اليوم راح انزل طريقة برياني دجاج رووووعه وجدا سهل ...
الكمية صغيره تكفي شخصين :cool:
بسم الله ماشاء الله نبدا
في البداية احتاج 2 صدور دجاج (طبعا ممكن نستخدم دجاجه مقطعه بس انا افضل الصدور )
اقطعها مكعبات متوسطة الحجم واتبلها ..
التتبيله
علبة زبادي
بصلة متوسطة الحجم
فصين ثوم
كاري - ملح -بهارات البرياني
فلفل احمر واحد
بقدونس
ربع حبة ماجي
شوي صلصة طماط
الكمية تقديرية بس كل ماكانت اكثر تكون احسن ...
هنا الدجاج بعد ماغطيتة بالتتبيله ...
ممكن تحطي الدجاج بالتتبيله قبل بيوم .
انا عملتها قبل 6 ساعات ...
بعدها احط شوي زييت في قدر مع بهارات غير مطحونة (فلفل اسود-مسمار-هيل -ورق غار (بس ماكان عندي :o))
بعدها اضيف الدجاج + الخلطة+بيالة موية واخلية على نار هادية مع التحريك المستمر مع الطبخ راح تكون الخلطه ثقيله
(في هالوقت اعمل الرز ويكون ابيض عادي )
بعد نص ساعه اضيف للدجاج خضار مجمدة (اختياري )
واخلية ربع ساعه وقبل اقفل علية بعشر دقايق اضيف شوي بقدونس + كزبره
في هالاثناء اقطع بصل جوانح واقلاها بالزيت لحد ماتتحمر مره بهالشكل
الحين استوى عندي الرز اشيل نصف كميتة على جنب ..والباقي اضيف علية كل خلطة الدجاج
بعدها اضيف باقي الرز
واخلية على نار هادية لحين التقديم (يفضل وضع حديده تحت القدر )
واخيرا في صحن التقديم وفوقة البصل
:thumbs_up::thumbs_up:
بجد لذيذ مررررره جربوة مع سلطة الخيار باللبن :L::adore:
ان شاء الله بعملة قريب باللحم وانزل صورة
يالا انتظر ردودكم الحلوة والمشجعه ..
