ولدي هبل في عقلي ...دوروا لي حل !!!!؟!؟

فديتني والله;15009392:
صدقيني لو حملتي وجيبتي بي بي جديد يلتهي معاه عنك واذا كبر يسيرون يلعبون مع بعض :)

انا كذا كانت بنتي مططططفشتني حياتي بس لاصقه فيا وحملت الحمدلله وجالي ولد وساروا يلعبون مع بعض والتهت عني كثثثثثثثثير

หδ ώaў !;15009393:

شوفي حبيبتي مابي اتفلسف عليك بس هم سببين يا انه ولدك تعود اي شي ياخذه بالصراخ وانتم تلبون له..
يا جو البيت عصبي يعني واحد منكم عصبي ويشوفه لما يعصب لان الاطفال بهالعمر يقلدون الي حولهم بالبيت..
واذا عرفتي السبب بتقدرين تعالجينه بس يبيلها طولة بال اذا كان الاول حاولي تتطنشيه لما يبي شي ومصيره بيسكت
ولاتحبسينه بغرفه حرام توه صغير..واذا الثاني لازم تتفقون انكم ماتصارخون قدامه وترا عصبيتك هي الي تخليه يزيد صراخ
حاولي تشغلي وقته تجيبين له الوان ودفتر رسم او معجون او سيارات او اي شي يحبه..ولازم اذا في مقدره يطلعه ابوه كل يوم ساعه يفرغ الطاقه الي عنده لان هالفتره عندهم نشاط وولازم نستغله والله يهدي اولادنا امين

أم حفصة السلفية;15009455:

تبغين نصيحة هذه من دكتور تربية وأنا جربتها خليه جنبك وخليه يبكي إستحملي

خليه يصارخ حتى الصبح اليوم تسوين جذي باجر عقب باجر خلاص رح يتعوذ ومن هنا يتأك إن ماينفع الصراخ ونصيحتي جيبي بيبي ثاني عشان يتلهى بيه ولا تقولين أنطر لين مايتغير

الأطفال أذكى من الكبار يوم يصارخون يتلبى ليهم كل مطالبهم

لكن لو طنشيهم مرة إثنين خلاص ماراح يكررو

ولا تحاولي تضربيه ولا تحبسيه بغرفة خخليه بنفس مكانه ويسوي اللي يبي بس غنت إرفعي الاشياء الخطيرة على الأرض أو من المكان القريب ليه وخليه

بصراحة ذكرتيني ببنتي لكن يوم أستعمل معاها هالأسلوب أحسها خلاص تنطم ههههههههه شفتي من كثر ما تعصبني هههههههه

والحين تعوذت تبي شي تصارخ أخليها تصارخ لين تسكت وبعدين أشوف إذا أبي أعطيها ولا لا عشان تتعوذ

يوم تكبر يكون خطر ليش لأن خلاص أول ماتطلعون لمكان الشي اللي يبيه وعارف إن مستحيل تقبلو رح يفكر بالسلاح اللي ينقذه وهو الصراخ والبكاء

والله يهديه ويصلحه وأسفة طولت عليك

ام نوسيبة;15009510:
حبيبتي انا مع ام حفصة بس اخاف انك تجيبي بيبي ترجع الاحوال اسوء من الاول يمكن يغير انا ابني من قبل لم يكن فيه شئ لكن عند ولادة اخيه على طول بكاء وغيرة تعبت بس بخليه حتى يتعب وينام
ولكن افظل شئ انصحك بيه هو روضة الاطفال
ربنا يعينك ويرزقك الدرية الصالحة ويعطيك الصبر