بنات ساعدوني بليز تعبت

يشرفني اني اكون اول وحدة ترد عليج هذي المشكلة مثل مشكلة اختي العودة بس الفرق انة اختي عندها بنت صغنونة فاني آنة طبعا ما اعرف عن هل سوالف عدل بس من وجه نظري آنة خبري بس قبل لاتخبرين خلة بنات العرووس يفيدونج

مشكورات عرايس

لا ما ضربني بس هذه كلام

لكنل اذا ما خبرت اهلي راح يتمادوا ويتمادى اخوه كثير

انا ما اريد مشاكل بس اريد احسسهم اني مو مقطوعة من شجرة ومالي اهل

لما تروحين , خذي معاج طبق لا تروحين يدج فاضية يعني مثال اذا كانت جمعتهم الغدا او

العشا , او طبق سويت , انجي حق سبب المشاكل , سبب المشاكل أنج تاخذين وتعطين

معاهم واجد , طبع اهل الزوج ينعرف فديتج من البداية , اذا كان ينفع معاهم تكونين اجتماعية

او رسمية , اهل زوجج لا تدخلين معاهم في سين وجيم , سلمي قعدي , شلونكم شخباركم

وحشتونا وبس , لين يجي وقت العشا او الغدا , كمجامله , ممكن وانتوا ع الطاوله او السفره

توزعين الصحون , وتنجبين حق الي قاعدين ,اذا افتحوا قضية

تخصهم لاتعطينهم وجهة نظرج اسكتي عنهم , الا في حالة اطلبوا منج اقتراح اهني اقترحي

وبحكمه وبطريقة رسمية , احيانا ممكن تردين تقولين , ماشالله عليكم انتو ادرى اهل الزوج

يحبون المجاملات , ممكن تجاملين لبسهم ماشاالله ايش هالكشخه , اذا نادوج فلانه ,

واسألوج جاوبيهم على قد السؤال , واحيانا اشغلي نفسج مع عيالهم وجامليهم , ادعي لهم

بصوت مسموع ( الله يحفظهم ) , لأن ردة فعل حماج تدل على احتكاكج الكثير بأهل الزوج

وثاني مره وبعد ما تغيرين شخصيتج وتصيرين رسمية اذا حد من اهل زوجك تجرأ عليج اهني

يبي لهم تصرف ثاني , وفي الوقت الحالي ابيج تخبرين زوجك , ( شلون اخوك يتجرأ يتكلم

عني بها الطريقة , شلون اصلا رضيت يتكلم ويجيب طاري اسمي وين الغيره ) اتمنى يا

عزيزتي ما تكونون من النوع الي عادي تقعدون ويه بعض , لأن بيترتب عليه مشاكل انتي

في غنى عنها , هذي نقطه , النقطه الثانية لازم تسوين لج شخصية يعني مثال , اذا قبل

كنتوا تقعدون مع بعض الحين خلاص , ماتقعدين , اقصد مع غير المحارم .

مثل ماقالوا الاخوات والله المستعان

حبيبتي ودي اعرف زوجك وينه من هالكلام
يعني ليه يسكتلهم
خصوصا اخوه يوم قال بيضربك ....... خير ؟؟

المفروض زوجك يقوله ذي حرمتي وحشمتها من حشمتي ومعزتها من معزتي ...
وانت مالك دخل فيهاا ... وخلك من هروج الحريم

يقهر اخو زوجك ماالت ... شكله حرمته تعبيه ويجي ينفخ ريشه عليكم

البنات ماقصروا
وانتي لازم ماتسكتين على هالوضع

شوفي كل ماسكتي عن الموضوع
راح يتمادون حطي لهم حد كلمي واحد من اخوانك
لانهم راح يتفهمون الموضوع

انا مع اشواك الورد والارجوان

ماقصروا

والله يحفظك ويسعدك

مرحبا عرايس

ودي أخبركم انه زوجي وقفه عند حده والحين مره ثانية تكلم عني

وانا فالاساس علاقتي معاهم سطحية وطبعيي هاديه كثير

وزوجي مدلعني كثير إحتمال هذها غيره منهم؟؟

وأمس تناقشت مع زوجي وخبرته انه بخبر أهلي
قال انا معك وبدافع عنك شو ما صار
وانا اقتنعت بكلامه لانه قال بعدين بتصير مشاكل بين الاهل والسبب انا
والحين قال بيكلمه مره ثانية وهذه تعتبر اخر فرصه له

شو رايكم اسمع كلام زوجي ؟؟؟ وما اخبر اهلي

واالله اني ما قليلة ادب وحابه اوضح شي بأنه زوجة أخو زوجي كثير تكرهني وتتكلم عني بالسوء
مع اني انسانه بحالي والله العظيم
وهم اذا لبست شي جديد يشوف علي من فوج الى تحت

وع فكرة انا ودي افهم ليش هم يعاملوني كذيه
لاني مستغربه وحيرانه وزوجي كلمهم وحاول يفهم ليش ما يحبوني ؟؟ بس ما حصل رد

وقالي كوني بحالك احسن
لكن انا مستغربه ليش أخو زوجي يسوي كذيه
تتوقعوا يسمع كلام زوجته ؟؟ مع اني ما محتكة فيها كثير

انا من راييى اتهدين الموضوع ولا تكبرينه مادام انكم اهل ودايماا مشاكل اهل الزوج ماتخلص كل واحد عنده مشاكل ولاتفكرين ان احد مرتااح انا احس ان السالفه مب واايد كبيره طنشى ولا كأنج عرفتى السالفه لاتفتحين على نفسج باب ماله اول ولا اخر اذا تدخلو الاهل بتسير المشكله اكبر واكبر ةحاووولى دايما مشاكلج مع اهل ريلج ماحد يحلها الا انت وريلج

لان اذا دخلتى هلج فى السالفه راح يتهاوشون وكل واحد بفترق عن بعض والسبه راح تكونين انتى

وبالنسبه حق اخو زوجج خلاص ريلج تفاهم معاه وميحتاى الموضووع وايد يكبر لاحقه على المشاكل

هاى نصيحتى لج

مشكورة فوفو الأمورة

مشكلتي تعبت والله منهم ما طايقة اشوفهم

قلب الحياه;15037732:
مشكورات عرايس

لا ما ضربني بس هذه كلام

لكنل اذا ما خبرت اهلي راح يتمادوا ويتمادى اخوه كثير

انا ما اريد مشاكل بس اريد احسسهم اني مو مقطوعة من شجرة ومالي اهل

خبري اهلك

كلمي ابوك يوقف اعيال اخووه عند حدهم