من تآآآآآآآآآبع الناس مات همآآآآآآآآآآآآ...

الدرآآآآآآآآآآآسه

من على أيام الدرآسه كان اللي له داعي واللي ماله داعي يسئل كم تقديري
<<اللي مايهمه مستواي بس يبي يطمش بتجيب لي هديه مثلا
؟؟
وصلنا لثالث ثآنوي وذبحوني قبل التخرج وين ناويه تدرسين <<بتتوسطون لي مثلا؟؟8o|

التخرج
تخرجنا ويالله فتكينا من الدراسه (كم نسبتك؟)<<ناوين تعطوني درجات من عندكم مثلا؟؟
وطول الأجازه اللي حلمت بها دوما ..هاه سجلتي <<غصب هو ولاواجب !!حسيت نفسي كأني ولد ومجبوره أدرس <<موضه مثلا؟
وربي لي أربع سنوات وليومي يسئلوني تدرسي ولالا <<يعني تحفيز وتشجيع حق أدرس ولاشسالفه (يوم شاب ودوه الكتآب) العن ابو دار بليسكم حتى اصحابه يسئلونه
تدرس المدام؟ ..عندكم مكتب وظائف بتشغلوني مثلا؟؟8o|
الخطوووووووووبه
عقدنآ على سنة الله ورسوله وزادو الهم همين الدراسه والزواج ...
طبعا بعد العقد على طول وين بتسوين الحفله <<ليه يعني لازم اسوي حفله مع القوم ياشقراء وبما أني ماحب هالسوالف <ليه ماسويتي معجزه مثلا؟؟
وغير الأسئله الجآنبيه>>> ويش اسمه كم عمره ويش يشتغل ((بشوف صورته)) <<وطبعا تلاقيها تنطط من منتدى لمنتدى كان تشوف صوره <واخزيآهـ
ع فكره ليه مانحط صورنا احنا بعد ع الاقل كتبو اسمنا مو كريمه فلان ؟؟<<طلعي برا
ولالاشافت الصوره تعلق.. يؤؤ ماينسابون لبعض.. لالاعاد هو احلى منها ..خساره ماخذها كان اخذني..كيف وافقت عليه مو حلو<< استغفر الله
البنت المسكينه يكرهونا الحياه ...
تسرح..تفكر بخطيبها
متضايقه..متهاوشه مع الخطيب
فرحانه..ماحد نخطب الا هي
تغيب من المدرسه ..سهرانه مع الخطيب ..يتأخر هو ع الدوام ..سهران مع المدام.<<حرام تظلمونهم
ناسيه دبلتها ..فسخت الخطوبه يمكن
كاشخه..أكيد بتطلع مع الخطيب ولاجايه من عنده<<يعني البنت طول عمرها خرايط؟؟
تتكلم جوال ..أكيد مع الخطيب <<بالله ماخذه الجوال بس حق خشته ماحد عندها بالجوال؟؟
لاشافو سيارته بمكان قالو أكيد طالع مع الخطيبه <ماعنده الا هي وخشتها؟
تفتح المسنجر ..بدل مايقولو ولكمووو ليه سهرانه روحي نامي انتي متزوجه !!<<لاانحرم من الحياه انا أحسن
يعني يحسسونها انها يقفص وهو السجان (وين الديمقراطيه ياناسات؟)
البنت مازالت مخطوبه بنص السنه ..حددتو العرس؟؟ وياريت ع هالسؤال شفت خشتهم بالعرس نصهم ماجاو
واذا قالت لا يؤؤ للمتى بعد طولتو <<تزعم انها مهتمه لي وحاسبه كم لي من نخطبت ..تعرفين الظروف انتي ولاناويه تشوفين لنا شقه بقصركم؟<وعاد خذو الاسئله
عن:confused:
السكن
وين بتسكنين أجار ولاملك<<لاشكلها ناويه تساعدنا بالدفع
وكم غرفه وبأي طابق<حشى اسئلة التعداد السكاني
ووين بأي حي <<كل يوم بتجي لي
مع أهل زوجك ولالا؟؟لاقلتي لاتقول فتكيتي تحسسك ان هم وحوش
وإذا اي تقول الله يعينك <وتقول اهم شئ لك درج وباب بروحك<<ياليل البعارين:rolleyes:
الأستعدآد للزوآج
<سخافه لاسئلو هاه مستعده للعرس بالله داخله مسابقه؟
طبعا يطلعون روحها لين ماتصرح ع تاريخ الزواج ويبتدون هاه خلصتي اغراضك ويش بقى لك <<بتروحون معاي السوق مثلا؟؟
وبنات الله يجازيهم خير احس ودهم يساعدوني وناس لابس ماعندهم سالفه ولاحابين يتلقفون..
ولاسئلو عن ثوب العرس وين بتفصلينه شرايكم اوريكم الموديل بعد؟
وبأي صاله العرس <<يمكن مو ناويه أعزمك (كل شئ بوقته حلو)ومين الي بتغنى <يعني اذا ماعجبتكم مابتحظرون.؟
وعند من بتصوري وبتسوي المكياج والحناء <<من كثر هالسؤال خلوني اتردد في الحجوزات<سوو لي شوشره بدل مايساعدوني
ويعطونك أفكآر يحسسونك أنك متخلفه ماتفهمي بالموضه قصي شعرك صبغيه <<طيب يمكن هو مو راضي تسببون احراجات؟؟
غير خلصتي الشقه <<يعني بالله بنعرس والشقه ماخلصناها <حابين تستضيفوني عندكم مثلا؟؟
جاء يوم العرس
العروس دخلت <وتبتدي التعليقآآآآآآت ..يؤؤؤ توقعتها احلى لامومناسب الفستان وش هالذوق ماكأنها عروس<<والله تحصل شغلات لاع البال ولاالخاطر مو كل شئ نتمناه يصير
جلست المسكينه اللي سهرانه ولاتدري وين الله حاطها ويادوب تستوعب انها عروس
تبتسم كثير يؤؤ مخفه هالبنت مو رزه ..تكشر ثقيلة دم الله يعين زوجها <<والحل يعني تصيح !!
دخل المعرس <<وكل العيون تبحلق فيه أعظم من العروس <<عيب انا هنا قاعده ماتشوفني؟؟
وتطلع هذيك العين الذباحه عساس مايشوفها <<شعرفك ياماما انه مايشوفك اختشي..
وقف جنبها <<لازم بيعلقون ع الوقفه والشكل وخصوصا شماغه المسكين مايدرون انه نهلك من كثر مالرجال يسلمون عليه وطايحين فيه تبويس <<اشوا مو رجال انا هع:!!:
في القفص البرونزي

راحت بيت زوجها وفتكت من تعليقات المدرسه والخطوبه واخيررررررا برتاح <<لاياماما
هاه ياعروس شرايك بزواج وكيفك معاه<< والله ـي نفس أي مواطنه سعوديه
أقول مثلا فرحانه زعلانه ولاشسالفة هالسؤال خاطري أفهم المغزى منه ..بس حسيت انه نوع من انواع الدلاخه وعلى قولة الشاعر الهندي ماعندهم ماعند جدتي..
الزواج مسؤليه<<ماعتقد في غير هالأجابه ولاايش رايكم ياعروسات أما عاد الزوج مسكين هالكين صحته كأن ماتزوج بديره الا هو هههههههه
يحسسونه انه أول رجل يزور سطح القمر هع
الزيآرات
المووهيم >>شغله ذابحتني ومسويه لي توتر في النخاع الشوكي <انو كل ابوهن من يشوفوني قالو هالاسبوع رح نزورك وربي ثم وربي
عذبوني انتظر ...........وأحيآنآ ألقي مواعيدي <<أحلى يابزنز
ولو في بالي طلعه احس مربوطه ويصير عندي أسبوع النظافه والترتيب مو يوم <<آه ياويل حآآآلي بس الحين من احد قال بيجي لي أطنش
او بالمعنى الأصح ماصدق الا اذا أكد لي اليوم والساعه
وربي لاتستحون مارح اتشره عليكم انكم ماجيتو لي كل واحد وظروفه بس لاتضغطوني (ع الفآآآآآضي)..
والله أفرح لاجيتون لي
الحمل
وقبل مادخل بالموضوع حطو ببالكم كل شئ بيد الله

خلصنآآآآآآآ شهر وبتدو بالسؤال <<مافي شئ بطريق ؟؟<<<< عيب والله
وطبعا لو حملت دغري قالو يؤؤ مصرقعين مامداهم يتهنون مساكين...ولو تأخرت يؤؤ ماصآرت يلا حملي للمتى بعد <<الحمد لله والشكر
ولو شافوها تعبانه ولانشطانه قالو أكيد حامل <<حتى المسكينه لاحطت يدها ع ظهرها ولاخصرها قالو لااكيد سوتها<قمة التخلف
قالت جايه من المستشفى لاأكيد حآمل بس ماتبي تعلم..
وربي مليت أنا تعبت جاتني عقده نفسيه كرهت الحياه والتواصل مع الناس لاصرت أتصل ولاصرت أفتح مسنجر كثير
يعني لاجيتو تسئلون ويش بتستفيدون ؟؟ يمكن عندهم مشاكل صحيه ماليه نفسيه لاسمح الله <<من كثر ماتسئلونهم احتمال تسببون لهم مشآكل مع بعض من كثر الضغط من كلامكم يسون شئ غصب عنهم
<<اللي يقهر أكثر وأكثر نآس ماتقرب لي بس مجرد انها تعرف اقربآئي تسئل عني شكو بتشترون هديه للمولود؟
يحسسونك بشفقه انك مسكينه والله مارزقك
والله شكل الناس اللي معترضين ع أمر ربهم من طحنة الناس
يخلون الواحد يطلع عن طوره

ولاحملت الوحده ماتفتك ..بأي شهر؟؟وإيش جنس المولود؟؟ ولاقالت ماتعرف قالو كذابه <زين ماتبي تعلمكم غصب؟ وايش حابه ولد ولابنت<لاع كيفها
هاه شريتي أغرآض للبيبي <<مهتمين أووووووي..ولاولدت آخر الناس تزورهم..ايش الأسماء اللي ببالك<تسون قرعه معاها هههههه
ولابعد يتدخلون بالأسماء..وبأي مستشفى تتابعي<بتزورينها أول ماتولد؟
بعد الولاده
جات سنتين وحملت يؤؤ حرام توه ولدها صغير<<اللهم كافينا شر عقولهم..طولت للمتى بعد ولدك صار 3 سنوات لايصير وحيد ودلوع جيبي له ونيس
يبيعونهم بسوبر ماركت مثلا؟؟؟








من تآآآآآآآآآبع الناس مات همآآآآآآآآآآآآ...
شعآآآآآآآآآآآآري خلوني بحآلي الله كفيلي

يعني انتي تموني وهي تمون بس كثرة الضغط يولد أنفجآر

مماراق لي:L: