تاخر نطق الاطفال .شو الحل ؟؟؟؟

السلام عليكم ورحمه الله وبركاته


خواتي بالبدايه يشرفني اكون معاكم بهالمملكه الطيبه والي راح استفيد منها وافيدكم فيها باذن الله


مشكلتي ياخواتي هي تاخر نطق ولدي ...عمره سنتين ونص وللحين ما يقول غير بابا وشاي (يحب الشاي )ههههههه

المهم لما كان اصغر .تقريبا لما كان عمره اقل من سنه كان يقول كلمات اكثر وكنت اعرف له اذا كان يوعان ولا تعبان او عطشان


ومن دش بالسنه الاولى اتغير الولد ...صار ما يتكلم موليه وكله مطنش واذا ناديته ما يرد علي وما يحب ينتبه .ولا يحب يندمج مع حد او يحط عينه بعين حد


انا حملت ببنتي وكان عمر ولدي خمس شهور تقريبا .واهلي بدوله ثانيه وانا متزوجه من الامارات .يعني نادر ما اشوف اهلي وعيالهم ..واهل زوجي ما عندهم اطفال بعمر ولدي .عندهم ولد بنتهم اكبر عنه بسنه ونص بس ما يحب ولدي وكله يضربه وولدي يخاف منه


يعني طبيعه الجو الي عاشه انه بدون اطفال وما يشوف غيري انا وابوه واهل ابوه .نحن الي متعود عليهم بس وما يحب غيرنا يلعب وياه اويشله او يكلمه



لما كمل سنتين وديته لاستشاري اطفال وسواله كل التحاليل والكشف اللازم وقال الولد سليم وما يعاني من شي .ونصحنا انه نكلمه وايد ونحاول ندمجه مع الاطفال اكثر



الحمد لله اطمنا ان الولد ما فيه شي وبييه يوم وبيتكلم وبيتغير اسلوبه .سرت بلد اهلي عند خواتي ويلست فتره لانه خواتي كلهم متزوجين وعندي قبيله اطفال ماشاء الله .مب اقل عن 15


الكل يحبه ويحب يتقرب منه ويلعبون وياه وهو كله يصرخ وما يبا حد ايي صوبه او يلعب وياه وتمنا على هالحاله ..ما اندمج وياهم وايد



قبل اسبوعين قلت بوديه عن اخصاىي تاخر نطق واضطراب لغوي .لاني خفت يكون فيه توحد .المهم بعد الكشف والاسئله الي سالني اياها الدكتور تبين ان ولدي عانا من نقص اكسجين لما كنت حامل فيه او بوقت الولاده وهالسب سبب له تشتت بالذهن



فنصحني الدكتور انه اوديه عن دكتور يكتب له دوا لحالته ........وما كنت اعرف شي عن هالدكتور ولما سرت اكتشفت ان هالدكتور طبيب نفسي




انا انصدمت الصراحه .قلت طبيب نفسي لولدي .ليش؟؟؟ ولدي مافيه شي
والصراحه خفت من سالفه الدوا .......رجعت لدكتور التخاطب وسالته عن هالدوا
وقال ماله اعراض جانبيه وبيفيد ولدي .ومع جلسات التخاطب بتتحسن حالته وراح يتكلم



انا ترددت وايد .المهم سرت الموعد وقبل ما ادش شافتني الممرضه وقالت لي ولدج كم عمره .قلتلها سنتين ونص .فاتفاجات وقالت حرام صغير شو يسوي عن النفسي
فقلتلها السالفه ..قالت هالدوا ماله اعراض جانبيه بس تناسب للي اعمارهم 4 سنوات وفوق وهالدواء لتشتت الذهن والحركه الزايده ..........ولدي حركته عاديه يلعب ويركض عادي مب حركه زايده .قالت لي وديه عند دكتور اطفال وخليه يكشف علي مره ثانيه




انا الصراحه مليت وما حبيت ادخل ولدي بدوامه مالها نهايه .طلعت من عندها ورديت البيت والحين محتاره ما عارفه شو اسوي


ابا مشورتكم خواتي .شو الحل
والي عندها تجربه ياليت تفيدني