هلا بنات
انا الحين حامل في اخر الخامس ،،جيكت على البيبي وقالتلي الدكتوره انه ولد ،،هذا ان شاء الله البيبي الثاني
الله يجيبه بالسلامه ،،واشوفه جدام عيني ويرزق كل محرومه
بصراحه بعد تجربتي الاولى في التجهيزات،،تعلمت كثييير ،،في اشياء اشتريتها ومالها داعي،،وبعدين ماشاء الله جتني هدايا كثير كفتني وزادت ..
فقلت هالمره ما بشتري غير اغراض لاول شهر بس للبيبي والاساسيات،،في اغراض موجوده عندي تبع حمودي اخوه الكبير ..مثل حوض الاستحمام ،،سلة موسى ،،وفي لبسات ما ليستها حمودي غير مره وحده وللحين محتفظه فيها،،
طبعا سرت المذر كير في دبي مول،،وبيبي شوب..
الحين جا دور الصور
المشتريات بشكل عام..طبعا ما اشتريت كل شي،،باقي اغراض من الصيدليه مثل القطن والكريمات وادوات النظافه
وبعد بروح ماكس اشتري بدلات واشتري حق نفسي بجايم وستيانات للرظاعه
هذول للسرير،،لحاف ،،وغطا،،مع المخدات،،وقماط من مذركير
شنطه ومدس للمستشفي من بيبي شوب
قماطين زياده،،خبركم على طول لازم يتبدل بعد ما الياهل يرجع الحليب
مرظعه للجاهي،،ترمس ومصاصه اهم شي بعد من بيبي شوب
ما بنسى هذي مخده للراس عشان ما يتعفص راس البيبي
مدس ثاني ،،لاني عانيت المره الاولى ما خذيت غير مدس واحد،،واظطريت اشتري زياده
مخزن الحليب من دايسو ،،حسيتها كيووت،،لانها صغيره،،مصاصات من مذر كير،،مرظعه من كارفور،،يمدحونها لانها مثل صدر الام
اوفر هول،،فوانيل ،،وزليغات،،قبوسات،،قفازات،،
طقم فوانيل داخليه،،وطقم اوفرهولات من مذركير قياس 0-3
وان شاء الله مشتريات الدفعه اليايه بالطريج،،مع اغراضي انا والبيبي
^ـ^