تجربة ناجحة : ازالة شعر ال....... بسهولة--> تعااالو

[BACKGROUND="70 #330066"]السلام عليكم ورحمة الله وبركاتو

كيف حالكم يا بنات

معاناتي مع المنقطة الحساسة زي معاناتكم
قرأت عن تجارب وتجارب وجربت وحاولت لحد ما وصلت لنتيجه

واخيييييييييرا طحت على تجربة فادتني وسهلتلي عملية نتف المنطقة الحساسة بدون ألم بدون شد

ألا وهي طريقة النتف بالرمااااااااااد

والطريقة هي :

تجيبي فحمتين تقريبا وتوليعها على النار كأنك حتسوي بخور
لحد ما تحسي انها بدأت تسير رماد
خدي الفحمة وحطيها على جنب لحد ماتسير كلها رماد ويبرد الرماد


تاخديها وجيبي معاكي حلاوة الشعر وملعقه ممكن تحتاجيه
طبعا بعد تكوني منظفه المنطقه كويس ومجففاها تمام
تاخدي شويه بيدك من الرماد هوا حيكون زي البودرة بيدك
وتبدأ عملية فرك للجزء الامامي من المنطقة فرك فرك لمدة ربع ساعه
على بال سلي نفسك بمشاهدة تلفزيون عشان يمشي معاكي الوقت
راح تحسي انو المنطقة اتخدرت
هنا السهوووله في الموضوع
جربي اسحبي الشعرة واللهي راح تنسحب معاكي بكل سهولة
وازا حسيتي بشوية صعوبة وكانت نوع شعرتك غليظه
استخدمي حلاوة الشعر وما راح تتألمي زي كل مره
وبعدين ابدأي في الجزء السفلي والاصعب والله يكون بعووونك
نص ساعه وتخلصي المهمة

وبعدها انا بصراااااحه عملت طريقة اخت معانا في المنتدى جزاها الله ألف خير

ودي طريقتها

http://forums.3roos.com/showthread.php?t=612804

الملح بعد نتف الشعر

عملت طريقة الملح ولسعتني حبتين بس ما عملتلي التهاب الحمدلله
و النتايج محا تبين دحين تبع الملح

اهم شي اني شلت المنطقه الي ياما عانيت منها وتعانو انتو منهاا
لانو كفاااايه بالموس نبغى حل نهائي
وان شا الله يخف مع الملح وراح اعيد التجربه مره ومرات ويا أنا يا شعر دي المنطقة


اتمنى اكون افدتكم

والي اتحمست معايا تدعيلي وتقيمني اتفقنا !!

أحلل النقل

بااااي عروساتي[/BACKGROUND]