قصة ولادتي ونصيحتي للحوامل البكريات

السلام عليكم
اولا الحمد لله على سلامتي وثانيا الله يقوم كل حامل بالسلاامه
ثالثا بقول لكم قصة ولادتي:
كنت رايحة موعد بالاسبوع 38نهايته وقال الدكتور بيعمل كشفيه للرحم وكشف وقال مفتوح 2سم ولازم تنويم انا مارضيت قلت ماعندي الام وعمل لي تخطيط النبض وقال في طلق مارضيت اتنوم وخلااني اوقع خروج على مسؤليتي رجعت البيت ونزل علي دم بس مافي الم يوم ثاني رحت المستشفى وعملو التخطيط قالو مافي طلق واستمر الدم معاي يومين واليوم الثالث جلست وعندي الم قوي يروح ويرجع تقريبا كل نص ساعه وانا موعارفه اروح المستشفى او ماروح وخاااايفه واحس بفرح لااني بفتك من الثقل الظهر قال زوجي بوديني اتمشى في مجمع ورحت ونزلت من السياره وعلى طول رجعت السياره ماتحملت لاان الالم يزيد وعلى طول الى المستشفى
ودخلت عند الدكتوره وفحصتني وقالت مفتوح 3 سم ولازم ولادة انا صرت ابكي من الخوف ودخلوني غرفه الطلق
ومعاي زوجي وعنده ادعيه يقراها وانا هادئه وقريت ايات ودعيت لااهلي واصحابي والي ماعنده ولاد الله يرزقه بس لما يجي الطلق كل خمس دقايق ابكي ولما اشتد الطلق ( وهو مثل الدورة بس اقوى شوي ) رفعت صوتي بالبكاء وجات فحصتني وقالت اربعه ونص وبعد نص ساعه صار خمسه
وبعدها قلت ابغي اروح الحمام وفحصتني وهي تصرخ تقول ثمانيه ثمانيه انا فتحت عيوني وزوجي تفاجاء بعد وقلت الحمد لله كلها سهاله من الله على اني بكريه ماطولت ودخلوني غرفه الولاده وظليت ساعه لين يخرج الراس وهاللحظه مثل الامساك قالت لي سوي بوش عشان يطلع الراس وانا اضغط وتعبت من الضغط وانا ادعي في قلبي
واقول يارحيم يارحيم. .. واذا بخروج بنتي الحلوة وحطوها على صدري وبعدها حسيت بطلق بعد قلت للدكتوره ايش هذا في طلق بعد قالت هذي المشيمه وطلعت المشيمه وارتاح بطني من الثقل وحسيت براحه كبيييره وخيطوني وانا ابكي من الفرح وبعدها جا زوجي وبارك لي وانا ابكي من الفرح وبعدها صارت التلفونات تشتغل الكل اتصل يبارك وانا فرحانه وتعبانه. .. سامحوني طولت عليكم كان ودي اكتب تفاصيل اكثر.
نصيحتي لكل حامل وبالذات البكريات كثرو من المشي واكل التمر واذا بتروحو للولادة بخرو المنطقة بلبان لاانه يرخي عضلاات الحوض وهذي نصيحه من دكتوره وانا سويتها اقرو سورة مريم وسورة الزلزله ودعاء الثمانين ايه
على ماي وخذو معاكم واثناء الطلق شربي منه له مفعول عجيب في تخفيف الالم ولاتسمعو كلام احد في تهويل وتصعيب الولاده لان كل وحده وتجربتها والله يسهل على كل حامل

ملاحظه
( رحت المستشفى الساعه 2 الظهر وولدت الساعه 7 وربع المغرب) يعني لااصدقون ان البكريه لازم تاخذ 12 ساعه