رجعت لك ببرنامج تمشين عليه بانتظام ودون ملل
عشان تطلع لك نتيجه حلوه
اول شي راح احط لك الاغراض
"الخلطات طبعن من افضل الخلطات اللي جربوها البنات وانا جربتها"
خلطة بياض الثلج او شسالفه انا شفت لها اسمين
(
المقادير :
صابون غار
كوب ماء ورد
2ملعقة كركم الجسم (موجود عند العطاروهو غير كركم الأكل)
فنجان قهوة من كل من (زيت اللوز المر _زيت الزيتون_زيت الخروع)
والحين أغراض الصيدلية
2 علبة صغيرة جلسوليد الأحمر
علبة جلسرين
علبة صغيرة فكس
تبشرون الصابونه بشر ناعم وبعدين تحطونها في كاس ماء ورد من الليل الى الصبح عشان يذوووووب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم (يعني الجسم كله حتى الوجه ) وتخلونها ساعتين وبعد كذا تجيبون ليفة الجسم اللي من بودي شووووووووب صايره على شكل قفازات احسن من الليفه المغربيه وتحطون عليها ملح خشن وتعصرون ليمون فوق الملح ويالله تبدأون بفرك الجسم فرك جيد والله يطلع لكم كل شي وتحسون بالنظااافه من اول استخدام وبعد كذا يبدأ التفتيح يوم ورى يوم وطبعا هذي الخلطه بشكل يومي واكيد اللي بيتزوجون مهتمين اكثر!!!!!!!!!!!! الفرك يكون بنعومه وخفه لان الفرك بقوه هو اللي دمر الاجسام
والافضل تكون عندك بدلة الساونا
تحطي الخلطه وتلبسينها
بتجيب مفعول افضل
وبعدها تتسبحين بصابون البابايا
وبعد ماتنضفين جسمك زين
رطبيه بكريم وركزي بالترطيب على المناطق الخشنه
وفي اشياء لازم تكون عندك زي السنفره حقت المشمش وسنفرة كاب
والصابون المغربي
يعني كل يوم تحطين خلطة بياض الثلج لمدة 20 يوم او لحد ماتخلص الكميه
بس باتظام
يعني الملل تشيلينه من راسك
وتخصصين يوم بالاسبوع تسوين فيه حمام مغربي وراح تحصلي الطريقه هنا بالمنتدى
والايام الثانيه تغسلي جسمك بصابونه البابايا وبعده تختاري كل يوم سنفره
(اهم شي الترطيب بعد الاستحمااام)
بالنسبه للمناطق الحساسه حاولي تختاري للحلاقه شي اصلي
واذا جيتي تحلقي حطي نشاء واحلقي جاف
وبعده غسلي بمويه ورطبي المنطقه
وضروري بعد كل دخول للحماك(كرمك الله) تجففي عن المويه وتلبسي شورتات قطنيه
حتى لواضطريتي تلبسي من حقات الرجال البيض القطنيه
وتمسحي المنطقه بخلطة الديتول والمره لو مره باليوم وهي موجوده بالمنتدى طريقتها
وعلى فكره اذا حابه كريم مرطب للجسم ومبيض استخدمي (الجليسوليد واضيفي له علبة فازلين كاكاو يخففه وحلو
لترطيب الجسم كامل)
(الاكواع والركب)
لازم ضروري تجيبي فازلين في فازلين بالصبار جديد حلو او الفازلين العادي
الجل مهو اللوشن
المهم انك كل يوم بالليل تسوي صنفره على خفيف للركب والاكواع
وتجففي وتحطي فازلين كثيررررررر وتلفي باكياس التغليف حق الاكل
وتنامي
واول ماتصحي تغسليهم بصابون وتجففي وترطبيهم بفازلين
وتستمري بدون ملللل
وفي عندي بعد حابه اضيف لك الخلطه الصابونيه للجسم
وهذه الخلطه تخلينها صابون لجسمك على طوول حلوه وتبيض
المكونات بحذافيرها غاليتي
1-صابونه الكركم -وحدة فقط
2-صابونه الغار-وحدة فقط
3-صابونه البابايا فروتي ( 4في 1-وحدة فقط)
4-ماي ورد أوماء زهرعلبه كامله
5-ربع ملعقه كبيره كركم جسم
6-ملعقة كبيره ملح خشن
7-1صابونة الجلسرين من نتروجينا اواي نوع من الجلسرين
8-ملعقة وسط نشا
9 - (6 كبسولات فتامين E الزيتية ) ضروريه في الخلطة لبشرة توب لايعلى عليها والله
الطريقة
والحين نبشر صابونه الكركم وصابون الغار وصابونه البابايا
نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون
نبشرهم ونحطهم في صحن بروحهم راح تصير عندك كميه من الصابون المبشور
نخليهم ونروح نأخذ قدر ضيق اشوي ما يكون كبير ونحط فيه ماي ورد كله و4ملاعق كبار مبشور صابونة الجلسرين وبعدين الكركم مال الجسم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه عجينة لينة ومستساقة
أي والله صدق بيذوب وتتكون عندك الخلطة والحين إذا سخنت الخلطة وبدت تتفرقع اشوي حركيها بعد اشوي وإذا حسيتها اندمجت مع بعضها المكونات وصارت على شكل خلطه وشيليها من النار وحطي ملعقة االنشا على طول وهيا حارة على الخلطة وحركيها عدل
وبعدين تكون الخلطة جاااهزه فرغيها بس في علبه زجاجيه اللي يكون له غطا
والوجه بقول لك استخدمي الخلطه حقت الدوف
صابونة دوف مبشوره نقعيها بكوب حليب لمدة 3 او 4 ساعات
واخلطيها مع اضافة ملعقة جليسوليد
وكل يوم الصبح والليل غسلي وجهك منه مع الترطيب عشان مايكون جاف
وحطي بعلبه ماء ورد مع ماء البابونج
وكل يوم رشي وجهك وهو بارد
تنبيه: اذا تسبحتي وخلصتي وانتي تحت المويه سكري الحار بالتدريج
وخلي مويه بارده بس احسن وافضل
ملحوظه
الاهتمام دووون مللل والاستمرار دون كسل والتفاؤل
وان شاء الله بعد اسبوعين او ثلاثه بتجين تقولي مشكوره
لان العنايه والترطيب مافي احلى منو
بس حنا مهملات بالترطيب
وسبب الكوع والركب عدم الترطيب
وبعدين جسمك شيلي بالحلاوه او الشمع واذا شلتيه شيلي حتى الركب والاكواع
وبسسسسسسسسسسسسس
لوبغيتي شي اسئليني او اسئلي البنات