من خواطري ... لابد من تفاعلكم بمواضيع اجتماعيه ساخنه .. اوكي .. نبداء ...

((((((( البخــلاء )))))))))))
المهم حالة وزاء الله لايوريكم امثال ( عيناته) لا والمصيبه الكبرى له زوجتين احدهما بالاونه الاخيرة ( كثره ترددها الى منزلي ) وهي خجولة بطبعها جدا بس صريحة وكانت تحكي بلاوي عن زوجها .... وهي تطلق صرخات الم وحسرة وتقول بفمها المليان من يوم خطبني ( طبعا اهلي بانين على فليساته بعد مايفنقس .. يعني يموت ) ملايين وربما يطولهم من الحب جانب .. المهم البنية تحلم بقفص ذهبي من الاقفاص النادرة الذهبية النادرة عندما تتزوج ذا البخيل وكانت طموحها وامالها ومستقبلها لاتنتهي بل تبني قصور من الاحلام والاوهام ( بالخدم والحشم والعز والدلال ) ولكن بعد ليلة الدخله ( تعال وشوف ) يفرك الريال فرك ويقول بقراره نفسه يمكن يفرخ ريال آخر وانا مادري .. وتصبح احلامها وامالها مدفونه تحت وطأة ذا البخيل ( الزوجه المسكينه ) .. وانا اقول البعض من بناتنا الله يعطيهن العافيه .. والتي وقعت تحت براثن هذا البخيل او بمعنى اخر ( ذا النصاب ) اضطررنا الى البقاء في عش الزوجيه والاستمرار معه لاحول لهن ولاقوه ..وبقائهن مع هذا البخيل ربما راجع الى وجود اولاد لاذنب لهم وفضلن البقاء ايضا سترا وسلامه من السن الناس والمجتمع الذي لايرحم ( المطلقة ) .. والبعض الآخر من الزوجات لم يستطعن تحمل هذا المرض الخطير وقررن الفرار والهروب عاجلا من الجحيم .. وحياته الزوجية وقرفه وفضلن لقب ( مطلقة ) ابرك من تعيش تحت الذل والهوان والذي يسببه هذا البخيل من ألم ومواجع ..وصدقوني مهما جمع هذا البخيل من اموال ومهما عزف عن صرفها والعيش بكرامة فلن يطيل عمره بقدرة قادر وربنا فوق الجميع .. صدقوني اسمع انا وانتم ايضا تسمعون الهوايل من ( امثال هؤلاء البخلاء .. المساكين ) واللي العن منهم صدقوني ( الاباء ) واللي يرمي بنته ( فلذات كبده ) في احضان هؤلاء ( المساكين ) لسبب انه غني وبخيل وتسمع الطناجه اليوميه ( بكرى يتعدل ) والمثل يقول ( عدل جبل ولا تعدل طبع ) و( من عاش على طبعه مايخليه ) هؤلاء هذه طبائعهم وصدقوني الفقر اهون كثير .. من انك تعيش مع بخيل تحت سقف واحد .. لان البخيل بخيل ولن يتعدل ابدا .

اشكرك اخي ملياردير على هذا الموضوع الرائع جدا

أنا عن نفسي اعجبتني الفكرة مرة

وأبدأ بالتعليق ويسعدني اني اكون الاولى:

الغلط في هالمشكلة ثلاثي:

1) المسئولية الأولى تقع على عاتق الأب الذي يبيع بنته..والأم اللي المال عندها اهم من سعادة ينتها..

2) على الزوج البخيل اللي نسي ان الرسول الكريم صلى الله عليه وسلم وضح لنا ان النفقة على الزوجة والاولاد اعظم من الصدقة في الأجر وكلنا نعلم عظم اجر الصدقة..
كذلك نسي ان المال مال الله عز وجل وان تكنيزه له لن ينفعه وحبه للمال سيوقعه بالذنوب ((كصعوبة اخراج الزكاة والصدقة وقلة النفقة على البيت.....ووووو))

3) الخطأ الآخير يقع على الزوجة التي تظن ان المال يجلب السعادة فتتزوج على أمل الحياة الرفاهية ونسيت أن الحياة الزوجية لها قواعد وأساسيات أعمق وأهم من المال

هذا تعليقي البسيط
اعذروني على الاستعجال بالكلام ولدي يبكي ألحين
باااااااي

مشكورة اختي والله خانقتني العبرة
الحين

بصراحه جاء الموضوع في وقته:confused:

يمكن الكل يستغرب من كلامي بس الحين وانا اكتب دموعي علي خدي
من القهر
القصة وما فيها
اكرة امي كرة شديد وكل يوم يزيز عن حدة

طبعا انا اول ما تزوجت كنت فرحانه اني بعدت عن امي لان امي شخصيه عصبيه جدا جدا وكل شي تفسره علي كيفها
المهم
بعد الزواج زادت في كل صغيره وكبيرة تتدخل وتحب تمدح الناس وانا وخواتي مذمومين

من المواقف الصعبه
الي تاكد لكم ان امي غريبه


كنت انا تعبانه ومنومه في المستشفي
ويوم طلعت
رحت عندهم با البيت وكان با رمضان
يومين افطرت عندهم انا وزوجي ويوم جاء اليوم الثالث قالت لي شوفي تراء بكرة ما فيه فطور يعني تخيلو ا كيف وانا تعبانه

علما بان اهلي حالتهم الماديه ممتازة جدا

ومن امواقف الثانيه

ان ابوي عطاني مبلغ وقدره000000
علشان يساعدني لطلع في بيت ثاني ما تتوقعون كيف انبسط
وما وسعتني الدنيا بعدها

تخيلوا000
فجاءة الغاء زوجي فكرة الخروج من البيت ويوم رحت لابوي ورجعت له الفلوس قال 0
خلاص حطيها عندك با البنك
وفرحت

ما دريت الا اما تقول لي هاتيها
تخيلوا كيف؟

طبعا مرت السنين وانا الحين عمري25
وامي مسيطره علينا في كل شي
وتقهر با كلامه والله مو ام احس انه عدوه
ما ترحم

بس الغريب انها تموت في حريم اخواني وعيالهم قال ايش عيال ولدي ينفعوني

وعيالنا لا


غير مرت اخوي تغلط عليها غلطات وثاني يوم ترجع لها امي غصب
وانا لاتزعل وطول الزعله لان امي تحب مصلحت نفسها
الي ما ينفها ما تحبه

ومن الاشياء الغرب
امي تهتم بشكل الاطفال الي ينولد وهو زين قايمه قاعده مدح
فيه وشين تكرة والله تكرة علما بان ولد بنتها ولا تقول في وجهي انه شين تخيلو طيب هذا خلقت ربي انا وش اسوي


وغير كذا

انا عندي بنات

ودئما امي تقول با وجهي
ام البنات مسكينه تربيتهم صعبه
اشوي حريم عيالي
عندهم اولد


وغير كذا
تقول لي الي تجيب بنات زوجها بتزوج عليها ولا ما يطير فيها
يعني ايش وش تقصد


معليش طولت وبس مقهورة



وغير ان فيه وحدة انا اعرفها ومرة تكرهني وتذيني واذا جيت وشكيت لامي تج ي وتقول انتي حساسه

ويوم هذه الحرمه اذت مرت اخوي راحت امي وطا قتها وخذت حق مرة اخوي

الله يا الدنيا انا سنين وانا اصيح من ها الانسان وقول لامي عنه وهي تهديني والحين عرفت تاخذ حق مين



المهم وش رايكم انا قررت اني اروووح يوم واحد في الاسبوع وساعتين فقط وهذة سلعتين البر لهل
لان امي ما تحتاجني ابدا فيه اخوان غيري وخوات اكبر مني
وش رايكم:confused::confused:

رغم ان الموضوع يتلمس الكبير فينا والصغير .. الشاب والفتاة .. بس ماتشوف تعليقات من البعض رغم اهميته .. ويمكن ماعندنا مشاكل ( مادري ) او ان الاخوات مو حابات مثل هذه المواضيع والله مادري بعد .. بس يكتفي تفاعل الاخت ريم الشمال والاخت ريشه .. وانشاء البقيه تاتي لتشارك ,, تسلم الانامل ..
وابي اقول شغله تصدقون ( خواتي ) يمكن يتم ملاحظتكن من خلال كتاباتي اخيرا ابتعدت قليلا عن الكتابه بمجال الطب ( صح ) بقولكم ليش اصبح بمثل هذه المواضيع انا المتحدث والمتكلم دائما بمواضيع طبيه .. وصدقوني مليت .. مليت .. ولكن مالدي من مشاكل اجتماعيه واسريه وبأمثله حيه تفوق حد الوصف .. ومن واقع مجتمعنا .. لهذا اجد منكن تفاعل وردود وكتابات افضل مني .. وهذا مما يجعلني دائما ألجأ الى حب الكتابات بتلك القضايا والمشاكل وبكثره .. لان التفاعل والردود مطلب اساسي وحضاري لآي مشاركه .. ورغم ان الفكره قد تستغرق مني وقت طويل .. بس لعيونكن .. ولاايجاد حلول لمشاكلنا يهون الآمر .. ومااقول الا تسلم اناملكن .. ويعطيكن ربي الف الف عافيه ..

تسلم يالغالي والله موضوع جدا راقي .. واذا ممكن فيه موضوع عن ( مشكلة الحب ) ويعطيك ربي الف عافيه .. اسمحلي ( ........... ) دوشتك بالردود اليوم بس عارفه ماشاء الله تفاعلك الدائم مع الجميع بس الله يزيدك من علمه ورفعت شأنم يارب .. لك ارق تحياتي :up:(u):up::up:

شكرا خواتي على مروركن على الموضوع .. وتسلم اناملكن .. واختي ريم الشمال .. واختي ريشه ذا الموضوع اللي ابغاه نطرح الفكره والمشلكه علشان نطالع بانفسنا كم من المشاكل الاجتماعيه التي نعيشها اليوم في مجتمعنا .. اما اختي احلى رموش اول اشكرك على الاطراء وماشاء الله عليك مالحقت على ردودك الطريه جدا .. بس انتي تكلمتي عن ( مشكله الحب ) ابي وجهة نظرك .. ماتقولي المشكله ( وبس) نوووو .. امل من الجميع قبل الرد ان يطلع الى الموضوع نفسه .. لان التفاعل بمثل هذه المواضيع جدا راقيه .. نفيد ونستفيد :up:.. تحياتي