وحان وقت الصفر
زواج اختي بعد اربع ايام وتو نتذكر بطاقات تكون بالمدخل
جهزت الشعر وجهزت الصور بس ابي ادمج الفتوشوب عندي مهب شغال
ومااعرف اشلون انزل من النت
قلت مافي غير بنات عروس مابيقصرون
ابي تدمجون لي هالشعر في الصوره واذا عندكم صور احلا مايخالف
انتضركم ع احر من الجمر
وربي مانساكم من دعاء من قلب :L:
هذي الابيات >>>
اعذب حروف الشعر و اغلى معانيـه .. لكـل مـن بحضـورهـم شرفـونـي
وأمي لها اكتب نبض قلبـي و اغنيـه .. و دمع الموادع في محاجـر عيونـي
ما انسا الغلا اللي بالمشاعـر تدفيـه .. بدونها ما اعيش و لا تعيـش دونـي
و لابوي ابكتب عذب الإحساس و ابديه .. ذاك الكريـم اللـي بقلبـه حنـونـي
اعيش طول العمر و انا افتخـر فيـه .. هو تاج راسي هـو سعـادات كونـي
ولاخواني ابدي من ضميري خوافيـه .. واعطي لهم حبي مثـل مـا عطونـي
الطيـب و الاخـلاق لا حـل طاريـه .. رفعـت راسـي و بالمراجـل كفونـي
مني جزيل الشكـر و الحـب كاسيـه .. لكـل مـن فـي زفتـي ساعـدونـي
و ام العريس اجمع لها الورد و اهديه .. واهـل قطـرات الغـلا مـن مزونـي
وابـارك لشريـك عمـري و اهنيـه .. مبروك يا شمعـة دروبـي و عونـي
أغلى مشاعر حب من قلبـي اسقيـه .. باسم الغـرام اللـي يحـرك سكونـي
واصون له عهدي على الحب و اوفيه .. و اكون دايم عنـد حسـن الضنونـي
لحظة و داع الغالـي لشـوف غاليـه .. حرك احاسيسـي و هيـض شجونـي
وقت الوداع القلب مـا هـو بقاويـه .. ولو هو بكيف القلـب مـا ودعونـي
وهذي الصور >>>>>
وطلبتكم يالغوالي اذا في تعديل شي ساعدوني لان انتم عارفين اموري كلها بسرعه يمكن اكون نسيت شي او تعديل
:'(:'(
لي باااااااااااااااااك
