ماذا بعد ال Roacuttane ؟ - منتديات عروس

م

مس الجوري

عروس جديدة

29-04-2011 | 07:36 AM

السلام عليكم و رحمة الله و بركاته ..

اخواتي العزيزات .. بعد ما شفت التعاون اللي بينكم
و النصائح اللي تقدمونها حق بعض
قررت اني اتوجه لكم عسى انكم تفيدوني من تجاربكم ..

انا استخدمت الـ Rocuttane لمدة 6 شهور ..
و الحمدلله ويهي تحسن بس ظل الآتي:

1- ظلت آثار الحرار و بعض الحفر : مع العلم ان سببها هو اني قبل العلاج كنت ألعب بالحرار و ابطه مما سبب هذه الآثار و الحفر.. الحمدلله خفت مع العلاج بس مازالت موجودة .. نصحني الدكتور (حلمي ربيع) بعمل ليزر لإزالتها .. بس انا خايفة اسوي ليزر لأني قريت انه يجب الإمتناع عن الليزر خلال استخدام الحبوب و كذلك خلال الـ 5 او 6 شهور بعد انتهاء العلاج .. ثررت اني أأجل الليزر لبعد 6 اشهر احتياط بس اخاف اخسر و اتأمل بدون ما احصل نتيجة
ياريت تنصحوني و تقولونلي شلون تعاملتوا مع اللآثار ؟ و اذا وحدة جربت الليزر حق الآثار " سواءً استخدمت او ماستخدمت الـ Roacutane" يا ريت تقولنا تجربتها و عند اي دكتور؟

2- ظهرت حبوب تحت الجلد كلش ماتبين و محد يلاحظها .. بس انا احس بوجوها من خلال تحسسها تحت جلدي .. سألت الدكتور عنها فوصفلي كريم يعمل على تجفيفها و ازالتها .. بس انا متخوفة من استخدامه لأني مابغي اشوف بشرتي تتدهور عقب ماخلصت العلاج .. جربت كريمات قبل الروكتين و وايد تعبت نفسيتي من الجفاف و الإحمرار و القشور:thumbs_down:.. كانت تجربة مؤلمة اخاف ارجع لها مرة ثانية .. بشنو تنصحوني ؟ و هل ظهرت عندكم حبوب تحت الجلد ..؟ و شلون تصرفتوا معاها ؟..

يا ريت تفيدوني الله يرضى عليكم .. و اتمنى من اي وحدة خلصت العلاج انها تقولنا شنو كانت خطوتها الثانية ؟ شلون تعاملت مع بشرتها ؟

و السمووحة على الإطالة :L:..

[

عروس رائعة

29-04-2011 | 05:31 PM

عليكم لاسلام

اي عدل كلامج انا بعد سمعت ان مايصير ليزر قبل 6 شهور

حبيبتي الحين انتي جم صار لج من خلصتي العلاج ؟

انا سمعت ناس وايد يمدحون الدكتور طارق السعيد في الليزر بس للامانه ماجربته

بالنسبه للحبوب تحت الجلد استخدمي الكريم الي وصفه الدكتور اكيد اهو يعرف الي ينفعلج اكثر منج

شجعتيني على الروكتان مع اني متخوفه وايد اسمع عنه وانه زين ويسوي البشره ماات شحلاتها

بس بعد اخاف ويقولون ان اذا استخدمتيه وحملتي البيبي يصير مشوه هاذا الي مخوفني اكثر

وبعد ان مانستخدم الشيره ولا الخيط وانا ماقدر اقعد 6 شهور بدون حفاف بصير سباله لول

ل

لذة حب

عروس رائعة

29-04-2011 | 06:26 PM

والله مادري انشاءالله البنات يفيدونك

م

مس الجوري

عروس جديدة

29-04-2011 | 10:12 PM

'[α3ѕнαg●нαмѕεκ:
;15027967']
عليكم لاسلام

اي عدل كلامج انا بعد سمعت ان مايصير ليزر قبل 6 شهور

حبيبتي الحين انتي جم صار لج من خلصتي العلاج ؟

انا سمعت ناس وايد يمدحون الدكتور طارق السعيد في الليزر بس للامانه ماجربته

بالنسبه للحبوب تحت الجلد استخدمي الكريم الي وصفه الدكتور اكيد اهو يعرف الي ينفعلج اكثر منج

شجعتيني على الروكتان مع اني متخوفه وايد اسمع عنه وانه زين ويسوي البشره ماات شحلاتها

بس بعد اخاف ويقولون ان اذا استخدمتيه وحملتي البيبي يصير مشوه هاذا الي مخوفني اكثر

وبعد ان مانستخدم الشيره ولا الخيط وانا ماقدر اقعد 6 شهور بدون حفاف بصير سباله لول

حبيبتي انا توني مخلصة تقريباً من 5 أيام ..

انا بعد كنت متخوفة منه بس في الأخير جربته عشان اخلص من المشكلة ..

بخصووص الحمل اي مثل ماقلتي كلش مب زين يسبب تشوهات لا سمح الله ..

و عن الشيرة و الخيط .. انا سمعت بهالشي بس ما امتنعت عن الحفاف .. و الحمدلله عادي ماحسيت بأي ضرر منهم .. اختي بعد كانت تستخدمه و مع ذلك تستخدم حلاوة و خيطو عادي الحمدلله ...

بس من اعراضه اللي اكيد تصير حق الكل .. جفاف خصوووووووووصاً بالشفايف فتستخدمين على طول مرطب شفايف .. و البعض يلاحظ جفف في العين فيوصفف لج الدكتور قطرة للترطيب .. و سمعت في بنات قالوا ان شعرهم تساقط ..

و مشكووورة على مشاااركتج الحلوة .. ما ننحرم يااا رب =)

م

مس الجوري

عروس جديدة

29-04-2011 | 10:18 PM

لذة حب;15028252:
والله مادري انشاءالله البنات يفيدونك

يسلمووووو حبيبتي ع المشاركة :L:..

م

مس الجوري

عروس جديدة

08-05-2011 | 06:54 PM

شدعوة بنات بس ثنتين ردوا ..

ويييين اللي استخدموا الحبوووب ؟؟

ويين اللي جربوا ليزر ؟؟

أفيدنا من تجاربكم جزاكم الله خير ..