كل وحده تقرا على نفسها المعوذات فبل ما تدخل

الصراحة ما رمت اكمل،،، عسب ياسة اقراها في الليل واخاف السالفة سالفة هذيلاك الجماعة اللي يخوفون والصراحة ما فيه انا روحي ياسة بروحي في الحجرة اخافني ما اروم ارقد الليل،،، انا بس رديت عسب ما يضيع الموضوع عني ويوصلي على الايميل عشان وايد خاطري اعرف شو السالفة،،،

امييييييييييييييييييييييه من الحين زايغة
سلملم

انا اقولج شلي صادج هاذي ياثوم برك عليج وانتي اكيد كنتي نايمه على ضهرج لانه مايي الا والواحد نايم على ضهره واذا قريتي المعوذات ترى ماتقرينه الاعليه انا جذي اييني واقرى عليه المعوذات اومادري اشلون اقراها والحمد الله بعدها اصحا من النوم وارتاح وهوه عباره عن كابوس ثقيل ايصيطر على الجسم او مايخليه ايتحرك وهوه مايي حق كل الناس وان شالله ايكون كلامي صحيح


ملاحضه حاولي ماتنامين على ظهرج علشان ماييج واذا صحيتي تفلي على جتفج اليسار ثلاث مرات اوتعوذي من ابليس ثلاث مرات

والله ان شأالله بحفظج

مشكووووره اختي اوركيد بس كنت اتمنى انك تكوني قاريه القصه يله إن شاء الله ادزها لج علي الخاص
مشكوووووره اختيgat121س القصه موب لي لرفيجتي مع امها تصدقين عاد انا ماعمره يالي الياثوم ومشكووووره مره ثانيه على مرورج

بسم الله الرحمن الرحيم
صراحه انا ياني الياثوم مرتيين مره كنت في بداية المراهقه وكنت في بيت خالي مااذكر الا اني كنت بين النوم والصحوه مااعرف شعور غريب.
والمره الثانيه يمكن الاسبوع الي قبل الطايف كنت احس ان فيه حد لاصق في ضهري وابي اقوم مب قادره احس اني قايمه ومب قايمه وكانت الساعه على 3 في ذاك اليوم نسيت اقرا على عمري بس بعدين قريت القران وكل شئ تمام
اه ذكرت وفي مره بعد استوت نفس الحركه بس طول ولما انتبهت ما كنت متاكده اذا كان صدق ولا لا بس كنت يوم كان نايم على صدري اسمع صوت موبايلي يرن ويرن ويرن بعدين سالت الي متصلين اذا كانوا متصلين قبل قالوا هييه بس انا ما رديت عليهم ............
وصديقتي
بسم الله الرحمن الرحيم
بسم الله الرحمن الرحيم
فيه واحد ركب عليها وحاول يفتح ريولها
بس بس
سالفه اتخوف
مع السلامه

مرحبا مشكوره دمعه بريئه على النصيحه..:smile:وهو عموما الرسول ناهي عن القعده على الطرقات فمابالك بالنوم..:confused::confused:
بس يابنات اللي اعرفه ان الياثوم ماايي الا على حد رقد عن صلاته وانا من زمان ايام الاعدادي اذكر اني رقدت وانا ماادري ولا صليت العشا وياني وكتم على صدري وكنت احس بثقل واني مااقدر احرك يديه كني مجفته وبعد حسيت ان السرير ينزل بي على تحت كأني اغرق،،وقعدت اقرا قرآن واول مافك عني ركضت سيده على امي قالت لي انتي صليتي العشاء قلتلها لا قالت هذا ياثوم..ماادري صدق ولا كانت تقص علي..شورايكم:think:

مااظن اظن هو اي لما انام على ظهورنا لاني ماافوت صلاه
بس كل شئ جايز

مشكوره اختي فرح افراح واختي عنودالصيد علي قراءتكم لموضوعي وعلي اباء ارائكم وتجاربكم إن شاء الله ماتشوفون هالشي مره ثانيه
سلملم

عوووووووووووووووذ بالله هاي قصة تنقال اخر الليل شو قصة قبل الرقااااااااد اي رقاد الله يسسسسسسسسمحج

السلام عليكم،،، الاخت الغالية دمعة بريئة انا توني اقرا الموضوع ومتعمدة الصبح عسب ما ازيغ،،، بس الحمدلله اني ما زغت وايد،،، لان الموضوع مول مب غريب عليه،،، هو بالفعل الياثوم وانا بيني وبينه عشرة عمر،،، واستوى ربيعي المقرب من كثر ما يزورني،،، تقريبا كان يزورني يوميا لمدة 6 سنوات،، ابتداءا من الجامعة الين ما طلعت عنها بسنة زيادة،،، الاسباب كانت كثيرة منها مثل ما قالت احدى الاخوات النوم عن الصلاة لانه اول مرة كان يزورني كان على هيئة حرمة طبعا اكيد تزيغ كنت اشوفها وانا نايمة وانا كنت ناوية اصلي العشا بس قلت بنسدح شوية عشان اريح وجان ارقد عجبها،،، المهم ياني على هيئة حرمة عيوز قبيحة وشعرها منكوش طبعا وكانت تضحك بأعلي صوتها واتذكر ضحكتها شرا ضحكة الساحرة مالت توم آند جيري اللي تطير على العصا "والله ما ابالغ ومب عسب ابغي اثير السالفة اكثر" ،،،بس كانت وايد مثجلة على صدري لدرجة مب قادرة اتنفس واصرخ بأعلى صوتي وما احد يسمعني،،، كنت احس برعب وخوف الله لا يراويكم وهيه تضحك كانت تقولي ما بخليج تسيرين تصلين،،، طبعا هذا اكبر دليل على انه بسبب اني رقدت عن الصلاة،،، بس اكيد مب دايما بتكون هاي نتيجة النوم عن الصلاة لكن ممكن تكون سبب من الاسباب،،، وايضا معظم الاوقات اكون نايمة فيها على ظهري،،، سبحان الله اول ما انام على طول،،، وانا من النوع اللي يريحني النوم على الظهر اكثر من اي طريقة ثانية،،،
بس السبب الاقوى اللي خلاني اتأكد واعرف ليش زيارات الياثوم لي دايما بصفة مستمرة،،، كانت بسبب العرايس الدمي اللي كنت حاطتنها عند راسي ودايما ارقد وياها (اتحرى عمري ياهل) وحتى لو كنت استحيط بالمعوذات بعد كان ييني ويوم اييني احس اني ما اقدر اقرا شي وكأن حد ميود لساني من كثر الضغط اللي على صدري ونفسي،،،
بس بنات لا تتحرون انه فترة الست سنوات هذه كانت هينة بالنسبة لي والله ما كنت اتهنى بشي اسمه رقاد لدرجة اني كنت اتعمد اسهر عشان ما اشوفه وارقد في النهار لانه معظم الوقت ييني في الليل،،، والله والله ما اجذب اني مرة كنت نايمة واول ما حسيت فيه انتبهت لدرجة اني فتحت عيني بس من كثر الضغط ما اقدر اتحرك ولا ارمش ولا حتى اقرا شي،،، واذكر كنت نايمة بروحي في غرفتي كالعادة وما احد ويايه والله وانا فاتحة عيني مب راقدة اسمع صوته وهو يناخر في ذنيه لانه كان بالفعل راقد عليه،،،
وكنت دايما من احس انه وصل اهدي نفسي شويه واقول في خاطري:"يافلانة لا تخافين،،، ترا هو ما بيسويلج شي هو بس بيتم عندج شويه وبيروح ،،، وترا هو بس يسويلج ها الحركات عشان يخوفج،،، احين انتي تخافين من ها الطرطور هذا،،، :D2:D2:D2"
بنات والله والله لهاي الدرجة اكلم نفسي بس عسب اني ما اخاف منه بس ما شي فايدة وها الوضع على فكرة دايما يذكرني بوضع الميت في قبره والاهوال والعذاب اللي ممكن يشوفها في القبر والعياذ بالله بدون ما يقدر يسوي شي او حتى يدافع عن نفسه" الله يرزقنا وياكم نعيم القبر،،،

بس وقف ها الشي من يوم ما قررت اني اغير ديكور حجرتي فطلعت العرايس لفترة مؤقتة من غرفتي ولاحظت انه ما قام يزورني كل ليله،،، وطبعا وايد كنت مستغربة ليش لانه صار له فترة طويلة ويايه،،، المهم يوم رديتهم ياني على طول،،، طبعا عرفت على طول انه من العرايس والدببه خصوصا انه احيانا كثيرة اشوف الياثوم على هيئة دب كبير اول ما اشوفة يدخل من غرفة الحجرة يركض ويعفد عليه وفجأة اشوف الويل منه،،، ومن هذاك اليوم اللي اتخلصت فيه من ها العرايس والله ما جد شفت شي اسمه ياثوم في حياتي الحمدلله والشكر،،، والله بنات اللي تشوف ها السوالف احسلها تتخلص من الدببة لانه فعلا تسكنها الشياطين،، وانا عفانا الله لا فكرت انه حرام واكيد الله ما بيمنعنا من شي الا لانه يضرنا،،، بس سبحان الله الله رواني لاني استاهل،،،

السموحة على الاطالة

امييي
انا الحمد لله ما يرمسني ولا اشوف شكله بس احس به

كاتب الرسالة الأصلية : فرح و افراح

وصديقتي
بسم الله الرحمن الرحيم
بسم الله الرحمن الرحيم
فيه واحد ركب عليها وحاول يفتح ريولها
بس بس
سالفه اتخوف
مع السلامه

بالفعل اختي انا مريت بنفس ها الشي يوم واحد،،،

اذكر ما كنت على طهارة (حيض) ،،، ويوم كنت نايمة احس فجأة انه ريلي تتبطل بقو،،،مب مرة وحدة كذا مرة وكأنه حد ميود ريلي ويحاول يفتحها،،، طبعا فتحت عيني وانتبهت ومازال ها الشي يتكرر،،، يعني ريلي تتبطل اوتوماتكلي،،، وطبعا من الرعب تميت زايغة واصيح،،، حتى اذكر ربعت عند اختي وخبرتها بالسالفة،،،

وكذلك بالنسبة لصديقتي في الجامعة خبرتني بأنها مرت بنفس الشيء،، الله يحفظنا وياكم يارب العالمين والوحدة لو بترقد على وضوء وتقرا المعوذات اكيد ان شاء الله ما بييها شر،،،،

أوركيد

:eek2: خوفتيني ..خلاص بطلع العرايس والدببة من حجرة صغاريه..

صديقتي الجني يحبههههههههههههههههههههههههههههههههها :confused::confused:

السلام عليكم ورحمة الله وبركاته

بنات......بالنسبة للي يجي يفتح رجولكم......يسوي لكم شيء

بنات....الله يعفيكم جاوبوني؟؟؟؟؟

وهل اول ماتقرين المعوذات يروح؟؟؟؟

أعوذ بالله من الشيطان الرجيم
أعوذ بالله من الشيطان الرجيم
أعوذ بالله من الشيطان الرجيم

ملكة النحل،،،
والله زين ما تسوين،،،، الواحد الزم ما عليه انه يحفظ نفسه من ها الامور،،، والباقي على الحافظ رب العالمين،،،

فرح وافراح،،،،
بسم الله عفانا الله،،، انا بس استوت لي مرة وحدة والحمدلله ما احد يحبني بسم الله عليه،،،،

سديم،،،
عني انا ما حسيت انه استوى لي شي،،، بس كانت ريلي تتبطل بطريقة قوية،،، والحمدلله عقب ما نشيت لو انه استمر ها الشي بس تعوذت من ابليس وقريت المعوذات وخاز عني الحمدلله رب العالمين،،،،

الاخت سديم

صديقتي حاول ان يسوي لها شئ بس ما قدر بس والله كفخها تكفيخ ولعن بو اسلافها...بس اذا قصدك عاشرها فلا...
بس هو يحصل دايما نسمع هذي السولف الله يعافينا

خرعتونا بهالموضوع !!!!!! انا عمري ما صار معاي هالشي .. و انشالله ما يصير !!!!!

شكوره اختي عاليه الغاليه عاد تصدقين ان هالقصص ماتحلى الاباليل
وانتي اختي اوركيد ان شاء الله تكوني تعلمتي من الدرس الي اخذتيه من هالعرايس وإن شاء الله ما تشوفي هالشياء مره ثانيه واف شكر لك اختي فرح افراح واختي عبير الشوق واختي سديم واختي ملكة النحل طلعي العرايس باسرع وقت ممكن ولابتندمين لانه هالشياء اهي الي تجيب لنا البلاوي اهي صح حلوه بمظهرها بس ولو الواحد مايخاطر بنفسه منشان شي مايسوي


تحياتي لكم جميعا

مشكورات خواتي على مروركم بس ليش محد تفاعل مع الموضوع وبعدين انا كتبت هالموضوع علشان نفيد ونستفيد منكم