(مشكلتي مع اختي الاصغر مني)

أختى الكريمة

لقد أخطأتم مرتين

المرة الاولى عندما رفضتم العريس الذى تحبه أختك

لمجرد الظواهر لانها مراهقة ولن تعرف ابدا الخفايا

ومالها من تأثير

ثانيا عندما ضغطتم عليها للموافقة على العريس

الثانى يمكن كانت توافق عليه لو ما كانش فيه حد

فى تفكيرها لا وكمان منعها عنه من قبلكم إنتم

والحمد لله إن الموضوع ما تمش وهى لسه بتفكر

فى الأول

وإلا كنتم هتشيلوا ذنبها وذنب زوجها طول عمركم

أنا صحيح مش بافضل أبدا إنه يكون الزوج قد الزوجة

فى العمر لا وايضا يكون عن طريق علاقة حب

لكن ده ما يمنعش إن فيه


رجالة بتظهر رجولتهم من صغرهم

وأيضا ما حصل حصل وهو الأن يريد ان يدخل البيت من الباب فلا تصدوه

حتى لا تخرج أختك له من الشباك

دلوقتى إنتم عايزين تتأكدوا من حاجتين:

أولا هل حبها لهذا الشخص حقيقى ولاجله

ستستطيع تحمل شظف العيش معه لأنه ليس من

المقبول ان ينفق عليها والدها وهى فى كنف

زوجها

ثانيا :هل هذا الشخص حقا من أصل طيب وشخص

محترم وليس له مطامع فى الزواج بها وأنه رغم

فقره أهل لتحمل المسئولية ولديه طموح

سأخبرك بتجربتى

الحمد لله أنا من عائلة متوسطة الحال

تقدم لى زوجى وهو يسكن فى منطقة من

المناطق الشعبية بل يسكن هو وأمه وإخوانه فى

حجرة واحدة

صدقينى والدتى ايضا كانت خائفة من نفس

مخاوفكم

الإختلاف فى المستوى الثقافى والإجتماعى

والفكرى وغيره

فصليت إستخارة وتوكلت على الله بعد أن سأل

والدى عنهم وتأكد من طيب أخلاقهم وقلت الخطبة

ستظهر كل شىء

هو شخصية طموحة ويسعى لتطوير نفسه وعمله

بدأ محاسب والآن بفضل الله يعمل فى أحد

تخصصات برامج الحاسب الآلى المزدهرة حديثا

لانه لم يتوقف عند شهادته لانه يعلم أنها لن توفر

لها عيشا كريما

ثانيا أخلاقه طيبة وأمه على الرغم

من أنها لا تحمل أى شهادة تعليمية

إلا إنها مثقفة جدا ومتابعة جيدة جدا للأمور

السياسية والدينية

بل ورغم انها أصبحت أرملة فى سن صغيرة وربت اولادها وحدها بصعوبة

إلا أنها حرصت على تعليم أولادها الاربعة جميعا

إخوانه جميعا متعلمون وملتزمون بدينهم بفضل الله

الأسرة كلها طيبة لولا الظروف المادية وهذا ليس

بيدهم فهذا ما قسمه الله لهم فى ذلك الحين

وافقت على الزواج والحمد لله

لا انكر أن أول عامين فى زواجى كانا اصعب سنين

عمرى ولكنها مرت ولم تبقى منها سوى الذكريات

الطيبة والآن الحمد لله نعيش فى رغد من العيش

وما نريده يتوفر لنا بسهولة بعد خمس سنوات من

زواجنا وزوجى دائما يقول لى أن رزقك واسع لان

الله فتح لى أبواب الرزق بعد أن رزقت بك ورزقنا

بابنتنا

حتى إخوانه والحمد لله تيسرت ظروفهم المادية

وأصبحوا فى سعة من الرزق

الخلاصة

المهم دينه وأخلاقه وطيب معدن أسرته وأن يكون طموح

لأن طموحه بإذن الله هو الدافع له لكى يسعى

لتوفير حياة كريمة لأختك

إنصحى والدك بالموافقة عليه لكن مع فترة خطبة

طويلة بعض الشىء حتى يتيسر لكم إختباره بصدق

ولكن فى امر لم تذكريه يا اختى هو مازال طالب

وكما ذكرتى مستواهم المادى صعب

من أين سينفق على أختك إن تزوجا

أم أنه يريد خطبة حتى ينهيا دراستهما ويعمل؟؟؟

عامة الخطبة هنا هى ما ستظهر هذا الشخص

على حقيقته بإذن الله

والدعاء المستمر بان يكتب الله لأختك الخير حيث

كان ثم يرضيها به

لانها بدون أن تكتشف عيوبه بنفسها لن تقتنع باى

أسباب للرفض بل وستظل طوال عمرها تظن أنكم

من ظلمها وحرمها من حبها الوحيد

فاخرجوا نفسكم من تلك الدائرة ودعوها تكتشف

وحدها حقيقته

فإن كان طيبا فنعما وأهلا وسهلا

وإن كان خبيثا فتكتشف سريعا قبل ان يضيع عمرها

ويكون رجوعها سريعا بدون خسائر كبيرة

ربنا يهديها ويصلح احوالها

أختك فى الله أم سلمى

يا ام سلمى
اختي لم يضغط عليها عشان توافق على العريس اللي اتقدم لها
اختي حساسه اوي وبتخاف غضب ربنا
خافت ربنا يعاقبها لو رفضت ذو الدين والخلق
وفي الاخر سابها عشان حاجه تعيب اخلاقها
والكلام ده بعد يومين خطوبه
حاجه تكسف

الحاجه التانيه زميلها اي نعم طموح جدا لدرجه انه كون نفسه واشتغل شغل اي كلام خالص (كاشير في احد المطاعم الشعبيه) وعمل فلوس كويسه واشترى محل وعمل مشروع
بس برضو مش حلو ازاي تتجوز واحد مالهوش شغل ثابت ولا مرتب ثابت

طبعا الارزاق ربنا بيوزعها طبعا بس ناخد بالاسباب في الاول وفي الاخر

وبعدين هو لسه طالب في الكليه هو اكبر منها بسنتين بس هو في سنه تانيه وهيا في سنه تالته
يعني كان عايز يخطبها وبعدين يتجوزا بعد الكليه


اللي مضايقنا انها اتعرفت عليه من بره بره واتكلموا وخرجوا كتير مع بعض
ازاي هيثق فيها بعد كده
ده ممكن يعايرها ويزلها
هيخاف لو خلف بنت هيا تربيها
هيقول زي ما كانت بتعمل معايا هتوافق بنتها تعمل كده

انا عن نفسي وعن تجربه متجوزه واحد كويس جدا وكان بيحبني لدرجه انه كان بيقول انا متجوزك مش عشان اخلف انا متجوزك عشان بحبك وبعد كده لما خلفت بقى بيخاف على ابنه مني لو تعب او جراله حاجه او نسيت معاد الدوا

انا عايزاكي تقوليلي

انا خايفه من مكان مسكنه لانه في مكان وحش اوي اوي
وخايفه من علاقته بيها بعد كده تتغير لانه كان يعرفها من بره وممكن يزلها او يشك فيها بعد كده


غير كده ممكن يكون بيحبها فعلا
بس مش عارفين اهله ممكن نسال عليهم مافيش مشاكل

وشكرا ليكي يا ام سلمى وشكرا لعرض تجربتك عليا بجد انتي انسانه جميله اوي ربنا يكرمك ويوسع عليكي يارب

يا أختى زوجى إشتغل فى أعمال صعبة جدا

بالنسة لعمله حاليا كله علشان يوفر لقمة عيش

بالحلال

العيب اللى شايفاه فيه حاليا هو عدم إلتزامه دينيا

لدرجة إنهم يخرجوا كتير مع بعض زى ما بتقولى

وبعدين ضغطتم عليها لما دخلتوا لها من مدخل

الدين وغضب ربنا عليها لو رفضت العريس ده

لان يا اختى نحن دائما ننسى شرط ثالث مكمل

للدين والأخلاق وهو القبول النفسى وهى اصلا

قلبها مش معاها يبقى إزاى ترتاح للعريس ده

وبالنسبة لنقطة المنطقة اللى فيها شقته

صدقينى المناطق دى على أد مافيها ناس سيئة

لكن فيها ناس طيبة جدا وهتحبى عشرتهم


المهم تسألوا عن أهله قبل ما والدك ما يوافق على

مقابلته

ولو لقى اهله كويسين ومالهمش فى المشاكل



يبقى يوافق يقابله

ويوافق على خطبة لكن ممنوع فيها الخروج مع

بعض أو المقابلات فى الجامعة المقابلة تكون فى

البيت بس بحضور الاسرة

لانى اعتقد إنهم عايزين خطبة علشان يتحركوا مع

بعض فى النور وطبعا ده حرام حتى لو مخطوبين

لانها مش هتكون خطبة بعقد

والخطبة هتظهره لكم

ونقطة إنه طموح دى حاجة تحسب له وتطمنكم

شوية إتجاهه

صلوا إستخارة وتوكلوا على الله

ولو الموضوع إتيسر وكل مدى ترتاحوا له وتكتشفوا

فيه حاجات كويسة يبقى يابنتى زواج اختك منه

خير بإذن الله

أما لو بدأت تتكشف لكم عنه حاجات مش كويسة

أو عن أهله وقتها أرفضوا بس امام اختك تكونوا

أعطيتوهم فرصة وتشيل من دماغها فكرة إنك

ظلمتوها

وبعدين الحب بينهم دلوقتى وردى مافيهوش

مشاكل غير إقناع أهلهم وكده

لكن لما بيدخل الموضوع فى الجد وتبدأ

المسئوليات فى الظهور والمشاكل الحقيقية يمرون

فيهابتظهر حقيقة الحب هل هو حقيقى ولا زائف

وبالنسبة لخوفك من معايرته لها بعد ذلك

فده غالبا بيكون حسب شخصية الرجل وقبوله

لفكرة الحب قبل وقوعه فى الحب ام رفضه

لها حتى وقع فى الحب

المهم قوموا بما عليكم الآن وإسمحوا بخطبة

علشان هى كمان تتأكد من مناسبته لها أو لا على

أرض واقعية

أختك فى الله أم سلمى