خيـآنه ..!

صباح الخير حبيباتي شخباركم

في البداية وايد ترددت اكتب لكم مشكلة صديقتي ..

لان صديقتي بحال وايد مأساوي وكل مااشوفها بهالحال وايد قاعده اتعب

خل اقول لكم قصتها من البدايه :

صديقتي تزوجت عن طريق حب .. و بعدها تزوجوا كان زوجها وايد يحبها
صارحها ان كان عنده سوابق وفايل اسود وقال لها ان هذا الشي كله انتهى

المهم .. مرت اول سنتين من حياتهم حلوه .. وبعدها شافت ريلها شوي شوي يتغير عليها

واهيه تحبه تموت عليه من يروح مكان تتصل له وينك حبيبي ومتى بترجع وغيره من هالكلام

في هالوقت كان الريال مايطلع مرته مايطلع وياها يرجع من الشغل ( شغله اخر ليل ) وينام ويقعد ويطلع ومع ربعه وهاي حياته ..

حاليا اهيه عنده منه بنت ولد توم صغار توهم .. الريال حاله تغير وايد مايشتهي يشوف ويهها من تكلمه يصارخ عليها ويزفها .. راحت تشوف وش عليه طلع ان مسووين له عمل ( سحر ) والعياذ بالله

راحت وفكت السحر .. كان مسحور من ثلاث بنات ثنتين كان يعرفهم قبل ووحده اجنبيه
وحده من اللي مسوينله السحر كانت تكلمه قبل لا يتزوج .. والحين رجعت له وقاعده تغويه
وقاعده تطلع معاه وتروح وتجي معاه واهو صار متيم فيها ويكلمها وهامل زوجته ووعياله

وصار يمشي بالطريق الغلط .. صارت حياته خيانه و مرته وايد متعذبه .. لايتصل لها لا يسال عنها ولا عن عياله .. اكثر من مره يكلمونه اهله والحمدالله ان اهله وايد يحبونها ..

بس بعد مافيه فايده .. تروح تقول له تبي تنفصل يقول يبي عياله .. ووقت اللي يشوفها واثقه من كلامها يقول لها انه يحبها ومن هذا الكلام ..طيب دامك تحبها ليش تسوي جذي ؟


البنت حلوه ومهذبه والف واحد يتمناها وكله مهتمه في نفسها وتتعدل ماله حق يروح يشوف اي وحده غيرها .. واللي ذابحها وحارقها ان البنت اللي قاعد يخونها معاها ماتسوى ظفر ريلها


من راحت وفكت السحر للحين صار حول ثمان ايام .. للحين على حاله اهيه في بيت اهلها واهو في بيت اهله ..

والحين قاعده تفكر تنفصل عنه بس قاعده تتعذب لانها تحبه وماتدري شنو تسوي ..

مابتقدر تعيش معاه او توثق فيه واهو خلاها بهالحال .. قاعده تقول انه باعها وباع عياله لو كان يحبهم ويبيهم ماراح وحط روحه بطريج المعصيه ..

اشرايكم يابنات شنوو تسوي هالمسكينه والله حالها لايسر لا عدو ولا صديق

حسبي الله على من كان السبب خربوا حياة البنيه وايد متضايقه عشانها :'(