حاسة بتانيب الضمير ... ايش رايكم ؟؟؟

:'(

بنات اخي متخانق مع زوجتة , هي طيوبة ومحترمة ومابينا الا كل خير , اخي طبعه عصبي شوي ومتحكم وعنيد , يشتي من وراء عقلة , وللامانه انه طيب وكريم ومش مقصر من النواحي المادية ...
حلف عليها مرتين بسبب عنادها ,,,
المرة الاولى طبعا هم عندهم شقة منفصله بالدور اللي فوقنا بس بيوم جمعه ماصحوا الا متاخرين فنزلوا يتغدوا عندنا ويومها الشغالة ماجت واحنا قد طبخنا اتغدوا معانا وقامت بعد الغداء تغسل الصحون واحنا ننظف المطبخ والغرف , جاء اخي وقال لها نظفي الديوان بيجوا اصحابي , قالت له لا انا تعبانه غسلت المواعين , لما اختي شافت البنت معنده قالت له انا بكنسة قال حرام عليا ما تكنسة الا هي قالت لة مش اختصاصي اكنس غرفة تحت مع انه هو اللي قعد بالديوان اليوم اللي قبله مش احنا ولا اخوتي المهم راحت اختي كنستة وقالت لها روحي شيلي لمي اللي كنستة عشان اليمين حقة , قالت لا سيبك منه وطلعت ...
وسال الشيخ وطلعت طلقة واعتذرت لة واعترفت انها عنيده وانتهي الموضوع ...
المرة الثانية :
قبل يوم ماتركت البيت عملت غداء وجاء وهو زعلان قال لها ليش ماتغيري كل يوم نفسة رز وصالونة زعلت منه , وبالليل قال لها بكرة بعزم اثنين عالغداء وهي متعوده كلما يعزم اخي تطبخ عندنا تحت عشان نساعدها المهم جاء اخي ثاني يوم وهي عاندت ماطبخت , اعتذر لصحابة وقال لها اطبخي لي , قالت انت قلت اكلي مش حلو , قال لها حرام ما اتغدى الا هنا اطبخي , مارضت اتصلت لاهلها تبكي انه كل مرة يحلف ويطلقها وخرجت لبيت اختها واخذت كل ثيابها كل شيء حتى معجون الانسان وقالت احسن نتطلق من الان ومعانا واحد ما بقدر استحمل ...
المهم صحنا فوق اخي عشان الحلفان وقلنا له انت عصبي وانت عنيد وانت صوتك عالي , بالاخير بعد كم يوم واحنا نضغط علية قال هي ماتحترمي كلامي مايعجبها لما اطلب منها تعمل شيء ايش تبغوني اعمل استاذن منها كلما اطلبها طلب , قال تعاندني تظطرني احلف يمين لاني ماعاد اقدر اتعامل معاها ايش تبغوني اضربها او اشتمها .,,,
قال انا ما ارتحت معاها باردة وساكتة طول الوقت اكلمها انا احب كذا ويعجبني كذا ماتغيرت افهمها شغلي ماتهتم رغم انها درست علم اجتماع بيتها موفر لها كل شيء بالكراتين اشتريت لها جهاز عشان تنحف قالت يتعبني قلت لها اصحي بدري عشان المولود يحتاج شمس تطنش , لما تبغي شيء تعاندني وتصمم وماتقدر ظروفي لو قلت لها مش فاضي تعاند على اللي تبغاه والا تزعل ايش تبغوا مني اعمل لها ؟؟؟ انا بصراحة زعلت علية لانه فعلا البنت جميله جدا لكن باردة وما تتكلم كثير , عاقلة لكن فيها انانية وعناد ,,, قال لما يسافروا طول الطريق ساكتة لاتضحك ولا تتكلم ,,, مؤدبة وعاقلة وجميلة لكن مل ,,,
والله انه ثاني يوم لخروجها رجع يضحك معانا ونفسيته اتحسنت كان عصبي على الكل قال ارتحت حسيت هم وانزاح ضبحتني نمت مرتاح , ,,
حسيت فية وفهمت قصدة , وبنفس الوقت زعلانه عليها وعلى النونو ,,,
قال حرام عليكم تدفنوا شبابي انا برجعها لو تشتي على بيتها لكن بتزوج لان هذا الطبع ما بيتغير , قلت لك وانت مش كامل قال عارف لكن والله حاولت فيها اتكلم برومانسية معاها اعلمها ايش اشتي منها ولا تفهم , ,,
الان قدلها شهر وعشرة ايام ببيت اهلها , قال بسيبها حتى تتعلم تحترم زوجها وتعرف ايش خسرت لاني مش مقصر بشيء لا انا قاطع صلاة ولا زاني ولا عيني طويله ,,, ايش عملت لها عشان كل هذا ,,,
المهم الان مصمم يتزوج ثانية بعد فترة حتى وان رجعت ,, طلب مننا نخطب له وحده من اهل صديقة بصراحة كلمت البنت والبنت ذوق رغم انها اصغر من زوجتة بسبع سنين الا انها اجتماعية جدا وذوق بكلامها ,,, المهم حاسة بتانيب الضمير اخاف الله يعاقبني , هل غلطت لما ساعدته ؟ صح زوجتة طيبة وجدا جميله لكن باردة وبصراحه احس بملل لما اجلس معاها لازم انا افتح المواضيع فهمتوني اي نوع ..؟؟؟ احبها مثل اختي و زعلانه منها لقله عقلها هالمرة وحاسة ان اخي مش مبسوط ومضغوط رغم ان فية عيوب لكن اعتقد المرة هي تصبر اكثر والا انا غلطانه ؟ وضميري يانبني ايش اعمل ...؟؟؟؟