ღتقرير جلوتيღ

سلام عليكم
شخباركم
اليوم قررت احط لكم تقرير جلوتي

مع الصور لكن الصور مو شخصية الأن لحد احين ما جهزا
صور من النت الي انا طبقت عليها وصار مثل الشي
الأن معظم الأشياء اخدها بالنت واخليهم يطبقونها لي
نبتدي

الجلوة كانت قبل العرس بيوم
المكان:في بيت ابوي وكان بحوش وجدا الوضع كان حلو
الأكل :كان اشياء كثيرة سمبوسة، معكرونة،ميني كيك،كيك كريمة،جيز كيك ،كباب ،عصير وانواع كثيرة

في هاليوم الي اهو تاريخ 5/3/2011
قعدت من ساعة 6 الصبح واكلت لي شي خفيف
وتسبحت وجهزت اغراضي
واجى لي خطيبي على ساعة 9 وانطلق لصالون العفراء
وسويت لي تسريحة هناك ما اذكر من الي سوت لي التسريحة بسيطة وكانت على تحت
الأن كنت امبي للعرس فوق وكانت التسريحة تقريبا مثل دي الصورة

## تم حذف الصوره لمخالفتها قوانين المنتدى ##

وبعد ما خلصت التسريحة اتصلت لخطيبي وانطلق لصالون سلوى وكانت تقريبا ساعة اربع
وقعدت انطر هناك لساعة خمس ودخلت لخبيرة المكياج سلوى
وحطيت مكياج كلش حلو بالون الأخضر وماخدة انا الصورة من النت وقلت لها امبي مثل وكان الصور هذي

وبعدها اتصلت للأبوي واجى اخدنا على ساعة ست ورجعت بيت ابوي وركبت غرفتي قبل لحد يجي ولبست ثوب النشل المعروف وكنت شارتنه من سوق المنامة وللأسف ما عندي احين صوره وبعدها حطيت لي عطر وكريم فيه لمعة واجت ساعة ثمان وتجمعت الناس
ونزلت تحت وكان يغنون والملاية ما ادري من الأن من طرف امي وانا ما اعرفها
ونزلت وبدوا يجلوني والكل كان فوق وشمعة بيدي ماخدتها من الحرز
وبعدها رقبت فوق ولبست ساري هندي وكان تخيط وتغلبت وايد على ماحصلت قطعة مشابهة للموديل الي شفته وطول الخياط فيه وايد الأن كلا اشرط عليه وموديله ماخدته من النت ولبست معاه اكسسورات هندية شارتنها من مكان هندي وكان الموديل هذا

## تم حذف الصوره لمخالفتها قوانين المنتدى ##

وبعدها اجى خطيبي
وقعدنا نصور ونزلت وسوا لنا واترمبوا المعرووف وبما ان خطيبي عجمي وانا فيني عرق عجمي
سوا لنا شي ما اعرف شنو من طرف بيت اهل خطيبي وخلنا ندوس ارز ما ادري شنو
ورموا علينا مشموم ووردي محمدي الي اهو الجوري وحلويات وحالة

وبعدها اجت الحناية ام حسين وكانت جدا عنها فن والحنة تتطوف كوع اليد والكل قال حناها حلو بس للأسف ما عندي صور الأن محد صوره الا المصورة الي اجت ولحد احين ما جهزا الصور
وبعدها الأهل قاموا يغنوا ويرقصوا وكان الجوا وايد حلو

اما الكوشة فسويتها عند مجموعة الجندل البحرينة الأن شفتها بالنت وعجبتني وايد واصريت امبي مثلها
فسوا لي مثلها وكان اصغر من الصورة الي شفتها بالنت وكانت شوي الأشياء الي بصورة من نافورة جدي مافي الأن الي بصورة بصالة وانا ببيت لكن كانت حلوة والكل عجبته

واما بالنسبة للتوزيعات انا سويت توزيعات تقلدية مثل الحنة والبخور وكسكبال وكم شي من عند امي ومن عند اهل خطيبي
وكان ليلة جدا حلوة وانتهت ساعة 2 الأن الحناية طولت وما طلعت الا 2 الأن حنت اهلي واهل خطيبي بعد وطبعا كانت عندي سبرايس ما كنت مسوية سفرة ولا شي بس كان اهل خطيبي واهلي سوا سفرة عجم وايد حلوة وتقريبا كان مثل هذي الصورة الي شفتها بالنت

اتمنى التقرير اعجبكم واستنى ردودكم
وجاري وضع تقرير زواجي