εïз ... التجمع الثالث لأحلى مواليد أغسطس 8 ~ 2011 ... εïз

منسه;15007423:

يابنات انا بقى لي على حسبتي حوالي 10أيام تقريبا وأدخل السابع؟!! عدل حسبتي والا شنووووووووو أفيدوني

الدنيا 2005;15007517:
صباح الخير على النشيطات

ام حلا تسلم ايدينش على هالتنسبق اللي مرة روعه

منسة الله يوصلش بالسلامة

هند الله يكون في عونش

شجون انشالله اخبارك تمام

فراشة وبحرينية شكرا لتفاعلكم معاي

باقي البنات ما هقيتها منكم

اخيييييييييييييييييييييرا

فراشة صح كلامش فزتي على بحرينية
امس رحت سويت سونار مرة ثانية وطلع فيني


راوتني اعضائه الخاصة بالتفصيل الممل



ولد

فراشه١;15008474:
صحيح حسبتك عشر أيام وتدخلين السابع على خير إن شاء الله

منسه;15007875:

بنات أخذت معلومة من دكتور أطفال من كم يوم لان اختي ولدت بالسلامة:adore:
ونصحها بالنسبة لمقياس الحرارة لدرجة حرارة الأطفال حديثي الولادة بالنوع العادي اللي بيستخدم بالفم:sick: او تحت أبط الطفل وهذا شكله وسعره 3.900دينار من صيدلية رحمة ويتواجد باغلب الصيدليات عندنا بالبحرين


وبالنسبة للنوع الثاني وهو يقيس درجة الحرارة للطفل والبالغين عن طريق الأذن
ومانصحها فيه لأن الصمام بعده ماكمتل بالنسبة لحديثي الولادة فلا سمح الله لو تعرض لأرتفاع في درجة الحرارة الجهاز ماراح يقرء النتيجة بالشكل الصحيح والمطلوب وبيعطي نتيجة غلط والأم ماتدري!! وقيمته عندنا 30دينار ويتواجد باغلب الصيدليات أيضاً وأفضل نوع وهو براون مثل اللي بالصورة تماما

أنا شريت النوع الأول وإن شاء الله عقب فترة لما يكبر البيبي بشتري النوع الثاني عشان البيبي وانا وابوه الله لايقولة لو مرضنه:sick:

حبيت افيدكم يابنااااااااااااات كلكم وخصوصا بنات البحرين من جذي حطيت لكم الأسعااااااااار:cool:يلاا عاد بشوف من يقيمني:|

سحابه 77;15008220:

..مبروووك التجمع الجديد...
و إنشاء الله يتمم على الكل و قومهم بالسلامه
كيف الحال يا حوامل
باقي لي 12 يوم و أدخل السابع عندي سؤال : من تعرف متى تقل حركة البيبي ؟؟
ومن جهزت و خلصت تجهيز لا تبخل علينا ...نبي نستفيد
بالتوفيق للجميع

SomeOne1;15008407:

اهلللين سحابة

شو اخبااااارج

عن حركة البيبي مع ان كنت حامل من قبل بس نسيت خخخخخ

بس اظن من الثامن تبتدي تقل لانه البيبي بيكون كبر حجمة والمكان بيصير ضيق عليه فشوي شوي تقل الحركة

وعن التجهيز والله للحين ما جهزت ولا شي لأني عارفة شنو ابي بالضبط صار عندي خبرة خبركم ما صار لي شي من ولدت بنتي عمرها توه سنة وشهرين
فللحين عندي خبرة شنو إلي بحتاجة وشنو إلي ما بحتاجة ..

وهالشغلات بسيطة ما تحتاج لها وقت وايد
فأنطر لي موسم التخفيص علشان ابتدي اجهز ...

اهم شي لثياب والقماطات إلي هم اللفات
والمفارش
وباقي الشغلات من حوض الاستحمام وادوات النظافة ذلين عندي اياهم
بس اكيد بشتري ادوات النظافة جديده علشان اوديهم بيت ابوي ...
وسلة البيبي بعد عندي يعني ما بحتاج اشتري

آنه في حملي الاولي كنت حاظة لي دفتر صغير في الشنطة واسجل فيه كل شي احتاجه
واي شغلة اشتريها واخلص منها اشخط عليها
علشان اعرف شنو الباقي ...

وحق نفسي ابي اشتري جلابية كشخه حق المستشفى والباقي باخذ بجامات
لانه اشتريت جلابيات بحملي الاولي بس ما لبستهم كلش إلا اول الايام لاني كلش ما احب ألبس جلابيات
احب اكثر شي البجامات
فيبيلي جم بجامه حق البيت ..
ومادري بعد

ويالله إلي اشترو خل يحطون لنا الصوووور علشان نشووووووووف وناخذ خبرة ..

اي فرصة الواحد ينطر التخفيض
كل دينار اكيد ينفع حق شي

آنه عن نفسي للحين مو متحمسة اشتري شي ابد
حتى لما رحت السوق ابد ما رحت جمب ثياب النيو بورن وما كان في بالي حتى اشوفهم بس

مسكين هالولد وايد ضالمته

فراشه١;15008572:
هلا اخت سحابه بالنسبه لي أنا تقل الحركه في التاسع ماتاصل لعشر حركات في اليوم وتصير ثقيله مره تلا‎قيني على طول على جنبي الأيسر ارحمه عشان يقدر يتنفس وياخذ راحته أكثر من لما اجلس واضغطه

منسه;15008719:

بنات انا حابة استفسر بالنسبة لحملة الصدر.. انا من النوع الي حلمتي سطحية جداً وغير بارزة.. واحس هذا بيصعب عالبيبي الرضاعه الطبيعية وقالوا لي امسحها بكريم يلينها واسوي هالطريقة اخر شهور الحمل.. فمن تقدر تفيديني اكثر بخصوص هالموضوع لاني حابه فعلا اني ارضع طبيعي وخصوصا اني بكون فالبيت يعني لا وراي شغل ولا اي التزام ثاني واخر حل بالنسبة لي الصناعي

فراشه١;15008776:
لاتخافين لما كنت بكريه حلمتي كانت سطحيه وكنت أحطه بفم الطفل واساعده وأرخي صدري له وبدت تبرز من الرضاعه بالبدايه صعب يمسكها بس حاولي ومع المص بتلاقيها برزت

أم عليائي;15008806:
أهلين حوامل , شخباركم
بس حبيت أخبركم الله ما كتب أكمل حملي وياكم وصادتني ولاده مبكره وتوفيت البيبي لأنه كلش صغيره , فحذفوني من القائمه وأدعوا الي الله يعوضني بالذريه الصالحه .

أم عليائي;15008806:
أهلين حوامل , شخباركم
بس حبيت أخبركم الله ما كتب أكمل حملي وياكم وصادتني ولاده مبكره وتوفيت البيبي لأنه كلش صغيره , فحذفوني من القائمه وأدعوا الي الله يعوضني بالذريه الصالحه .