بلييييييييز ساعديني ؟؟؟؟

سلام عليكم
ببدي بمشكلي ماعرف اكتب مقدمات والسموحة

عمري19 ولحين سنة2 بالكلية قبل عام تقدملي واحد شافني لم كنت رايحة بيتهم احضر عرس اخته فقال حق اهله انه يباني
واهلي استشاروني وحن من عاداتنا انه مب ضروري نشوف اللي يخطبونا يعي ماعرف عنه شي بس قلت حق هلي رايي بيكون من رايهم واستخرت وماحسيت بشي واهلي وافقو وانا ما اعترضت لانه هو الي مختارني وامه قالت انه قايل لازم يخطبوني له وهو يدرس لحين مب لازم ملكه عرس بس علاقل يتطمن انه محد بيخطبني ولا عقولتهم ماروح من يده
بس المشكلة انه بعد ما وافقت محد من اهله سال عني خلا4اشهر وبس ف عيد الفطر اخته رسلتلي رساله تهنئةبالعيد وحتى امه ماتتصل تسال عني وكانو يايين قبل العيد باسبوع فامي قالتهم اذا ما ناوين تاخذو بنتي لولدكم عادي بس مانكم تقطعونا مرة وحدة لكن امه قالت انشاءالله بنيي بعد العيد وبنسوي الخطوبة ومن يومها ماسمعنا عنهم ولا يو مرة يسالو عني تقريبا من شهر9 ماسالو عني ابد
حن عندنا لم يخطبو لازم يسالو عن البنت وناهيك عن الهدايا والزيارات
والله بس كنت ابي احس انهم يحبوني ولازم يعتبروني وحده
المهم بعدين صرت اكرههم واخواني كل مايتكلمو عنهم اتضايق ومابي اسمع عنهم وخواني حتى لاحظو اني بديت اكرهم
ومشكلتي بدت هني انه 2من اولاد خال الي من دولة خليجية يو يزورونا
بنسميهم الاكبر (ر) والاصغر(س) (ر) كان ياي قبل سنة حق يوم واحد شافني وسلمت عليه بس وهو حطني ف باله
ولحين لم يا ماكان يدري اني محجوزة ولا شي المهم
يلسو معنا فترة 3 اسابيع المشكلة اني كنت احس (ر) يطالعني بنظرات غريبة مثل 1 معجب ب ماهتميت كنت اقول عادي مع العلم انه اكبر مني ب9 سنوات
وهو كان يبى يسافر بعد اول اسبوع لكن اخواني قالوله لاتسافر خلك يالس قال لاعندي دوام واني سمعت فقلتله اجل سفرتك قالي تمام وماسافر
وكل شي كان عادي ماهتميت فيه
ف يوم من الايام اتصلت ع اخوي ردني من الكلية لانه كان فمنطقة كليتي قلتله يمرلي وياني وكان معاه(ر) بالسيارة واختي الصغيرة عمرها2سنة المهم واحنا رادين اخوي وقف ع سوبرماركت وهو مانزل بحكم انه اختي راقدة فوقه واني مستحية يالسة ورى الا لم اخوي نزل اسمعه يقول كان زين لو كنت اكبر من عمرك بسنتين علاقل
استغربت قلتله ليش ضحك؟؟؟ الا اشوفه يلتفت ع ورى قالي ابي اشوف ويهج قلتله شو قال ابي اشوف ويهج قلتله شفيك ما مليت من ويهي24 س جدامك بالبيت,,,واني امزح ماقصدت شي... قال ويهج ماينمل.. والله انصدمت صح هو حليو وخلوق والكل يشهد ع ذلك حتى انه لكل الي ف ديرته يعرفونه ويمدحونه انا بعد ماتوقعت هالكلام يطلع منه
المهم لم رديت البيت صرت افكر بكلامه واااايد
ويوم 2 رسلي مسج واني بالكلية متى تردين؟؟؟
مادريت ارد عليه ولا
بس رديت قلتله س4 قالي يالله ردي عاد ماندري متى بنشوفج مرة2 بعد هالسفرة
عاد مارديت عليه
المهم بعد يا بالبيت واني كنت بلمطبخ ياني ويلس يشوف ع واني شردت منه
ماقدرت اخبر حد لاني واااااااااااااااااااايد استحي حتى من خواتي
وكنت كل يوم اشوفه لانه ف بيتنا ويرقد ف غرفة اخواني ف كنت اشوفه وحسيت اني مارتاح لين اشوفه ومرة رسلي مسج اسف اذا ضايقتج قلتله لا والله عادي
عاد بيوم سفرته حسيت اني بموت ماكنت ابيه يمشي عني والله حبيته وهو حبني
ع وقت طلعته للمطار كلهم كانو مجتمعين يودعونه الا اني ماقدرت عرفت اني بصيح المهم ماسلمت عليه الا لم (س) يا قالي اخوي مسافر وهو بيتم معنا مابتسلمين عليه قلتله ايه ياية فرحت سلمت عليه وكنت ماسكة عمري عن اصيح بس لم وصل لين الباب يلست اصيح وهو كان بالسيارة ةلكل برع الا اني -طبعا كنت اصيح ماقدرت استحمل اشوفه يبتعد عني والله وايد حبيته مدري من شو بس حبيته- لقيته قدامي قال ييت اقولك لاتصيحين ولا بصيح وياج ماتهونين ع وقالي بتصل فيج اول ماول قلتله لاتتصل وليته ماتصل بس اتصل ع بليل ع س12كنت راقدة من الصياح
المهم خبرني انهه وصل وسكر
ويوم 2 اتصل مرة ويلس يسولف وياي واني خبرت اختي الي اصغر مني ب2 هي ربيعتي وتوام روحي بس ماكنت اخبرها اني احب(ر) ولا هو يحبني
وكل يوم صار يتصل بليل ويسولف لين قالي انه يحبني فقتله انه ف1 متقدملي لكن ماخطبني وهو مايسال ع ولا شي وقلتله لاتتاخر اخاف ييني مرة2 ويخطبني
2يوم الا اشوف اختي الكبيرة هي تدري برع اتصلت ع وخبرتني انه(ر) متقدملي وتبى رايي؟؟
ترا كلنا عبالنا خلاص هذاك الي متقدملي قبل مابيي ومحد داري ان (ر) متقدملي غير امي وخواتي كنا خيفانين من رد ابوي هو مايحبهم وايد لانهم من اهل امي فقلنا لم اختي بترد ع شهر3 بتكلم ابوي

والله غلطت وايد لم كلمته ادري بس لحين شسوي المهم ظليت اكلمه شهرين وبعدين قلتله مقدرت اكلمك ماقدر اخون اهلي هم وايد واثقين فيي والله اول مرة اسوي شي بغير رضى اهلي ومن وراهم والله تبت وماكلمته شهر ونص الا بعيد الحب رسلتله مسج وبدينا نكلم بعض مرة2 لاسبوع و3 ايام ترا محد يدري اني اكلمه الا ربيعتي وليتني سمعت كلامها لم تنصحني تقول كيف انتي اللي اهلك مايهونون عليك تسوين فيهم كي وتخونينهم ولولاها كنت بكلمه بس هي ماخلتني المهم لم قلتله اخر يوم ومابكلمك يوم ال2 يو اهل الي متقدملي وقالو يبون يسون الخطوبة انصدمت ولقلت ماباه لاني صدق حبيت(ر) وهو من قبل قالي انه مستعد يسوي اي شي عسب نجتمع وصار ويا خواني وايد وبينهم اتصالات وكي اتصلت ع(ر) اخبره ليتني ماتصلت قالي ادري ابوك مابيغير رايه واني منصدمة هو وعدني انه بيسوي اي شي الا ونجتمع ولحين استسلم حتى ما حاول يسوي شي
وصار يسالني شو تبيني اسوي قلتله انته الريال مب انا تسالني قالي خلاص انتي رحتي من ايديني واري ابوك ما بيرد ف كلامه وكي قلته اوك حباك ومابكلمك مرة2 وامسح كل رسايلي وما بيننا شي
قالي اللي تقولينه بسويه لاني احبج اي حب هذيع
واني مانخطبت لانه حد من الاهل توفى قريب وابوه مسافر للعلاج
بس اني ماقدرت انسى(لا) تعبت واااايد عشانه
الشي الوحيد اختي تعرفه اني احبه بس ماتدري انه كان بيننا اتصالات ورسايل
تميت اسبوعين مريضة وحالتي حالة شهر كامل والله ماقدرت اركز بلكلاسوكله سرحانة وحزينة وتغيرت180 درجة كنت كله اضحك واسولف ولحين ابد
مادري هو ليش مايحس فيي
حتى بعدها مارسلي اا لم رسلته تعبت قلت امكن بيحس لكن لا رسلته قلتله انسى الي صار بيننا وليتني ماعرفتك ولا حبيتك وندمانة اصلا اني كلمتك ولو دريت بلحظة انك بتسوي فيني كي كان ماكلمتك
قالي شوتبيني اسوي
قلتله لاتسوى شي خلاص بس كنت ابي اطلع الي فقلبي كنت تعبانة وحالتي النفسية وييع
بس ولحين بعد اللي خاطبني اول شي لحد لحين مايسالون عني مادري اي نوع من الناس هذيلا
واني لاشفته ولا اعرفه وماحبه لاني ماعرفه
واريد انسى(ر) احس كي اخون اللي متقدملي لكن مقدر اتذكره دوووم
والله اني ندمااااااااااااااااااااانة مووووووووت اني كلمته ماتوقعت بيوم اني انا بسوي هالحركة البايخة
بس تبت والله تبت
ابي رايكم كيف انساه؟؟؟ وكيف اخل اهل خطيبي يتقربون مني ابي اعرفهم لاني مايالي سولفت وياهم
ابي اعرف هل علاقتي ب(ر) ممكن تاثر بعلاقتي ب خطيبي اخاف اني ماحبه ولا لو الني حبيت حد قبلي بشو ارد عليه يعني اكذب ولا
والله محتارة وااااايد واسفة ع الاطالة بس والله مقهورة ومجرووووحة
ارجوك ساعديني الله يخليك ويطولي بعمرك