طيعي زوجك وان شاءالله ماتندمين
ودامك بتاحذين الماجستير ان شاءالله هذا يكفيك
واهم شيء اهم شيء لاتاخذين قرارك الا باقتناعك
وعليك بالاستخاره الين ربي يهديك للطريق الصحيح
والله يوفقك ويكتبلك الي فيه الخير
ياأختي:زوجك من البدايه قبل بشرط ابوك
ليه اليوم يتراجع؟!وليه تحملين نفسك أثمه
توكلي على الله و كملي دراستك ولا يثنيك عنها الا الشديد القوي
بغض النظرعن حبك وحب ابوك للعلم الشهادة سلاح
ودرع ضد تيارات الحياة المهددة للاستقرار الاسري
أجلسي مع زوجك وتكلمي معه لكن بأسلوب الزوجه الحنون
وفهميه ان شهادك هذي لك وله ولعيالكم في المستقبل ان شاء الله
وصدقيني بيرضخ للامر وبيصبر لكن انتي بعد لما تلتقين به عوضيه
عن الايام اللي قضاها بعيد عنك,وشوي شوي تلقينه هو اللي يحثك على
الاستمرار بالدراسة،ادعي الله عزوجل ان يسخر قلب زوجك لك ويصب
حبك في قلبه صبا,ويهدي سركم ويكفيكم فتنة الشيطان واعوانه.
ليش ماتقليين دراستج للبلد زوجج وتعادليين المواد اللي خذتيها وتريحيين عمرج
أنا لو مكانج اختار الدراسة .. سلااح في يديج لو الزمن دار عليج ..لا قدر الله
الإنسان ما يضمن شو بيصير بالمستقبل تمسكي بالدراسة و خصوصا ان
زوجج كان موافق ما من حقه يعترض الآن
الله يوفقج وسهل لج أمورج ويحنن قلب زوجج عليج
أنا لو مكانج راح أواصل الدراسه في بلد زوجي، ولو كان التخصص مش موجود راح ادرس شي قريب له وقريب لميولي
واذا عندي مقدره ادرس في بلد مجاور ونتلاقى في الويك اند
صحيح الدراسه كثييير مهمه وأنا اول وحده مع هالمقوله لأني رفضت كثير تقدموا لي وانا ادرس في الجامعه ومانخطبت الا بعد ماتخرجت ببكالريوس والماجستير ان شالله لاحقين عليها وقريب ان شالله
بس بعد هذا زوجج وله حق عليج، هو صحيح انه وافق على انج تكملين دراستج بالبدايه بس بعدين ماقدر يتحمل لأنه يحبج ويبيج جنبه، وهو يبي يوقف جنبج ويقول لج ان هو معاج وصج يبي لج الخير
بس الانسان مرات يمر بظروف واوقات يحتاج الشخص اللي يحبه جنبه وهاذي الاوقات هي لما يقول لج بس ارجعي
استخيري وفكري في الموضوع وماعليج من كلام صديقاتج، وترى محد يحس بالوضع الا اللي عايش فيه
وهم أصلا من الاساس رافضين زواجج فكيف تبينهم يساندونج انج تروحين لزوجج
وفكري هم يمكن بعد مايبونج تبعدين عنهم، عشان جذي مو مشجعينج، بعض الناس يكونون انانيين في مثل هالمواقف
الله يعنك وسعدك ويسهل اموووك تقبلي مررروووري
هو الغلطان ! ليش يوافق من البدايه !
يصبر سنتين وبعدها تعيشوا براحه وهناء
أحسن ماتتركي الدراسه وتظلي تتحسفي طول عمرك !
والله ماادري ايش اقول بس انا يوم تزوجت تركت الدراسه وبعد كم سنه ندمت على سنين عمري الي
ضيعتها وانا قاعده في البيت :(
بس انا اشوف انه زوجك مادامه معاند او انه زواجك لاقدر الله راح ينهار انصحك تختارين زوجك وبيتك لانه هو المستقبل الحقيقي
بس المشكله ابوك واحلامه واحلامك هذي هي بجد الله يعينك
عشان كذا انا اشوف اذا فيه مجال تحذفين ترم وتجلسي مع زوجك وتحاولي تكسبيه وتفهميه
انه هذا حلمك وحلم ابوك انك تكملي دراستك وانه هو بنفسه وافق على هذا الشي قبل الزواج
وقولي كلها سنتين واجي واستقر معك هنا وانا حامله شهاده كبيره ومحققه حلمي
الله يسخره لك ويحقق احلامك
الله يعينك ياااارب
طمنيني عنك
مايبي لها تفكير اكيد دراستج .. انزين اهي كم سنة وبتعدي انشالله
يعني تتحملون شوية الحين عشان ماتتندمين بعدين
واهو من البداية وافق على هالشي ..
والعيال والزوج ما بيطيرون الدراسة الي تطير
خليه يتحمل شوي تعبوا في البداية عشان ترتاحون في النهاية
a
aisha.. madam simo
عروس برونزية
12-11-2011 | 11:51 PM
تخصصك ما في منه بالبلد اللي فيها زوجك؟؟؟
م
ماذا اقول
مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى
03-12-2011 | 09:49 PM
أنا حاسه انه زوجك ممكن اقناعه وتكملي دراستك
لكن اذا ما فيه فايدة حاولي تقنعي ابوكِ انه زوجك أهم من الدراسة
والله يعطيكِ العافية