريال
- حقائب " صغير للعزايم - كبيرة للخروج " : عدد 10 شكلي مابين الشيك والعادي
700 ريال
- احذية : كعب للخروج 2 - للسهرة 2 - فلات 6 - ابوات رياضية 5 - صندل 5 - للبيت 2
700 ريال
العامود الثاني :
الاغراض الثانوية المراد شراؤها -العدد-الميزانية
- نظارة شمسية : عدد 1
250 ريال
- اكسسوارات : للسهرة طقمين 1 ذهبي 1 فضي - للعزايم شكلي مابين القلايد والخواتم والحلقان
والساعات العدد على حسب لبسك لهم وملابسك
600 ريال
- اكسسوارات شعر : للسهرة وللعزايم وللمنزل - على حسب استخدامك لهم
150 ريال
- شراريب : شفاف - ابيض - اسود - ملون " طويل - قصير - عادي او مطرز " عدد 10 اقل شيء
80 ريال
[COLOR=#9932cc]- محفظة نسائية : عدد 1 او 2
50 ريال[/COLOR]
[COLOR=#9932cc]- طرح ملونة وشالات : عدد 6
200 ريال
- احزمة : عدد 4 .. عادي و شيك
150 ريال
العامود الثالث :[/COLOR]
[COLOR=mediumturquoise]الاجهزة والادوات و اغراض الحمام - العدد - الميزانية [/COLOR]
- استشوار شعر 1
ت: 250 ريال
- جهاز فير للشعر 1
ت: 250 ريال
- كباسة تطعيج شعر 1
ت: 200 ريال
- جهاز بروان للعروسة لإزالة الشعر 1
ت: 500 ريال
- لفافات شعر + مكر " اسفنج - مكر اسود " درزنين ..
50 ريال
- علبة بنسة الاصلي او توكات شعر
10 ريال
- رغوة شعر + مثبت سبراي - جل
30 ريال
- مشط عادي - فرشة عادي - فرشة استشوار
50 ريال
- خمرية شعر : عدد1
40 ريال
اغراض الصيدلية التالية خلي لهم ميزانية
400 ريال :
- كريم ترطيب للوجة + كريم ترطيب للجسم
- مناديل جنسون مزيل مكياج - او سائل مزيل مكياج مع قطن خاص
- حلاوة شهرازاد او شرائح الشمع فييت
- معقم يدين + مناديل ديتول معقم
- غسول حميم كير فري + مناديل حميم كير فري
- شامبو + بلسم + زيت حمام شعر
- صابون سائل استحمام + زيت حمام جونسون للجسم
- مزيل عرق
- فوط يومية كير فري + فوط صحية
- مزيل مناكير استون
- فازلين + فكـس
- طقم ليفة الاستحمام من بودي شوب
- فرشة اسنان + معجون اسنان
- غسول فم + خيوط اورال بي
- اعواد اسنان - اعواد قطن للاذن
- معطر جو للحمام + بخاخ
- امواس حلاقة نسائية
- مجموعة العناية بالاظافر " قصاصة - ملقاط - مقص .. الخ
- حقيبة ادوات خياطة
العامود الرابع :
المكياج لاحقاً ممكن تكفيك لهم
[COLOR=mediumturquoise]5000 آلاف ريال :
- مسك العروس الابيض من عبدالصمد القرشي
- عطور فرنسية مختلفة : عدد 5
- عطور مركزة ك عدد 2 من زهور الريف
- عودة للجسم : عدد 2
- بودرة اساس مضغوط افتح بدرجة من الكريم
- كريم اساس سائل " فاونديشن "
- خافي عيوب " كونسيلر " اصباع او سائل او مضغوط
- بودرة اساس للجسم + ملمع او اضاءة
- مسكارا " اسود + نيلي " انصحك احسن ماركة ماكس فاكتور
- ريميل " آي لاينر " اسود : افضل شيء من بودي شوب ابو فرشة صلبة
- علبة بلاشر ملون " وردي - خوخي - برونزي " اما منفصلة واما علبه كاملة
- آي شدو كذا نوع خذي لك علبه تضم المطفي و المخملي مرة وحدة وخذي علب صغيرة الالوان اللي تستخدميها وبس
- اضاءة للعين " لؤلؤي - ذهبي "
- طقم فرش للمكياج + مراية صغيرة + براية
- روج اصباع عدد 5 " لحمي - احمر - فوشي - خوخي - بنفسجي " او الالوان اللي تحبيها
- قلوس متماشية مع الالوان المختارة
- اقلام تحديد للعين " اسود- بني - ابيض - فيروزي اخضر - بحري .."
- افلام تحديد شفايف" الوان متماشية مع الارواج " + قلم مثبت شفايف
- مكواة عاكفة للرموش
- مناكير .. على حسب ماتحبي انتي
العامود الخامس :[/COLOR]
ممكن يكلفك 3 آلاف :
- طقم مفارش سرير عدد 2
- مجموعة استحمام : عدد 4 " من بودي شوب + نكتار + زهور الريف "
- صابون استحمام الغار + صابون مغربي
- طقم روب للحمام : عدد 2
- مناشف كبيرة 4
- مناشف صغيرة 6
- علبة first aid
- فواحات معطرة للجو مع عطورها : عدد 3
- مبخرة صغيرة + بخور دهن المسك
العامود الاخيير :
يكلفك تقريباً
2000 الفين ريال :
- علاقات ملابس مختلفة " قطنية - خشبية " عدد 3 درزن
- صندوق خاص للسجادة الخاصة
- صندوق لسجاجيد الصلاة تبع الضيوف
- صندوق اكسسوارات
- صندوق مكياج
- حقيبة مكياج يدوية صغيرة
- طقم حقائب سفر 4
- سبتات و سلات لاغراض الحمام عدد 3
- صناديق للحقائب و الاحذية عدد 3
- اكياس اورجنزا للقمصان والملابس الداخلية ومختلفة الاحجام
- اكياس فواحات للملابس من نكتار عدد 6
- ورود للتزيين + لفة شيفون تُل ..
طبعاً لو حسبتي الميزانية كلها ح تجيكِ 25 الف تقريباً بس بدون حساب اغراض ليلة الزواج ..
وممكن الميزانية تزيد او تنقص على حسب عدد الاغراض و ماركاتها ..
وحلو لو تجيكي هدايا من بنات عمامك او عماتك من القائمة يعني بدل لا كل وحدة تجيب لك هدية من عندها
وممكن ما تستخدميها انتي وريهم القائمة وخليهم يختاروا منها هدية تحتاجينها وح توفر عليك ميزانية ..
انا عملت كدا وارتحت
انا طبعاً كتبتهم ارتجالياً وما رتبتهم عدل .. السموحة ..
واي مساعدة تحتاجينها او سؤال لا تترددي ..
موفقة حبوبة و الله يسهل لك ..
اختك ..
سوس F:
