مرحبا اخبار الكل عندي كم سؤال وكنت افرفر بقوقل لين طحت بمنتداكم واستغربت المساعده الي بينكم الله يديمها المهم يابنات انا بقول سالفتي واعتبروني اخت لكم لاني الكبيره من خواتي وماعرف لشي ..
انا من السعوديه وتحديدا حفر الباطن عمري 20 امس سويت التحاليل ويوم الاحد تطلع ان شاء الله وتكون سليمه يارب ..
ويبون يسوون ملكه وقالوا اهل المعرس بيحجزون استراحه ونسوي الحفله هناك لكني محتاره وش اسوي بيوم الملكه اول شي البس فستان فخم ولا ناعم < مع العلم اني ماحب الفخم ابددددددددد لاميك اب ولا فستان .. ( مع العلم اني بروح مشغل وشعري بسويه تسريحه ناعمه شرايكم )
واخذ معي شي لارحت للحفله ولا اروح بس كذا يعني مثلا حلا عصير قاتوه وووو الخ .. < والكيكه الي بنقصها انا اجيبها ولا هو .!
خواتي اصغر مني يبون يلبسون برموده وتشيرت وميدي ووو ومن هالحركات عادي اخليهم يلبسون كذا ولا عيب لازم فساتين .! اعمارهم 18 و17 و16
ووشلون اكون انا اجي عليه ولا هو يجيني .! < ماعرف عاداتهم وتقاليدهم انا شمريه وهم عنوز
والبسه الدبله وين في اليمين على طول صح بالبنصر ولا .؟!
بنات تكفون انصحوني وش اسوي وربي مالي غيركم اعتبروني اختكم < عندي خواتي من ابوي معيين يساعدوني ولاهم فرحانين ابد كل قرايبنا مدري وشفيهم كذا < متقطع قلبي محد فرحان لي بس اهلي :(:(
سآعدوني ملكتي قريب .!
خ
25-04-2011 | 12:38 PM
ا
25-04-2011 | 12:47 PM
اول شي لازم تشوفين القاعه وتددي عدد المدعوين وتجهزي القاعه وتختاري الكوشه والمصوره والكيك والتوزيعات والكيكه ماادري انتي لازم تختارينها ولازم تسوي الكاسات وتختاري باقه ورد انتي ليش ما تتفاهمي مع اهله على كل حاجه واكيد لازم الفستان تلسينه فخم هذا ملكه ومره وحده مو حفل عادي وخواتج اشلون يلبسون بنطلونات وبرمودا هذا لبس بيت مو لبس ملكه ولا حفله لازم يلبسون فساتين واكيد هو بيلبسج وبيساعدونه خواته تيب انتي ما عندج عمات خالات يساعدونج طلبي منهم انا من راييي تخلي احد اككبر من يتفاهم معاهم او انتي اسالي خطيبج والا ممنوع بعد تكلمينه ماادري انا عن عادتكم
خ
25-04-2011 | 12:49 PM
< المدعوين بس الاهل اهلي واهله فقط
س
25-04-2011 | 01:06 PM
الف مبرووك حبيبتي
دام يبون ملجة يعني اكيد اهله راح يتصرفون ,, من اكل وكيك
واذا مافيه خبر خلي امج تكلمهم يعني
او يعطونج مبلغ عشان تجهزين هالامور من كيك وتوزيعات
بالنسبة للفستان ,, حلوة الوحدة تكون ناعمه,, ابدا لا تاخذين شي فخم او دفش,,
خذي شي ناعم بس حلوو ويبين لعروس
حتى الميك اب لا تسوي دفش,, حلاته ناعم :!!:
تقدرين تسوين مسكة عروس اذا حابه = باقة ورد
بالنسبة لخواتج,, اللي حابين يسوونه , بس مو بطريقة عادية لا
فيه برمودات وتوبات تبين انها راقية وحلوة لمناسبات خليهم يختارون من هالنوعية
وبالنسبة لدخلتج,, اممم المتعارف عندنا تكونين انتي موجودة بالاول وبعدها العريس يدخل
ايه وتحطين الدبلة في يده اليمين
وان شاء الله باجي البنات بالذات السعوديات ما يقصرون عنج
والف مبروك مرة ثانية والله يتمم لج على خير
دام يبون ملجة يعني اكيد اهله راح يتصرفون ,, من اكل وكيك
واذا مافيه خبر خلي امج تكلمهم يعني
او يعطونج مبلغ عشان تجهزين هالامور من كيك وتوزيعات
بالنسبة للفستان ,, حلوة الوحدة تكون ناعمه,, ابدا لا تاخذين شي فخم او دفش,,
خذي شي ناعم بس حلوو ويبين لعروس
حتى الميك اب لا تسوي دفش,, حلاته ناعم :!!:
تقدرين تسوين مسكة عروس اذا حابه = باقة ورد
بالنسبة لخواتج,, اللي حابين يسوونه , بس مو بطريقة عادية لا
فيه برمودات وتوبات تبين انها راقية وحلوة لمناسبات خليهم يختارون من هالنوعية
وبالنسبة لدخلتج,, اممم المتعارف عندنا تكونين انتي موجودة بالاول وبعدها العريس يدخل
ايه وتحطين الدبلة في يده اليمين
وان شاء الله باجي البنات بالذات السعوديات ما يقصرون عنج
والف مبروك مرة ثانية والله يتمم لج على خير
خ
25-04-2011 | 02:20 PM
ياقلبي ماقصرتي < بس ماتحسنها فشله اخلي امي تدق عليهم وتقول نتقاسم الاشياء بينا
m
25-04-2011 | 02:36 PM
اول شي انتي عروسه كيف تبغي فستان بسيط؟ كيف اخواتك يلبسو بناطيل وبرمودا؟؟؟؟؟؟؟؟؟؟؟؟؟؟؟؟تبغيهم يقولو ان اهلك مو مرتبين ولا مايعرفو يلبسو وصدقيني بيكونو لابسين احسن ...حبيبتي اشتري فستان سهرة ناعم وسوي مكياج وتسريحه ناعمين واخواتك يلبسو فساتين ناعمه في الفساتين اللي تجي لفوق الركبه تجي ناعمه وحقت مناسبات اما بنطلون وخرابيط عمرها ماصارت اما الدبله فتلبسيه هيا باليمين الله يوفقك
ق
25-04-2011 | 02:52 PM
اول شي مين عليه الملكه اذا على اهلك اكيد غير ولازم تحصرون وش تاخذون وش تجهزون
اما اذا كان عليهم فعليك الفستان والمكياج واكسسوراتك ولا تجيبين شي
انتى شوفي وقوليلى عشان تقدر تحدد لك
اما اذا كان عليهم فعليك الفستان والمكياج واكسسوراتك ولا تجيبين شي
انتى شوفي وقوليلى عشان تقدر تحدد لك
m
25-04-2011 | 04:56 PM
خوآطر;15001668:
ياقلبي ماقصرتي < بس ماتحسنها فشله اخلي امي تدق عليهم وتقول نتقاسم الاشياء بينا
كلش مب فشله هو يبيج لازم تتقاسمون :D
احنا هسوالف الكيك وهاي كل هسوالف اهل معرس يشترونها مب اهل العروس :o
خ
26-04-2011 | 12:04 AM
بخلي امي تسألهم واردلكم خبر بإذن الله :)
ش
26-04-2011 | 12:18 AM
مبروووووووووك الله يوفقك ويسعدك ماعندي خلفية بس حبييت ابارك لك
ا
26-04-2011 | 12:58 PM
ربي يوفقك وسهل لك أمورك