طبيعي بعد قيصرية الحمد لله ...قصة حملي ولادتي

حيا الله الجميع
كروشات و امهات
قصة حملي وولادتي ياطويلات العمر تقدرون تقولون اطول من المسلسلات التركية و باحاول اختصرها قد ما اقدر
الحمد لله عندي 3 بنوتات ولدتهم طبيعي
ما عدا الاخيرة بعملية لان المشيمة انفصلت بعد ما طوفت 42اسبوع
وكنت ارضع بنتي طبيعي و لا تجيني الدورة
و بعد 9 شهور من الولادة حملت بدون ما ادري واستمريت ارضعها لحد 3 اشهر من الحمل
توفى عمي ابوزوجي الله يرحمه و يغفر له و انشغلنا بالعزا و لا راجعت
طبعا كنت متأكدة اني حامل بس باي شهر ما ادري
ورحت بديت مراجعاتي
ا لا تقول الدكتورة انه لي24 اسبوع:confused: سمعتها لك 4 اشهر ما استبعدت لاني مو عارفة متى حصل الحمل و يوم رحت للسونار
الا تقول 25 اسبوع و الوضع تمام الجنس ولد سبحان الله بكيت من الفرحة مو لانه ولد لاني ربي ياخذ و يعطي و الحمد لله انه سوي و سليم
و كان موعد الولادة
10 ابريل
و مرت الايام
و كنت اطامر من تجمع لتجمع اشوف فكوا دباتهم و لا باقي ابي ابريل يجي بفاااااارغ الصبر
وجا ابرييييييييييييييييل
و ايامه طوااااااااال و يوم جا 10 انتظر و لا حولك احد
ما خليت مضمار مشي ما مشيت فيه
و الشي الوحيد اللي احس فيه تقلصات و نغزات لاسفل
وبعدها باسبوع تجيني الام بس مو منتظمة ابد
وطبعا كنت متأكدة اني باطوف موعدي
ويوم الثلاثاء صحيت نص الليل و حسيت باحساس غريب و اني بحاجة اني اصلي الليل واني وحيدة بدنيا مالي فيها الا الله
صليت اللي ربي كتب و دعيت من قلب ان ربي يرزقني بولادة طبيعية
لان هالولادة مصيرية اذا قيصري انسى الطبيعي للابد
وما خلصت الصلاة الا احس كأن احد ضربني بكورة اسفل ظهري و يزيد ان تحركت بس كنت مستبعده انها علامة ولادة وكان الالم موجود بس مثل ما قلت مو منتظم
ويوم الاربعاء 20 ابريل
كنت متفقة معع ابو الشباب :L:و البنات :L:اننا نكسر الروتين و نطلع رحلة برية تغيير جو بس نستنى البنات يردون من المدرسة و الروضة
والساعة 10 الصباح حسيت ان المغص منتظم ورحت للدكتورة اشيك ع الوضع حركة الجنين ونبضه ووضعه
الا تقول اني لك 41 ابوع و يوم:-o
يعني عملية ؟
وانا اضحك من زود الصدمة
قالها زوجي لا ماتزولد بعملية ما دام الوضع طبيعي
قالت الكن هي لها 41 اسبوع كذا لازم احولها ع الاستشاري و ندخلها التنويم و عملية
رد زوجي "مامدى دقة السونار ؟100% ولا 80%
اذا محد عارف متى حصل الحمل لانه بدون دورة السونار ادرى ؟
هنا تغيرت وجهة نظر الدكتورة
وقالت اذا ولدت بعملية معناتها ننسى الطبيعي لانك والدة قبل سنه و نص قيصري و الحين قيصري
لكن<<< مهمه
خليني اكشف و اشوف <<ناوية على شي
ويوم كشفت حسيت انه كشف مو عادي سوت شي بس مو عارفة وشو
بعدها صار فيه الم وطلبت مني اسويي تخطيط
وطلع فيه طلق كل 5 دقايق لكن بارد
وكلمت زوجي وما ادري شو قالت
سألته عقبها
قال هي تقول سوت لك توسيع وتشوف العصر اذا استجاب الرحم ولا سكين الجراح:'(
الموهييييييييييم
قالت لي الرحم بدأ يفتح روحي ع المول و امشي على قد ما تقدري و اشربي ثلث قارورة خروع على كوب عصير و بعد اشربي قرفة و ارجعي لي العصر
وصلت بيتي قبل الظهر
اذن الظهر و صليت وسويت غدانا و شربت الخروع :confused:و تبهدلت من المغص معدتي ما تتحمل و بعدها بنص ساعة و انتوا بكرامة رجعت كل اللي ببطني <<شكيت اني اتوحم
وبدت علامات الولادة تبين افرازات و دم و انتوا بكرامة
و العصر وديت البنات عند اهلي و رديت المستشفى
كشفت مرة ثانية و لقت الرحم 2ونص سم و داخل على 3
الحمد لله لك يارب الامل بولادة طبيعية بدأ يظهر
كن الاستشاري كان رافض اني اولد طبيعي حاول بكل الطرق انه يحجزني يقول انه انا متاخرة ولي 41 اسبوع ووضعي ما يسمح وما يقدر يعطيني طلق صناعي الرحم ما يتحمل
وخايف اني اتعذب و اذوثق الم الطبيعي و عقب اضطر للعملية <<همه الفلوس مو صحتي ابد
طلب من زوجي انه يكشف علي
لكن زوجي رفض
قال طيب سوي سونار عشان نشوف حجم البيبي
واتفق مع اخصائية السونار علي <<مصمم ع العملية لانه له نسبة
يوم استلمت التقرير
طلع وزن البيبي 4كيلو و نص و نسبة الخطأ600 جرام
يعني احتمال وزن البيبي يكون 5كيلوو100جم
او يكون وزنه 3كيلو و900جرام
او4كيلو
يعني فكرة الولادة الطبيعية لاغية كل الاحتمالات تلزم اولد بعملية
وتذكرت اني صليت الاستخارة الحمد لله و راضية باللي يكتبه الله سبحانه
وصممت اني احاول طبيعي
والدكتورة وقفت معاي و قفة و الله ما نساها لها
قالت شوفي الوضع طبيعي و يبشر بخير ارفضي التنويم وروحي البيت ولا تجين الا اذا زاد عليك الالم و اذا جيتي و قالت لك القابلة 4 سم اخرجي على مسؤوليتك لانهم باي طريقة بيسوا لك العملية
ورجع الاستشاري
نادى زوجي
قاله بس اشوف بطنها اذا ما يضايقك ؟
قاله لا يضايقني
قال الدكتور طيب ليه جيتني
زوجي "جيت بناء على طلبك
هنا صفق الدكتور يد بيد و انحرج لكن ختم على ملفي ان اي دكتورة تكون مناوبه تحجزني باي طريقة و تجهزني للعملية
هربت
رحت بيت اهلي وجهزت لي ماما كوب قرفة معتبر مركز
الساعة 10 شربته و نمت الى 12 و اصحى كل نص ساعة اتألم لكن ما حسبت الوقت
رحت بيتي
ومن الساعة 1 الى الساعة 4 و كان المغص منتظم كل 6 دقايق:clock:منتظم وطبعا رايحة جاية ع الحمام تكرمون
اخر مرة رحت الحمام و اذا جلست احس بألم ما اقدر اتحمله
هنا صحيت ابو الشاب وانا اصارخ
خلااااااااااااااص ما اقدر اتحمل اكثر من كذا
وديني :'(
قالي استويتي ؟ قلت خلاص انحرقت
مسكين
يدور يمين يسار مو عارف وش يسوي
بيشيلني عشان الدرج خايف اني اولد عليه :lol:
نزلت الدرج و في الطريق كان الالم يزيد بس الوقت ما يقل عن 6 دقايق
الوقت ثابت لكن شدة الالم تزيد
وصلت المستشفى
وقال عربية
قلت لا امشي
و بعدها جاتني مغصة
و اقوله تعبااااانه ابي كرسي
و جات الممرضة بالكرسي
و طيرااااااااااااااااااان ع غرفة الودلاة وكانت الساعة 4و 25دقيقة
ويوم كشفت القابلة الا تقول ماشاء الله ولادة
اقولها كم سانتي :badly:
الا تقول 7 سم
بغيت احب راسها
وتنادي الدكتورة
وبسرعة بسرعة
ويوم كشفت الدكتورة و تقول 8 :woo:
بس انتي ملفك مكتوب عليه عملية بس حضرتك ما اعطيتينا فرصة :biggrin:
والطلق يزيد و الدكتورة تقول ان حسيتي انك عاوزة تدفعي ادفعي بس راس الجنين فوق:confused:
خذي نفس و ادفعي
و فتحت كيس الجنين و مازال الجنين فوووووووق
وتقول ادفعي ادفعي النبض بدأ يضعف
خوفتني
وتجي دكتورة الاطفال
وتقول لاحول و لاقوة الا بالله البيبي نبضة ضعف و التنفس ضعيف حرام ادفعي
ودكتورتي تقول
حرام عليكي ظلمتي نفسك البيبي وزنه كبير ظلمتيه معاكي
انا انهرت :'(
وبكل قوتي سرت ادفع مع كل طلقة
بان الراس و برضه الحماس مستمر بوش بوش
و الحمد لله 5و 5دقايق الفجريوم الخميس 21 ابريل2011 شرف السيد تميم
لكن كان لونه ازرررررررررررق استودعته الله
الحبل السري التف عليه في اللحظات الاخيرة وما سمعت صوته
نظفوه و سحبوا الموية من صدرة و بعدها سمعت صوته
الحمد لله كان لونه ازرق مبقع بموف ووزنه ماشاء الله تبارك الله 4 كيلو
لانه متأخر
و الحبل السري سبب التفافة زيت الخروع بس ربي ستر
و في الاخير بعد ما خلص المسلسل
ياليت تدعوا لي ان:L: ربي يحفظ بناتي و اخوهم و يجعلهم من الصالحين و يرزقني برهم و يعيني على تربيتهم :L: