انفصلت عن خطيبي(التطورات ص3)

السلام عليكن بنات ,, انا عقد قراني 1/4/2010 ,, و للأسف من اول اسبوع حسيت باختلاف كبير بيني و بينه

فمثلا ً انا واايد ملتزمة و محافظة ,, و هو عكسي بالمرة يعني فري جدا ً لدرجة كان يراويني صور صديقاتة !!
و المصيبة ما يحس انه هذا الشي غلط.
أول ما تقدم لي قال ان دوامه مختلط ,, بس ماوقعت انه ما يفصل بين الدوام و البيت , تخيلوا يابنات انه يقول لي : باجر اذا تزوجنا لا تستغربين اذا مشيت فالشارع و لقيت زميلتي فالدوام و سلمت عليها باليد , و انا اتدرب في نادي مختلط " و يقولها لي بكل فخر" و بعدين انا احسه وااااايد فخور بدوامه و بمنصبه كمدير ،، و كل ما اقل له : انت ليش تخبرني ؟ تبي تجرحني اكثر ؟

يقول لي اباج تعرفين اسلوب حياتي


و القشة الي قصمت ظهر البعير ، ان ربيعه الروح بالروح اردني و بيعرس بعد شهرين فالاردن المهم هو قال باخذج معاي العرس ..

و من الواجب اني اروح عرس ربيعي.. لكن يا بنات العرس مختلط و فيه رقاصة و ممكن يوزعون خمور (( لأنه هاذي عادات اهل ربيعه)) و قال لا تزعلين اذا قمت و رقصت معاها لأنج بتكونين معاي و مابيصير شي غلط.. و صح الخمر بيكون جدامنا بس نحن ما بنشربه عشان شكلنا جدام الناس بيهتز اذا سكرنا..


المهم انا خبرت امي و ابوي عن سالفة العرس المختلط و هم الاثنين استنكروا كيف يخلي زوجته تقعد مع رجال و اذا قالوا لها قومي ارقصي لازم ترقص للواجب!!


فاهلي اتصلوا فيه وقالوا رايهم و ان هذا مب من عاداتنا و لا من دينا .. الخ .. فالحبيب اتصل فيني وقعد يسمعني كلام مثل السم لأني افشيت اسرار الزوجية.. و قاللي عنادا فيج و في اهلج انا باجر بحجز التذاكر و بسافر ..

و مب هذا بس حتى هو دايما ً يراويني صور الاعراس المختلطة الي يروحها ، و اخر مرة شفت صورته مع عروسة لبنانية لابسة حفر لين سرتها و هو واقف معها عاااادي ,, و هو الي راواني الصورة مب انا اكتشفتها







شو رايكم يا بنات اصبر عليه لين ما يتغير و لا خلاص... و بعدين هو كان يعطيني وعود لكن للسف ما يسويها ,, فأنا خايفة اتزوج و هو يرجع لحياته المنفتحة ,, و انا عن نفسي ما اتحمل اشوفه قاعد مع وحدة يتغدون و لا يوصلها اذا اختربت سيارتها ..